Düşüncə Jurnalı

header photo

Nəticə göstərilir : "İNTİM HƏYAT"

Münasibətlərdə psixoloji yaş çox önəmlidir

24-06-2017

Ailə qurarkən insanları narahat edən əsas problemlərdən biri də yaş məsələsdir. Lakin insanlar bu məsələyə birmənalı yanaşmırlar. Bəziləri yaş fərqinin çox, digərləri isə az olmağının tərəfdarıdırlar.
Psixoloq, psixoterapevt Günel Vəliməmmədova bildirib ki, burada insanın tək fiziki yaşı yox, psixoloji yaşı da çox önəmlidir:
“Mənə elə gəlir ki, burada yaş fərqindən əlavə insanın tək fiziki yaşı yox, psixoloji yaşı çox önəmlidir. Elə olur ki, eyni yaşlı insanlar münaqişələrlə rastlaşırlar, çünki onların psixoloji yaş durumu bir-biri ilə uyğun gəlmir. Amma elə də olur ki, 10 yaş və ya 5 yaş fərq olanda uyğun gəlir. Bu insandan asılı olaraq dəyişir. Yəni elə cütlüklər var ki, qadın 10 yaş hətta daha böyükdür, amma onlar çox gözəl yola gedirlər. 
Burada əsas psixoloji yaş amili olmalıdır. Yəni ki burada passport yaşının önəmi çox deyil. Cütlüklərin xasiyyət və yaş baxımından uyğun olub-olmaması qeyri-müəyyən bir şeydir, yəni ki, bu ancaq münasibətin gedişatından sonra aydın ola bilər. İki insan bir neçə müddətdən sonra bunu hiss edə bilər”.

kayzen.az

 

Go Back

Sapioseksual

03-03-2017

Sapioseksual elə insandır ki, intellekti ən cazibədar xüsusiyyət hesab edir. Təsəvvür edin, bir insanın intellekti başqa bir insanı cəzb edir və ehtirasa gətirir. Latınca «sapio» — ağıllı dərrakəli olmaq deməkdir. Bu insanlar üçün həzz — ağlın qüdrəti və dərinliyi, həzz almaq — intellektual söhbət və intellektə maddi görünüşdə tamaşa etməkdir. Fərqi yoxdur, hansı cinsdəndir və ya neçə yaşı var, bu hamıya şamildir. 
Sapioseksuallar üçün məmnuniyyət alma pərəstişi — partnyorla fəlsəfi müzakirələr aparmaq, sərt tənqid etmək və dəqiq kinayə etmək və s.dir. 
Sapioseksualların ünsiyyəti başqaları üçün erudisiya və terminologiya bilgisinin olmamasından anlaşılmaz ola bilər. Ağlın işini müşahidə etmək — böyük məmnunluğun apriorisidir. Bunun başqaları üçün belə olmaması da mümkündür.
Sapioseksuallıq üçün misal kimi, Şerlok Holmsun İren Adlerə qarşı hisslərini və ya onun Moriarti ilə qarşılaşmasından sonra asılılığını çəkə bilərik. Höte, Hokinq, Volter, Nitşe və s. insanlara heyran olmağı da buna misal çəkmək olar.

kayzen.az

Go Back

İNTİMDƏN AİLƏ MÜNAQİŞƏSİNƏ GEDƏN YOL

13-02-2017

Ailənin möhkəmliyini sarsıdan digər şərtlərdən biri də   cinsi tələbatların ödənilməməsidir .

Şəxsiyyətin əsas sahələrinə arzu və istəklərinə,hisslərinə toxunulduğu hallarda ciddi konflikltlər geniş vusət alır.Ödənilməyən cinsi istək və arzuların olması konfliktli situasiyanın stabilliyini  pozur və konfliktin baş verməsi imkanlarını  artırır. Ümumiyyətlə ailədə cütlüklər arasında yaranan ciddi problematik situasiyaların  maraqlı analizi onu göstərir ki,hər iki tərəf fərqli düşüncə tərzinə malik olduğundan fərqli davranış tərzləri də onları həyatiboyu muşayət edir.Bir -birlərindən fərqli münasibətlər gözləyən cütlüklər daxilində nələri isə umar amma onunla üzləşmədikcə peşmanlıq çəkərlər .Güclü cinsin nümayəndəsi  intim sferada   təmin olunmamasından şıkayətlənməsə də bunu şüuraltı mesajlarla ötürər, ailədə kiçik –kiçik konfliktlər yaradar.Hər nə səbəb olsa da belə onu təmin olunması əsas şərt olmalıdır deyə təkid edər ,alınmasa da acığından min cür bəhanələrlə dava dalaş yaradar. Sadəcə bunun  səbəbini dərk etməyən qarşı tərəf  də bu incəliyi xırdalaya bilməyərək problemin səbəbini  başqa yerdə axtarar.Bəzən də bir qisim  qadınların cinsi tələbatları  ödənilmədikcə şübhə və neqativ düşüncələrin həyacan təbili çalınmağa başlayar. “Görəsən niyə soyuyub məndən ?”,”deyəsən həyatında kimsə var “,”bəlkə zəifliyi var deyə bilmir” və ya “ailəsi ilə birgə dar evdə yaşam tərzi”, “uşaqdan sonra çox dəyişib”və.s kimi duşuncələr .

Qadınlar əslində xəfiyyə obrazı kimi tanınırlar .Məhz buna görə də kişilərin heç onun özünə də məlum olmayan tərəflərini qadınlar duymalı və bəzi fəndləri  də tətbiq etməyi öyrənməlidirlər.Kişilər qadınların qadınlar da kişilərin imtiyazını qazanmağı bacarmalıdırlar.Təbii ki, frigid qadınlar istisna olmaqla bir çox qadınların daxilində gizli cərəyan edən yalnız  cox vaxt dilə gətirilməyən  və ailədə böyük ekstrimal şərait yaradan  intim tələbatların ödənilməməsi problemi nevrotik pozuntulara səbəb olduğu halı kişilərə də birmənalı aiddir..Həqiqətən də toxunduğumuz movzuda konfliktlərin episentrini cinsi əlaqənın, intim münasibətlərin layiqli həyata keçməməsi təşkil edirsə bu halda qeyd etmək istərdim ki,kişilər bu situasiyalarda olduqca həssas olmalıdırlar. Qadınlarının istək və tələbatlarını(qarşılıqlı istək çərçivəsində, küsülü anı silmək üçün ilk addımlar ataraq  və ya kritik günlər olmadığı zamanlarda ,zor tətbiq deyil də həzin sevgi yağışı ilə öpüşlərə xoş sözlərə qərq etməklə və.s) ödəməlidirlər.Qadınlar  da ( bir qismi  ehtiyac olarsa  bu mövzularda psixoloq və ya mütəxəssislərdən lazımı məsləhətləri alaraq), əsl sevimli qadın obrazında olmağı ,incə fəndlərdən istifadə edərək  güclü cinsin nümayəndəsini məhz onların istədiyi və sevdiyi tərzdə təmin etməyi bacarmalıdırlar .Əslində ailənin təməli saglam arzu və istəklərin qovşağında qurularsa ,bu halda onlar bir birlərini dəyişdirməyə deyil də bu zaman hər iki tərəf özündə cərəyan edən bu halların çözümünü özlərinin  düşüncə zənginliyində axtarıb tapmalı, hisslərinə dəyər verərək qarşılıqlı anlaşma qovşağında  stabil idarə olunmaqla tamamlanmalıdırlar .

Gülər Məmmədova

Psixologiya və Konsultasiya Mərkəzinin psixoloqu

pcc.az

Go Back

Evlilik?

17-01-2017

«Evliliyin ilk beş ili kritikdir», «Dərhal uşaq dünyaya gətirməyin» kimi tövsiyələri eşitməyən, yəqin ki, yoxdur. Bu cümlələr elə hey qurulur, amma evliliyə son həll təklifləri verilmir. ABŞ-da Cornell və Chicago Universitetinin sosioloqları 3 min yetkin üzərində araşdırma aparıb. Bu araşdırmalarda, evliliklərində özlərinə aid ictimai həyatı olmayan insanların evliliklərinin təhlükəyə girdiyi görülüb. Xəbərdə evliliyi qurtarmanın düsturu «insanın insana ilişməsi» olaraq verilib. Evliliyinizdə işlər yaxşı getmirsə, problemləriniz varsa və həll edə bilmirsinizsə, hətta evliliyiniz bitmə nöqtəsinə doğru gedirsə, aşağıdakı sualları özünüzə verin və cavabların sizə ipucunu verməsinə şərait yaradın. 
Evlilik üçün lazım olanlar
Bir çox evlilik mütəxəssisi evli cütlərin bu sualları cavablamalarının lazım olduğunu söyləyir:

  • Bir probleminiz var? Problemin xüsusiyyətlərini təyin edə bilərsinizmi?
  • Problemlərə hər ikiniz də ciddi bir şəkildə əyilmək istəyirsinizmi? Hər ikiniz də ortada problem olduğuna inanırsınızmı? Deyilsə, bu şərtlərdə əlaqənizi davam etdirmənizə səbəb olan müsbətləri və mənfiləri müəyyən edə bilərsinizmi?
  • Problemlərinizdə hirs necə rol oynayır? İkinizdən biriniz hirsi daha az ifadə etməyə iş, ətrafdakılar hirsdən danışdığında əsəbiləşmə, hirslənmə səbəbiylə özünü günahkar hiss etmə nöqtəsinə gəldisə, müalicə variantlarını daha diqqətli nəzərdən keçirməniz lazımdır.
  • «Bir kinoya ya da teatra gedəkmi?» demək əvəzinə 2 nəfərlik bilet alın. Ona «Sürpriz, sabah axşam kinoya gedirik» dediyiniz zaman sizinlə gələcəkdir.
  • Rəqs ya da fərqli bir sahənin kursuna gedin. Bərabər izah edəcəyiniz şeylər ola bilər. Danışma tərzinizi dəyişdirin. Məsələn, "Çox dağınıqsan" demək yerinə «Bu otaqda özümü yaxşı hiss etmirəm» deyə bilərsiniz.
  • Laqeyd yanaşdığınız bədəniniz üçün bir şeylər edin… Məsələn, məşq...
  • Ondan istədiyiniz şeyi almağı bilin. Sarılmasını istəyirsinizsə, «Mənə sarıl» deyin.
  • Mübahisələr bəzən əlaqəni canlandıra bilər.
  • Çəkinmədən, yataq otağında yoldaşınızı canlandıracaq fantaziyalar xəyal edin.
  • kayzen.az

Go Back

Xoşbəxt sevgili olmaq üçün 5 qayda

16-01-2017

Münasibətlərdə dincliyi qoruya bilmək və ilk günkü həyəcanı yaşamaq üçün hər iki tərəfin də üzərinə düşən vəzifələr var. Bunları edə bilsəniz, münasibətdəki xoşbəxtliyinizi qarşılıqlı olaraq qoruya bilərsiniz. 
1. Qarşılıqlı güvən münasibətin əsasını təşkil edir. Sevdiyiniz adama sonuna qədər güvənirsinizsə, eşqiniz şübhə edilməyəcək bir şəkildə möhkəmdir. Tərəf müqabilinzə qarşı sadiq olmaq ən yaxşı yoldur. Xüsusilə bu iki xüsusiyyət münasibətinizi icra edəcək qədər dəyərlərdir. 
2. Qarşınızdakının hər şeyi etməsini gözləməyin və münasibətdə siz də təəccübləndirici, çaşdırıcı həmlələr və gözəl hərəkətlər edin. Özünüzə yaxşı davranın, çünki özünüzə davranış formanız tərəf müqabilinizə də təsir edər, mənfilikləri ona da əks etdirmiş olarsınız. Davamlı olaraq qarşı tərəfdən bir şeylər gözləmək bir müddət sonra əlaqəyə zərər verər. Siz özünüzə qarşı müsbət olmalısınız ki, qarşı tərəf də müsbət ola bilsin. 
3. İçində olduğunuz vəziyyətdən asılı olmayaraq daim dürüst və içdən olun. Qarşınızdakından sirr saxlasanız, münasibətdə də güvən bir o qədər yox olar. Artıq münasibətinizdə səmimiyyət tapmaya bilərsiniz. Əgər özünüz kimi davranmasanız, qarşı tərəf də sizi kəşf edə bilməz və beləcə, səthi, süni münasibət yaşayarsınız.
4. Münasibətlərdə ən əhəmiyyətli məqamlardan biri də çətinliklərə birlikdə sinə gərməkdir. Yaranan hər mənfi vəziyyətdə onun həllini qarşı tərəfdən gözləməyin. Münasibətdə üstünüzə düşən vəzifəni yerinə yetirin ki, əlaqəniz düzgün və problemsiz bir şəkildə irəliləsin. 
5. Qarşınızdakını dəyişməyə çalışmayın. Tərəf müqabilinizi olduğu kimi sevin və qəbul edin, o zaman münasibətinizdə daha az çətinlik yaşayarsınız. Qarşınızdakı ilə hər zaman eyni fikirdə ola bilməyəcəyiniz kimi, bəzən münasibətinizə rəng qatan, belə anlaşılmazlıqlardan doğan mübahisələr də ola bilər. Ən sonda bir daha vurğulayaq ki, kiçik problemi böyütməyin və davamlı haqlı tərəf olmağa çalışmayın. Bəzi zamanlarda görməzlikdən gəlin ki, dinc və xoşbəxt bir münasibət yaşaya biləsiniz.

kayzen.az  

Go Back

Ən yaxın dostuna aşiq olanlara 8 məsləhət

06-01-2017

Ən yaxın dostunuzun sizin üçün daha böyük əhəmiyyət kəsb etdiyini anladığınız an demək, vəziyyət dəyişib. Onunla bir çox məqamları paylaşmaq, dostunuza nəsə danışmaqdan daha çox sanki ona nəsə izah etməyə çevrilir. Deməli, siz artıq ən yaxın dostunuza aşiq omusunuz. Sözsüz ki, burada söhbət oğlan və qız dostluğundan gedir. 

1. Onun nə düşündüyünü bilirsiniz
Onun düşüncələrini bildiyiniz üçün hər hansı mövzu haqqında fikirlərini öyrənməyə çalışmaq lazım deyil. Buna görə həddindən artıq analiz, bir-birini tanımağa istiqamətlənən cəhdlərə ehtiyac yoxdur.

2. Seks əyləncəli bir hal alır 
Bir-birinizə cinsi həyatınız daxil hər şeyi danışdığınız bir insanla sekslə məşğul olmağa başlayanda bunun gerçək olduğuna təəccüblənib gülə bilərsiniz. Sonra bir də görəcəksiniz ki, cinsi həyatınız mükəmməldir. 

3. Günün 25 saat olmasını istəyərsiniz 
Onunla artıq dostluğun tələb etdiyindən daha çox sevgili olmanın verdiyi üstünlükləri də paylaşmağa başlayacaqsınız. Dost olan zaman etmədiklərinizi və qaçırdığınız fürsətləri kompensasiya etmək istəyərkən, həyatınızdakı digər insanlara laqeyd yanaşmayın. 

4. Bir-birinizlə zarafat edə bilərsiniz 
Açıq zarafatlarınız bir-birinizin xətrinə dəyməyəcək. Uşaqlığınızdan qalma xatirələri, sizi utandıran halları danışacaq, zarafatlaşacaq və gülüşəcək çox şey var. 

5. «Birdən onu itirərəm» fikri 
Bu, adətən sevgilidən ayrılmaq deyil, həyatınızdakı ən vacib dostun da itirilməsi anlamına gəlir. Nəticədə, sevgililik bitdikdən sonra dostluq əlaqəniz də kəsiləcək. Problemləriniz varsa, bunu paylaşmaqdan, kömək almaqdan çəkinməyin. 

6. Təxmin etdiyinizdən daha çox dalaşa bilərsiniz
Nəticədə, o, sizin özünüzü necə hiss etdiyinizi, nə düşündüyünüzü söyləməkdən çəkinmədiyiniz bir insandır. Münasibətlərinizin romantik müstəviyə keçməsi bunun dəyişəcəyi mənasını vermir. Bundan başqa, ən yaxın dostunuz onsuz da sizin limitlərinizi bilir. Buna görə də mübahisələri öz düşüncənizdə çox da böyütməyin. 

7. Görünüşünüzə əhəmiyyət verməyə başlayırsınız 
O, əvvəllər sizi yüzlərlə dəfə ev geyimində, səliqəsiz formada görə bilər. Amma artıq onun gözündə necə göründüyünüzə əhəmiyyət verməyə başlayacaqsınız və detallara diqqət edəcəksiniz. 

8. Buna dəyər 
Ən yaxın dostunuza aşiq olmağın yaxşı bir hal olmadığını söyləyənləri dinləməyin. Əgər işlər yolunda getməsə, sevdiyiniz birini itirə bilərsiniz, amma heç kimlə qura bilmədiyiniz bir bağ da qura bilərsiniz. Gələcəkdə peşman olmaqdansa, sınayın.

kayzen.az

 

Go Back

Yuxu pozanıza görə evliliyinizin təhlükədə olub-olmadığını müəyyənləşdirin

26-07-2016

b_420_0_16777215_0___images_stories_BUMARAQLIDIR_yuxu-poza.jpeg

Bu günə kimi “Ailə dostu” layihəsində bir-birindən maraqlı mövzulara toxunmuşuq.

Bu dəfə isə yuxu pozalarından, daha doğrusu, cütlüklər arasındakı münasibətin yuxu pozalarında öz əksini necə tapmasından danışacağıq.

Araşdırmalar göstərib ki, cütlüklərin yuxu pozasından onların bir-birini həqiqətən sevdikləri və ya ayrılmaq üzrə olduqlarını anlamaq mümkündür. “Goodbye Insomia” və “Hello Sleep” adlı kitabların yazarı psixiatr Samuel Dunkell düz 25 ildir ki, yuxu pozalarının mənalarını araşdırır. Onun məqsədi insanların eşq həyatı ilə yuxu pozaları arasındakı əlaqəni öyrənməkdir.

Siz də son günlər partnyorunuzun soyuq davranışlarından şikayət edir və artıq sizi əvvəlki qədər sevmədiyini düşünürsünüzsə, mütləq yazımızı oxuyun.

Qaşıq pozası

b_420_0_16777215_0___images_stories_BUMARAQLIDIR_yu2.jpeg

Bu pozada yuxuya gedən cütlüklərin evlilikləri, adətən, uzunmüddətli olur. Onlar bir-birini çox sevir, biri olmayanda o birinin gözünə yuxu getmir. Onlar sevgilərini dilə gətirməkdən çəkinmirlər.

Yastıq söhbəti

b_420_0_16777215_0___images_stories_BUMARAQLIDIR_yu2.2.jpeg

Belə cütlüklərdə dostluq eşqi üstələyib. Bu pozada yatan cütlüklər bir-birinin ən yaxşı sirdaşıdırlar. Onlar üçün səmimiyyət hər şeydən önəmlidir. Aralarında heç bir sirr yoxdur. Onlar gün ərzində tez-tez söhbətləşməkdən, dərdləşməkdən zövq alırlar. Belə cütlüklərin də münasibətləri uzunmüddətli olur.

Romantik poza

b_420_0_16777215_0___images_stories_BUMARAQLIDIR_yu3.jpeg

Adətən filmlərdə dillərə dastan eşq yaşayan cütlüklər bu pozada yuxuya gedirlər. Adından da məlum olduğu kimi, bu poza cütlük arasında güclü romantik hisslərin olduğundan xəbər verir. Yeni evlənənlər, əsasən, bu yuxu pozasına üstünlük verirlər. Belə yatan cütlüklər arasında sevgi və hörmət hissləri güclü olur. Araşdırmalar göstərib ki, qarşı tərəfin çiyninə söykənərək yuxuya getmək həm kişi, həm də qadın üçün faydalıdır. Çünki  sevdiyi şəxsin ürək döyüntülərini eşitmək hər bir insanın əsəb sisteminə yaxşı təsir edir, gün ərzində keçirdiyi əsəb, stres, gərginlik hisslərini unutdurur.

Kürək-kürəyə

b_420_0_16777215_0___images_stories_BUMARAQLIDIR_yu4.jpeg

İllərdir ki, evli olan cütlüklər çox vaxt bu pozada yatırlar. Bu bir-birinə öyrəşmiş, artıq qarşı tərəfə olan marağını itirmiş cütlüklərin yuxu pozasıdır. Tərəflər bir-birini yaxşı tanıyır, bir-birinə inanır. Eşq bitsə də, sevgiləri hələ də onları tərk etməyib. Bu poza bir-birinizin yanında olduğunuzu hiss etdirir. Eyni zamanda da, rahat yatmağa imkan yaradır. Ancaq onu da qeyd edək ki, belə cütlüklərin 1-2 il ərzində ayrılmaq ehtimalı var. Çünki  müəyyən mərhələdən sonra bezib eşqin çılğınlığını dadmaq istəyəcəklər.

Çarpayının ucunda yatanlar

b_420_0_16777215_0___images_stories_BUMARAQLIDIR_yu5.jpeg

Evli cütlüklər çarpayının əks qütblərində, bir-birinə kürəyini çevirərək yatırlarsa, deməli, bu ailə dağılacaq. Çünki araşdırmalar şüuraltında toplanan fikirlərin, əsasən, gecə saatlarında insanların davranışlarında öz əksini tapdığını bildirirlər. Əgər isti yay aylarında tərləməmək və rahat yuxuya getmək üçün bu pozada yatırsınızsa, problem yoxdur. Ancaq hər gecə eyni şey təkrarlanırsa, deməli, diqqətli olmaq lazımdır. Çünki bu qarşı tərəflə aranızda münasibətin soyuduğunu, məsafəli olduğunuzu göstərir. Qeyd edək ki, sevərək evlənməyən, ailənin və ya qohumların məsləhəti ilə ailə quranlar adətən, bu yuxu pozasında yatırlar.

Qanadlarının altında

b_420_0_16777215_0___images_stories_BUMARAQLIDIR_yu6.jpeg

Psixoloq Samuel Dunkell bu pozanın çox səmimi olduğunu vurğulayır. Hətta dediyinə görə, xərçəng xəstəliyinə yaxalanan pasienti bir dəfə ona əri ilə bu pozada yuxuya getdiklərini və bunun ona mənəvi cəhətdən çox yaxşı təsir etdiyini bildirib. Bir sözlə, bu poza əsl sevgidən və mərhəmətdən xəbər verir. Əgər partnyorunuz sizi belə qucaqlayıb yatırsa, onu xoşbəxt etmək üçün əlinizdən gələni edin. Çünki dünyada sevməyi bacaran nadir insanlardan biri ilə birlikdəsiniz. Bunun qiymətini bilin.

Rahat, amma birlikdə

b_420_0_16777215_0___images_stories_BUMARAQLIDIR_yu7.jpeg

Bəzi cütlüklər rahat yatmaq üçün çarpayıda uzaqlaşdıqlarını, qucaqlaşmağın, yaxın təmasın yuxunu qaçırdığını bəhanə edirlər. Ancaq illər keçsə belə, sevgiləri azalmayan, hələ də bir-birlərinə yaxın olmaqdan zövq alanlar rahat pozada yatsalar belə, mütləq əl, qol, ayaqlar qarşı tərəflə təmasda olur. Belə cütlüklər arasında qısqanclıq, dava-dalaş olmur. Onlar evli olsalar belə, hələ də sevgili və dost qala bilənlərdir.

Publika.az

Go Back

Ailə qurmağa mane olan səbəblər

26-08-2015

Ətrafda olan bütün yaşıdlarınız, sizdən kiçiklər, karyera, cazibə, bacarıq baxımından sizdən heç də öndə olmayanlar ailə həyatı qurub, sevdikləri ilə xoşbəxt ömür sürürlər?Bəs siz niyə tənhasınız? Çünki, beyninizdə aşağıdakı fikirlər hökm sürür.

"Valideynlərim kimi ailə həyatı qurmaq istəmirəm"
Deməli, hələ də öz uşaqlığınızın təsiri altındasınız. Evdə olan söz-söhbətlər sizi bezdirdiyi üçün evlilik təklifini rədd edirsiniz. Elə bilirsiniz ki, sizin də ailəniz öz valideynlərinizinki kimi olacaq. Digər tərəfdən isə azadlığınızı itirəcəyinizdən qorxursunuz. Əgər düzgün həmdəm seçsəniz, bütün bunlar baş verməz.

"Heç kəs məni onun qədər hirsləndirmir"
Siz artıq "tora" düşmüsünüz. Çox gözəl başa düşürsünüz ki, fərqli insanlarsınız, amma onunla görüşməkdən imtina edə bilmirsiniz. Rəfiqələriniz də ondan ayrılmağınızı təklif edir. Onunla bağlılığınız özünüzə də xoş deyil. Amma özünüzlə bacarmırsınızsa, özünüzə sual verin: Bütün bu əzablara dözməyə dəyər? O, insanı yaddaşınızdan silin. Sizə dəyər verən insan tapın.

"Anam deyirdi ki, heç kəs məni sevə bilməz. Ona görə..."
...Çox kökəm, çox danışıram, gözəl deyiləm. Bir sözlə, məndən evinin qayğısına qalan xanım olmaz. Kişilər isə bu keyfiyyəti olmayan qadın tərəfə baxmaz. Axı, özünüz çox gözəl bilirsiniz ki, sevdiyiniz və sizi sevən insan üçün hər şeyi edə bilərsiniz. Həm də hər bir qadını olduğu kimi sevən insan var. 

"Öz səhvlərimi təkrarlamaqdan qorxuram"
Həyatınıda "eks sevgili" anlayışı var. Bu sevginizə görə də özünüzü bağışlaya bilmirsiniz. Bəlkə də, sevgiyə tövbə etmisiniz. Amma unutmayın, bütün insanlar eyni deyil. Axı hamı sizi aldada bilməz. Həm də sevgi məsələsində bir dəfə yanıldığınız üçün, ikinci dəfə daha da təcrübəli olacaqsınız.

"Karyeram dağılacaq"
Əldə etdiklərinizin hamısı zəhmətinizin bəhrəsidir. Bütün bunları sevgi yolunda itirmək  isə sizin üçün faciədir. Axı, niyə bu fikirlərlə özünüzü yükləyirsiniz? Niyə düşünürsünüz ki, sevgi sizi karyeranızdan ayıracaq? Əgər bu gün uğurlu karyera qurmusunuzsa, deməli, siz bacarıqlı xanımsınız və ailə həyatının öhdəsində də gələ bilərsiniz. Ağıllı xanımlar isə daima həyata qalib gəlirlər.

"Tələsən təndirə düşər"
Ən çox rast gəlinən haldır. Karyerapərəst xanımlar işləri haqqında fikirləşməkdən ailə həyatına vaxt qalmır. Gözlərini açanda isə görürlər ki, artıq ömrünün 30 ilini geridə qoyub. Bax, bundan sonra başlayır- həyəcan və təşviş. Nə qədər şablon səslənsə də qeyd edilməlidir ki, "dəmiri isti-isti döyərlər." Qız qaldıqca qızıla dönər" məsəli isə karyerapərəst xanımların bəhanəsidir.

"Ailədəki problemlər"
Bəzi ailələr uşaqlarına azadlıq vermirlər. Ona görə də gənc və yeniyetmə qızlar ailə problemlərindən azad olmaq üçün və azadlığı əldə etmək üçün kimə gəldi, tanımadan ailə həyatı qururlar. Lakin həmişə istədiklərinə nail ola bilmirlər. Başa düşmürlər ki, ailə həyatı sadəcə toydan və nigahdan ibarət deyil. Bunda isə əsas günahkar valideynlərdir. Məncə, valideynlər uşaqları ilə dost olmalı və  onlara lazımı qədər azadlıq verib, lakin həmişə nəzarətdə saxlamalıdırlar.

Unutmayın hər bir qadın xoşbəxt olmağa layiqdir!

qadinlar.biz

 

Go Back

YENİYETMƏLİK DÖVRÜNDƏ CİNSİ TƏRBİYƏ!!! Valideynlər Necə Davranmalı?!

11-09-2014

 Yeniyetmə yaşlarında orqanizmdə baş verən dəyişikliklər, inkişaf gənclərin və onların gələcəyi üçün cavabdehlik daşıyan böyüklərin qarşısına yeni problemlər çıxarır. Cinsi hormonların artıq dərəcədə hasil olunması nəticəsində orqanizmdə baş verən bioloji dəyişikliklər cinslər arasında münasibətlərin dəyişməsinə səbəb olur ki, bu da qarşıya ictimai və əxlaqi məsələlərin həlli kimi ciddi vəzifələr qoyur. Yaşlılar bunu bilməli və heç vaxt yaddan çıxarmamalıdırlar. Onlar gigiyena məsələləri haqqında məsləhətlərlə kifayətənməyib, yeniyetmə gənclərə orqanizmin biofizioloji xüsusiyyətləri, bu dövrdə müqabil cinsə münasibət haqda sadə, onların anlayacağı şəkildə məlumatlar verməlidirlər. Əgər bu yaşda orqanizmdə fizioloji dəyişmə prosesləri, şəxsi gigiyena qaydalarına aid məsələlərdə valideynlər uşaqlar ilə ümumi dil tapırlarsa da, yeniyetmə yaşlarında olan oğlanlarda baş verən bəzi seksual məsələlərdə onlar böyük səhvlərə yol verirlər. Bunlardan ən çox təsadüf olunanı valideynlərin, müəllimlərin təsadüf etdikləri onanizm — masturbasiyadır. Oğlanların bu “eyib işlə” məşğul olduğunu bildikdə xüsusilə analar çox həyəcanlanırlar. Bu vəziyyətdə, adətən, istər fizioloji və istərsə də psixoloji sferada elə bir gərginlik yaranır ki, gəncin şüuru qeyri-ixtiyari olaraq yalnız bir istiqamətdə fəaliyyət göstərir və onu müəyyən yollara bu vəziyyətdən qurtarmağa məcbur edir. Onanizmə də elə bu baxımdan münasibət göstərilməlidir. Birinci masturbasiyalar səbəbi dərk olunmadan, sonralar isə dərk olunmuş səbəblərlə edilir. Cinsi əlaqə istəyi, adətən, gəncin özü üçün uydurduğu xəyali fikirlər, fantaziyalar nəticəsində, məsələn, tanıdığı və ya tanımadığı qadının, qızın obrazını xəyalına gətirdikdə yaranır. Belə fantaziyalar məlum səbəblərə. görə oğlanlarda qızlara nisbətən daha çox inkişaf etmiş olur.

Masturbasiya aktının-sayı gənc orqanizmin fərdi xüsusiyyətlərindən və onun azad vaxtlarından necə səmərəli istifadə etməsindən asılıdır. Bəzi gənclərdə psixoloji gərginlik o qədər güclüdür ki, cinsi istək onun başqa hissləri arasında üstünlük təşkil edərək gəncin diqqətini daimi olaraq seksual sahədə cəmləyir. Belələrini masturbasiya aktı müəyyən müddət üçün bu gərginlikdən çıxarır. Bir qayda olaraq normal cinsi əlaqənin başlanması onanizmlə məşğul olmağa son qoyur. Amma bəzi hallarda evləndikdən sonra da müəyyən səbəblərə görə (arvadın xəstəliyi, hamiləlik, aybaşı və s.) onanizmdən istifadə olunur. Bəzi gənclərin həyatında onanizm yeganə əyləncəyə çevrilir və o, vaxtının çoxunu masturbasiyaya həsr edir. Belə vəziyyət əksərən intellekt cəhətdən məhdud, qaraqabaq, utancaq və yaşıdlarından ayrılıb, onlarla yoldaşlıq, dostluq etməyən gənclərdə olur. Belələri təklikdə olmağı, vaxtını boş-boşuna keçirməyi xoşlayırlar.

Buna görə valideynlər belə gəncləri müəyyən bir maraqlı fiziki və ya əqli işlə, idmanın bir növü ilə maraqlandırmalı, onu yaxşı, işgüzar həmyaşıdları ilə yoldaşlığa, dostluğa təhrik etməlidirlər. Ümumiyyətlə, qeyd etməliyik ki, fiziki əmək, idman onanizmlə məşğuliyyətin qarşısını tamamilə almasa da, onun sayının hiss olunacaq dərəcədə azalmasına səbəb olar. Yeniyetmənin onanizmlə məşğul olduğunu bildikdə valideynlər heç bir vaxt cəza tədbirlərinə əl atmamalı, bu işlə məşğul olmayacağı haqqında onun söz verməsini tələb etməməlidirlər.

Unutmaq olmaz ki, belə yeniyetmələrdə iradə zəif olduğundan onanizm istəyi həmişə onun verdiyi vədə üstün gələcəkdir. Burada yalnız valideynlərin sakit, inandırıcı söhbəti və məsləhətləri, eləcə də oğlanın məsləhətləri anlayıb qəbul etməsi müəyyən rol oynayar.

 

Validə Abbasova

Psixologiya və Konsultasiya Mərkəzinin Psixoloqu

 

Go Back

Qadınlarda İlk Gecə Qorxusu - VAGİNİZM

07-08-2014

 Cinsi mövzularda məlumatı az olan bir cəmiyyət olmamız danılmaz bir faktdır. Ətrafdan alınan yalnış ya da az informasiyadan qaynaqlanan bir çox cinsi problemlər var,ancaq bunlardan ilk gecə qorxusu bəzən xəstəlik səviyyəsinə gəlib çatır. 

Vaginizm xəstəliyində vagina əzələlərində cinsi əlaqəyə imkan verməyəcək şəkildə bir spazm müşahidə olunur. İnformasiya mühitində yaşamamıza baxmayaraq, bu şüuraltına işləmiş ilk gece qorxusunun məhsuludur.Əksər hallarda gənc qızların öz aralarında danışaraq yaratdıqları bu xəstəlikdə cütlüklər heç bir halda cinsi əlaqədə ola bilmirlər. Ön sevişməni cox yaxşı bacarsalar belə,tam cinsi birləşmə (koitus) əzələlərdə olan spazma görə baş vermir.

Bu da ər və arvad arasındakı münasibətin bir müddət sonra pozulmasına gətirib çıxarır. Lakin bəzən 5-6 il bu vəziyyətdə yaşayan ailələrə rast gəlinir. Bunlar bir müddət sonra cinsi əlaqədən imtina edib, sadəcə ön sevişmənin orqazmı ilə kifayətlənirlər. 

Bu problem ilk cinsi əlaqə vaxtı ortaya çıxa bildiyi kimi uzun illərdən sonra da yaşana bilər. Bəzən bir partnyorla yaşandıqı halda digəri ilə görünməyə bilər. Təməlində isə yalnış maariflənmə dayanır.Bu qorxular içində qızlıq pərdəsinin açılması zamanı həddən artıq ağrıların olması,cinsi əlaqənin çox ağrılı olması və doğuşun çox qorxulu olması kimi söhbətlər də var.

21 ci əsrdə , informasiya və texnologiya erasında yaşadıqımız bir vaxtda «hələ də bu cür xəstəlik var?»deməyin. Çox yayılan və ailələrin xəstəlik kimi qəbul etməyib yaşadıqları bir xəstəlikdir.

Vaginizm xəstəliyinin müalicəsi cinsi məlumatların yenidən gözdən keçirilib, az ya düz olmayanların düzəldilməsi, verilən bəzi tapşırıqların olunması,və qorxunun xüsusi psixoterapiya metodları ilə aradan qaldırılmasına əsaslanır.

 

Orxan Fərəcli

Psixologiya və Konsultasiya Mərkəzinin 

Klinik  psixoloqu

www.psixotest.az

 

Go Back

Xanımlarınızı yataqda belə xoşbəxt edin

01-07-2014


Yataqda xanımını daha da xoşbəxt etmək istəyən kişilərə tövsiyələrimiz var. Ailem.az xəbər verir ki, bunlara əməl etməklə xanımlarınızı daha xoşbəxt və məmnun edə bilərsiniz.



Bir qadının bədəni nə qədər bəyənilirsə, münasibətdən də o qədər zövq alır. Tərəfdaşınızın necə möhtəşəm olduğunu desəniz, bədəni haqqında nə qədər çox xoş söz söyləsəniz, gecəniz bir o qədər yaxşı keçəcək.



Gənc qadınların kişilərə nisbətən orqazm olma səviyyəsi yarı-yarıya daha azdır. Amerikada aparılan bir araşdırmaya görə, qadınların sadəcə 8 faizi orqazm olarkən, bu göstərici kişilərdə 100 faizdir. Qadınların seksdən daha az zövq almasının səbəbi də özünü yox, kişini xoşbəxt etməyi düşünməsidir.



Yataqda qadınların öz istəklərini kişilər kimi çəkinmədən dilə gətirməməklərini “zövq almırlar” kimi qəbul etmək düzgün olmaz. Qadınlar, “çox təcrübəlidir” kimi kişi düşüncəsindən qorxurlar. Buna görə yataqda xanımınızdan nədən xoşlandığını siz soruşun.



Xanımınız orqazm olmadısa, bu, razı qalmadı demək deyil. Çox vaxt qadınlar kişiləri razı salmaq üçün onların orqazm olmasına daha çox diqqət yönəltdiyindən bu, onların işini bir qədər çətinləşdirir. Hər yaxınlıq zamanı qadının orqazm olmasını gözləməyin.



Əgər ona toxunaraq bədənini titrətməyi bacarmırsınızsa, deməli, doğru nöqtəni hələ tapmamısınız. Bu, bir az zaman alacaq.



Yaxşı cinsi həyat üçün yaxşı münasibət lazımdır. Əgər sizin yanınızda necə hiss etməsi ilə bağlı şübhəniz varsa, soruşun. Münasibətiniz nə qədər sevgi doludursa, yataq otağınız da bir o qədər hərəkətli olar.

 

Go Back

Öpüşmək niyə bu qədər zövq verir?

23-06-2014


Cinsi çəkiciliyin yüksək olduğu anlarda öpüşməkdən hər kəs xoşlanır. Öpüşmək niyə bu qədər zövq verir? İntim münasibət niyə öpüşmələ başlayır?

Öpüşmək haqqında 10 sirr

1. Dodaqlaırmızda barmaqlarımızın 100 qatı qədər sinir ucu var. Bu səbəbdən də cinsi istəyin atəşləşməsində öpüşməyin böyük rolu var. Hətta boşalma zamanı həfif bir öpüşün təsiri çox güclüdür. 


Həkim Krista Bloom

2. Uzun və istəkli bir öpüşmə bədəni qısa müddət ərzində ehtiraslandıra, intim münasibətə tam hazır edə bilər.  


Cosmo Poll

3. Əgər sevgiliniz sizinlə sağollaşarkən sadəcə yanağınızdan öpürsə, özünü qorumağa çalışır və duyğusal bir ilişki yaşamaq istəmir. Əgrə son vaxtlar belə etməyə başlayıbsa, ilişginizlə bağlı beyninizdə şübhələr var.

Tony Reyman

4. Ayaqüstü öpüşərkən bədəninizin birdən ona yaxınlaşdırmağınız və bədənin aşağı hissəsini toxundurmağınız istəyi həmin anda alovlandırır.  

Öpüşmə üzrə məşqçi William Cane

5. Bir kişinin qulağını öpməyinin ən yaxşı yolun nədir?

Qulağının altından öpün və qulağının aşağ hissəsini dodaqlarınızın arasına alın. Daha sonra dilinizin ucuyla qulağında gəzdirin. Əgər bu anda qulağına erotik sğzlər pıçıldasaz, ehtiras son həddə çatacaq. 

Həkim Ava Cadell

6. Dodaqları aralama zamanı

Libido yüksəldəb bir öpüşmədən sonra testosterone hormonu kişiyə dodaqlarını arala müsajını verir.  Öpüş gücləndikcə qarşısındakından da eyni şeyləri bəkləyər.

Doktor Ava Cadell

7. Arzulanan öpüşmə qadını ehtiraslandırır, həyəcanlandıraraq daha asan orqazm almağa kömək edir.

Mahcup mu, arzulu mu? 

Öpüşmeye başladıktan sonra mahcubiyeti bir kenara bırakmalısınız. Arzulu bir öpüşme kadın basıncını arttırır, kalbi hızlandırır ve sizi heyecanlandırarak daha kolay orgazm olmanızı sağlar.

Albani Universiteti

8. Kişilər pöis öpüşən bir qadınla yenidən münasibət yaşamaq haqqında düşünsələr də, qadınlar pis öpüşən kişini həmin an silirlər.

eHarmony.com

9. 18-24 yaş arasında olan qadılarla aparılan sorğuya görə, qadınların 54 faizi başqa qadını öpüb.  25-34 yaş arasında olanlarınsa 43 faizi başqa qadını öpür. 

10. x bütün dünyada öpücük simvoludur. 

Dushunce.az

Go Back

Cinsi istəklərini üz cizgisindən anla

16-06-2014

İngiltərədə aparılan araşdırma nəticəsində məlum olub ki, bir insanın üz quruluşuna diqqət yetirərək onun uzunmüddətli, yoxsa tək gecəlik münasibət tərəfdarı olduğunu anlamaq mümkündür. Yəni, bundan sonra tərəf müqabilinizin sizin haqqınızada nə dərəcə ciddi fikirləşdiyini öyrənməyiniz üçün onunla uzun müddət bir yerdə olmağınız lazım olmayacaq.
Bir insanın çənəsinin, gözlərinin, burnunun quruluşu onun daxili dünyasından, sağlamlıq vəziyyətindən xəbər verdiyi kimi, bu həm də o insanın ətrafdakılara münasibəti, qarşı tərəfdən gözlədikləri haqqında da müəyyən təsəvvür yaradır.
İngiltərənin “Evolution and Human Behaviour” jurnalında bu barədə araşdırma yazısı ilə çıxış edən Aberdeen Universitetinin professoru Dr. Ben Jones öz yazısında bildirib ki, qarşı tərəf əslində öz siması ilə bizə hansısa mesajlar ötürmək istəyir. Bunun üçün sadəcə onun xarici görünüşünə, üz cizgilərinə diqqətlə fikir vermək lazımdır.
Araşdırma nəticəsində həmçinin o da bilinib ki, qadınlar sərt cizgiləri, dairəvi çənəsi, büyük burnu, normaldan daha kiçik gözləri olan kişilərin uzunmüddətli, qalın dodaqları, iri gözləri olanların isə tək gecəlik münasibət tərəfdarı olduğunu düşünürlər.
 Təcrübədə iştirak edən insanların 80%-i onlara təqdim edilən şəkillərə 10 dəqiqə içində düzgün diaqnoz qoymağı bacarıblar. (kishi.az)

 

Go Back

Dünyada ən seksual qadının gözəllik sirri

10-06-2014

 Maksim jurnalının "Dünyanın ən seksual 100 qadını" siyahısında birinci olan Kandis Svanepoel bütün dünyanın ən gündəmdə olan modellərindən biridir.

Alt geyim markası "Victoria's Secret"in modeli olan Svanepoel gözəlliyinin sirrini açıqlayıb. 

Gözəl model bədəninin bu cür gözəl formada qalmasını tək bir hərəkətlə əlaqələndirib - əyilmək. Məşhur model hər imkan olduğunda əyilərək gözəl bədən quruluşunu qoruduğunu deyib.

Şəkillərində hər zaman gözəl ayaqlarını önə çıxarmaqdan çəkinməyən 25 yaşlı model "Vogue" jurnalına verdiyi müsahibədə gözəl bədən quruluşunun sirrinin əyilmək olduğunu etiraf edib.

Eyni zamanda çox yüksək faktorlu günəş kremindən istifadə edərək və gündəlik həyatda makiyaj etməməyi üstün tutaraq dərisinin yeniliyini qoruyur.

ailem.az

 

Go Back

Qadın və kişiləri seksual edən amillər

09-06-2014

Aparılan araşdırmalar zamanı kişi və qadınların həftədə təxminən 2 dəfə özlərini güvənli və güclü hiss etdikləri açıqlanıb.

 Hər iki cins üçün tətil, günəşli gün, deyilən təriflər, idman salonuna getmək, bir neçə dostlarla birlikdə olmaq özlərini cazibədar hesab etməkdə əhəmiyyətli rol oynayan 20 amilin sırasındadır.

 Cazibədarlıq və özünəgüvən hər 5 qadından biri üçün daxili gözəlliklə əlaqəli olduğu halda, kişilərin bu məsələdə nisbəti yüzdə 15 olub.

Ailem.az qadın və kişiləri seksual hiss etdirən səbəbləri təqdim edir.

 

Qadınlar üçün...

Yeni saç modeli

 

Günəşli hava

 

Dikdaban ayaqqabı geyinmək

 

Yeni bacarıq

 

Tətil sifariş etmək

 

Tüksüz ayaqlar

 

Dodaq nəmləndiricisi istifadə etmək

 

Parlaq dəri

 

Qara mini geyim

 

Marka ətir

 

 

Kişilər üçün...

Günəşli hava

 

Yeni təraş edilmiş üz

 

Yeni kostyum

 

Yeni fırçalanmış dişlər

 

Təraşdan sonra istifadə etdiyi gözəl qoxulu losyon

 

 İş yerində tərif edilmək

 

Yenicə kəsilmiş saç

 

Təmiz yataq dəstində yatmaq

 

Yeni bir şey bacarmaq

 

Görüş təklifinin qarşı tərəfdən qəbul edilməsi

ailem.az

 

Go Back

Pamela Anderson uşaqlıqda 2 dəfə zorlanıb

02-06-2014

Məşhur aktrisa Pamela Anderson şok etiraf edib.

Ailem.az-ın xarici mətbuata istinadən xəbərinə görə, kanadalı aktrisa və model Pamela gəncliyi ilə bağılı şok açıqlamalar verib.

Pamela Anderson uşaqlığı boyunca cinsi istismara məruz qaldığını və 2 dəfə zorlandığını açıqlayıb.

O, 6-10 yaşları arasında dayəsinin cinsi istismarına məruz qaldığını, 12 yaşındaykən 25 yaşlı bir kişi tərəfindən zorlandığını açıqlayıb. Anderson həm də məktəbdə oxuyarkən sevgilisi və onun 6 dostu tərəfindən seksə məcbur edildiyini etiraf edib.

Onsuz da çətin bir həyat yaşayan anasını üzməmək üçün bu yaşadıqlarını ona deməyən Anderson heyvanlara olan sevgisinin onu ayaqda saxlayan yeganə şey olduğunu deyib.

 

Go Back

Ana olan qadınlar seks istəmir?

27-05-2014

Nə qədər müddətdir seksdən uzaqlaşmısınız?" Qadınlara ünvanlanan bu sualın cavabları sizi çox təəccübləndirəcək.

"Family Circle" adlı xarici jurnal qadınlar arasında sorğu təşkil edib.

Spirtli içki istifadə etmələri, hamiləlikdən sonra çəkilərini necə atmaları və hətta hansı sıxlıqla sekslə məşğul olduqları ilə bağlı keçirilən sorğu maraqlı nəticələr ortaya qoyub.

Araşdırmaya görə...

Hər hansı yaşdakı anaların 32 faizi bir neçə il, 36 faizi bir neçə ay, 27 faizi bir neçə həftə və sadəcə 5 faizi bir neçə gün sekssiz yaşayır.

Evdə uşaq varkən, yaşı neçə olur olsun, cinsi həyatı əvvəlki kimi, öz tempində davam etməyin nə qədər çətin olduğunu bilsək də, həyat yoldaşı ilə sağlam və xoşbəxt bir münasibətin davam etməsi üçün seksin lazım olduğunu da unutmamalıyıq.

"Newsweek"ə görə, cütlüklərin sadəcə 15-20 faizi evliliklərini sekssiz davam etdirirlər. Sekssiz evlilik isə ildə 10 dəfədən az cinsəllik yaşamaq deməkdir.

Bir sözlə, kişilər evləndikləri insandan, münasibətlərindən getdikcə uzaqlaşır. Müasir cütlüklər həm iş həyatında, həm də ev işlərində aktiv olurlar və bu, onların cinsi həyatına mənfi təsir göstərir. Halbuki kişi nə qədər yorğun iş görsə də, həyat yoldaşını seks baxımından razı saldığı deyilir.

Bəs boşanma riski hansı hallarda aşağı düşür?

Aparılan araşdırmaya görə, kişi əgər ev işlərinin 40 faizini edirsə, ya da qadın evin maddi ehtiyacının 40 faizini ödəyirsə, onda boşanma riski aşağı olur.

Araşdırmaya qatılan və 20 ildir evli olan cütlük hər səhər seks üçün zəngli saat qurduqlarını deyiblər: "Hər səhər iki dəfə zəngli saat qururuq. Birinci zəng zamanı oyanaraq bir-birimizi qucaqlayır, öpüşür, yaxınlaşırıq. İkinci zəngli saat isə yataqdan qalxmağımız üçün qurulur. Beləliklə, hər səhər bir-birimizə vaxt ayırmış oluruq".

Seks üçün həyat yodaşınızla gün təyin edin. Həyat yoldaşınızla aranızda sözsüz razılaşma imzalayın və heç vaxt bir-birinizi rədd etməyin.

Bəzi qadınlar sadəcə kişilərin seksdən zövq aldıqlarını düşünürlər. Halbuki ən azından bir dəfə həmin hissləri zövqlə yaşasanız, bəlkə sonra həyat yoldaşınızdan daha istəkli olacaqsınız. 

ailem.az

 

Go Back

Tələbi ödənilməyən qadın xəyanət edir

21-05-2014

Orqazmı olmayan və qarşısındakı kişinin aktivliyindən narazı qalan qadın kişi ilə müqayisədə 8% daha çox xəyanət edir

Münasibətdə tərəflərin bir-birinə xəyanət etmə səbəbləri əksər hallarda eyni olur. ABŞ-ın İndiana Universitetində mütəxəssislərin apardığı bir araşdırma nəticəsində məlum olub ki, qarşısındakı insanın onun cinsi tələblərini ödəmədiyini düşünüən qadın və kişi əksər hallarda xəyanət edir. Bu araşdırmada göstərilir ki, orqazmı olmayan və qarşısındakı kişinin aktivliyindən narazı qalan qadın kişi ilə müqayisədə 8% daha çox xəyanət edir. Bunun qarşılığında isə yataqda öz cinsi aktivliyindən narazı olan kişilərin 6%i öz qadınları ilə deyil, başqa qadınlarla intim münasibət yaşamaqda maraqlı olurlar.

Kristen Markın rəhbərlik etdiyi bu təcrübədə iştirak edən kişilərin yüzdə 23-ü, qadınların isə yüzdə 19-u həyat yoldaşlarının onları başqa biri ilə aldatdığını öyrəndikləri halda məmnuniyyətlə münasibətlərini bitirəcəklərini bildiriblər. Bu araşdırmalara görə, kişilər qadınlara nisbətən daha asan yoldan çıxırlar. Kristen Markın bu barədəki fikirlərinə əsasən kişilər həyat yoldaşlarının evdə nə qədər vaxt keçirməsi, qadınlar isə ərlərinin üzərində tük axtarmaq əvəzinə bütün diqqətlərini yataq otaqlarına istiqamətləndirsələr, daha xoşbəxt yaşa bilərlər. (kishi.az)

 

Go Back

Yerkökü cinsi istəyi artırır

20-05-2014

Tibbin inkişafı insanların daha rahat və sağlam yaşamasına xidmət edir. Son illər tibb sahəsində aparılan əsas araşdırmalar sırasında cinsi aktivliyin artırılması üçün görülən tədbirlər üstünlük təşkil edir. Harvard Universitetində aparılan növbəti araşdırmada isə alimlər hansı təbii qidaların insanlarda cinsi aktivliyi artırdığı məsələsinə diqqət yetirməyə çalışıblar.

Araşdırma zamanı belə məlum olub ki, sarı və narıncı rəngli meyvə-tərəvəzlər kişilərdə cinsi istəyi artırır. Bu baxımdan xüsusi əhəmiyyətli sayılan qidalardan ən birincisi isə yerköküdür.

Mütəxəssislərin apardığı bu araşdırma nəticəsində belə məlum olub ki, yerkökünə rəng verən karotenoid kimyəvi maddəsi digər meyvə-tərəvəzlərlə müqayisədə sperm istehsalını daha da artırır. Alimlər həmçinin, onu da qeyd ediblər ki, kökün tərkibində olan antioksidanlar DNT-yə zərər yetirə biləcək sərbəst radikalların qarşısını alır, onları təsirsizləşdirir.

Bu nəticəyə gəlmək üçün alimlər 200 gənc üzərində təcrübə keçiriblər. Təcrübədə iştirak edən kişilərə müxtəlif meyvə-tərəvəzlər yedizdirilib və hansı qidaların sperm istehsalına təsir etdiyinə diqqət çəkilib. Araşdırmaların nəticəsi belə deməyə əsas verib ki, sarı və narıncı rəngli qidalar xüsusən də kök bu baxımdan ən məqsədəuyğun qida növüdür. O kişilərdə spermanın hərəkət gücünü 8-10% artırır, ata olmaq şansını yüksəldir. (kishi.az)

 

Go Back

Öpüşün faydaları

19-05-2014

Öpüşlə bağlı aparılan araşdırma zamanı iştirakçıların öpəcəkləri adamı əvvəl o qədər də qəşəng hesab etmədikləri, ancaq öpüşdən sonra onu cazibədar hesab etməyə başladıqları müəyyən olunub. Araşdırmaçılar qeyd ediblər ki, iki insanı bir-birinə bağlayan fərqli amillər olsa da, ilk öpüş əvəzedilməzdir.

Qadınlar üçün öpüşün əhəmiyyəti nədir?

Kişilər ayrılarkən cinsi həzz almaq üçün, qadınlar isə münasibətlərinin necə irəlilədiyini, gerçəkliyini və dəyərini anlamaq üçün öpüşürlər.

Kişilərin hansı öpüşlərdən xoşları gəlir?

Qadınlar, kişilərdən fərqli olaraq öpüş olmadan sevişmək belə istəmir və sevişməyi rədd edirlər. Ən qəribəsi isə kişilərin öpüşsüz seksə üstünlük vermələridir. Qadınlardan fərqli olaraq kişilər öpüşü yaxşı bacarmayan birilə də sevişə biləcəklərini ifadə ediblər. Kişilərin dildən istifadə edərək və dodaqları aralayaraq öpüşə başlamaqdan xoşları gəlir. Araşdırmaçılar bunu, kişilərin tüpürcəyində cinsi istəyi artıran testesteron hormonunun olmasıyla əlaqələndirirlər.

Ön sevişmə qadınlar üçün niyə əhəmiyyətlidir?

Cinsi həyat sağlam insan davranışının təbii parçasıdır, ancaq qadın və kişinin həm fiziki, həm ruhi baxımdan fərqli davrandığı bir sahədir. Kişilər qadınlardan fərqli olaraq, daha tez razı qalırlar. Ancaq qadınlar razı qalmaq üçün ön sevişmə deyilən duyğusal davranışlara ehtiyac duyar.

Buna görə öpüşmə cinsi yaşamın sağlamlığı üçün əvəzedilməzdir. Öpüşmək sadəcə dodaqların birləşməsi deyil, həm də duyğusal və erotik dərinliyi artırır. Öpüşmə və sığal ilə hər iki tərəf sevib-sevilməyi bir-birindən yenidən öyrənmiş olurlar.

Ailem.az

 

Go Back