Düşüncə Jurnalı

header photo

Nəticə göstərilir : "Qadın Psixologiyası"

“Bütün işlərini çatdıran” qadınlar

25-02-2017

Xəstəliklər, depressiyalar və psixoloji problemlərlə əlaqəli fövqəladə halları nəzərə almasaq, ümumilikdə bütün qadınlar bütün işləri eyni cür çatdırır. Çünki, istəsək də, istəməsək də, sutkada cəmi 24 saat var. Bir insan real olaraq müstəqil şəkildə həm uğurlu karyera qura, pul qazana, təsərrüfat apara, uşaqlarını təlim və tərbiyə edə, yaradıcılıqla məşğul ola və həm də ictima layihələrdə iştirak edə bilməz. 
Əgər bir qadın deyirsə ki: “Mənim 4 uşağım var, mən bu, bu, bu, bu, bu və bu ictimai layihələrlə məşğulam və uşaqlar bağçadan və məktəbsonrası məşğələlərdən qayıdanda biz çox xoşbəxt oluruq” – belə görünür ki, o qadının uğur qazanmasının sirri dəqiq planlaşdırma yox, uşaq bağçası və məktəbsonrası məşğələlərdir. Bu nə pis, nə də yaxşıdır. Sadəcə olaraq, bu qadın ictimai layihələri özünə prioritet olaraq seçib və uşaqlarım təlim-tərbiyəsini isə uğurlu şəkildə başqalarına həvalə edib.
Həyatımın bu mərhələsində mənim prioritetim uşaqlarımdır. Bir çox şeyləri çatdırıram, uşaqlarım bağçaya və ya məktəbə getmir, bu mənim seçimimdir, bu mənim üçün vacibdir, lakin, bununla bərabər evim daim dağınıqdır, heç vaxt tam olaraq özümə vaxt ayıra bilmirəm və karyeram sıfıra bərabərdir. 
Yəni, aydındır ki, hər şeyi çatdırmaq qeyri-mümkündür. Bəs o zaman hər şeyi vaxtında çatdıran qadınlar barədə əfsanələr necə meydana gəlir? Mənim fikrimcə bu sadəcə qadının və onun ətrafının prioritetlərinin üst-üstə düşməsi səbəbilə baş verir. Əgər ailədə bütün qadınlar nəsillər boyunca ideal evdar qadın olub, müntəzəm şəkildə 3 növ yeməklə bəzənmiş nahar süfrələri açıblarsa, paltar tikib, toxuyub və çarpaz tikmə ilə məşğul olublarsa, sənin soyuducun isə yarım-fabrikatlarla doludursa, bu dəhşətdir! Əgər evdə köməkçi tutsan, hamı elə biləcək ki, sən heç nəyi çatdırmırsan və hətta bu il səni Nobel mükafatına layiq görüblərsə də, sən uğursuz bir qadınsan!
Əgər sənin üçün mühüm olan insanlar həyatda əsas şeyin karyera olduğunu düşünürlərsə, sən isə artıq neçə ildir ki, evdə oturmusansa, heç adını da çəkən yoxdursa, o zaman 10 uşağın, malikanən, təsərrüfatın və 2 inəyin də olsa, hamı səni uğursuz hesab edəcək.
Qadının və onun ətrafındakıların priotetləri üst-üstə düşdükdə hər şey mükəmməl gedir. Onda cəmiyyət səni ürəkləndirir, hər cür kömək göstərir və sənin özünüdəyər hissini yüksəldir. Ən pis hal isə, qadının prioritetlərinin ətrafdakı heç kim tərəfindən dəstəklənməməsidir. Xoşbəxtlikdən, bizim diyarlarda xüsusilə indi, internet əsrində bu cür ifrat münasibətə çox rast gəlinmir. Orta hesabla, hər bir qadının ətrafında müxtəlif dəyərlər sisteminə malik çox fərqli insanlar var. Odur ki, fikirlər də müxtəlifdir. Mənim qaynanam üçün də uşaqları daim prioritet olublar. O məni Ceyms Bondun qadın forması, hər şeyi bacaran və hər şeyi çatdıran bir qadın kimi tanıyır. Digər tərəfdən, bəzi tanışlarım məni heç nəyi çatdırmayan, ancaq “süd verməyi və burun silməyi” bacaran korazehin bir qadın hesab edir.
Və əsas məsələ, hansı növ insanların ətrafımda daha çox olmasıdır. Xoşbəxtlikdən, bu msələdə hər şeyi öz istəyimə uyğun nizamlamaq imkanım var.
Bir sözlə, uzun-uzadı yazmağa ehtiyac yoxdur. Demək istədiyim odur ki, uğur məsələsi – əksər hallarda vaxtın düzgün idarə olunması və özünütəşkil yox, daxili prioritetlər, hisslər və cəmiyyətdə münasibət məsələsidir.
Yeri gəlmişkən, cəmiyyət qadına nə qədər sərt çərçivələr qoysa, qadın vaxt azlığını bir o qədər bəhanə edəcək. Dırnaqlarımı boyamağa və pekinsayağı ördək bişirməyə vaxtım yoxdur demək, bu sadalananları etməyə ehtiyacın olmadığını kiməsə izah etməkdən daha asandır. Özü də, bu cür bəhanələr, heç nəyi çatdırmayan qadınlar haqqında dolaşan əfsanələri daha da şişirdir. 

Müəllif: Yelena Zamyatkina
Mənbə: «Про женщин, которые “всё успевают”» 
Tərcümə edən: Xumar Ərşadlı

Go Back

Qadınlar "mən kişiyəm" ilə başlayan bütün cümlələrə nifrət edir

03-01-2017

 Qadınlar "mən kişiyəm" ilə başlayan bütün cümlələrə nifrət edirlər. Kişi olmağınız,qadın-kişi münasibətində daha azad və sərbəst olacağınız mənasına gəlmir. Bu həqiqəti bilə-bilə belə davranmağınız, qadınları bu münasibətdən-sizdən soyudacaq.

1. Qadınların xoşuna gəlir ki, kişiləri onlara sahib çıxsın, ancaq həddindən artıq qısqanc rəftar olanda ona inanmadığınızı düşünürlər. Ən yaxşısı o incə xətti təyin edin və həm özünüzü, həm də qarşınızdakını yormayın.
 
2. Qadınlar xarici gözəlliyə verdiyiniz əhəmiyyətin fərqindədirlər. Hər gün sizə daha gözəl görünmək üçün çalışırlar. Ancaq siz kişilər qadınların gözəlliklərini görüb bunu dilə gətirməsəniz, gözəl görünmək həvəslərini itirə bilərlər.
 
3. Qadınlar köhnə sevgililəriylə qarşılaşarkən salamlaşmanın normal olduğunu düşünürlər. Bu, onsuz olmağa alışdıqlarını sübut edir. Salam vermirlərsə, bu,onu hələ də sevdikləri üçün deyil, yanlaıindakı sevgililərinin narahat olmaması üçündür.
 
4. Qadınlar şəxsi baxımına çox əhəmiyyət verən kişilərin homoseksual olduğunu düşünmürlər. Əksinə, baxımlı, vasvası kişilər xoşlarına gəlir.
 
5. Qadınların hər sözünü dinləməyiniz sizə fayda verər. Çünki qadınlar ən kiçik bir hadisədən bəhs edərkən araya özləriylə əlaqədar bir şeylər qatıb deyirlər.Dinləyib anlamadığınız təqdirdə isə həmin an tərk edilərsiniz.
 
6. Qadınlar aşiq olduqlarında dünya o kişinin ətrafında dönməyə başlayır. Bundan sui-istifadə etmək yerinə bu anların dadını çıxarın.
 
7. Qadınların yaşlarından başqa söylədikləri ən böyük yalan sinə ölçüləridir.
 
8. Elə bilməyin ki, kariyera, pul qadınların maraq sahələridir. Belə düşünürsünüzsə, çox yanılırsınız. Şəfqət, maraq və fədakarlıq qadınların ən əhəmiyyət verdiyi mövzulardır.
 
9. Kişilər qadının hüquqlarını, istək və ehtiyaclarını qəbul edib, prioritetləri tanıyan şəkildə davrananda qadınlar özünə hörmət edildiyini hiss edir.
 
10. Kişilər qadının duyğu və istəklərini müzakirə etmək yerinə, onları qəbul edib haqq verəndə belə davranan kişi, heç şübhəsiz, qadının qəhrəmanı-cəngavəri olar.
 
11. Qadınlar sizinlə danişarkən eyni vaxtda birdən çox işlə məşğul olsalar da bu, söylədiklərinizi dinləmədikləri mənasına gəlməz.
 
12. Bir qadına nəzakətli davranmağınız ürəyində açdığınız hətta ən dərin yaranı belə təmir edə bilir.
 
13. Kişilər qadınlardan daha çox danışmamaq mövzusunda çox diqqətli olmalıdırlar. Çünki qadınlar özlərindən çox danışan və hər mövzu haqqında danışan kişiləri heç xoşlamazlar.
 
14. Qadınların əsəbləri gəlib keçicidir. Günün sonunda onları sakitləşdirə biləcək tək şey sevdikləri kişinin qollarıdır.
 
15. Elmi araşdirmalar göstərir ki, sevdikləri kişinin təbii bədən qoxusu qadınları sakitləşdirsə də, heç bir qadın xarici görünüşünə fikir verməyən kişini sevməz və seçməz...
xoshbextqadin.az

Go Back

Hamiləlik psixologiyası

25-12-2016

Hamiləlik psixologiyası nədən olur və hamilə bir qadına necə yanaşılmalıdır? Ana olan da, olmayan da bilir ki, hamiləlik müddətində analığa namizəd olmaq ruhən bir çox şeyləri dəyişdirir ki, buna hamiləlik psixologiyası deyilir.
Hamiləlik hər qadının hayatında bir dönüş nöqtəsidir. Hamilə olduğunu öyrənən hər qadın yeni bir dövrə girir. Bu dövrdə yaşanan fiziki dəyişikliklərlə yanaşı bir də psixoloji dəyişikliklər yaranır. Bütün duyğuları eyni anda yaşayan ana namizədi, özünə dəstək axtarır. Bu dövrdə bütün duyğuların bir arada yaşanması son dərəcə normaldır. Çünki, ana həm hamiləliyi, həm də özünü kəşf etməyə başlayır. Özünü fərqli və dəyişkən bir bədəndə gözləyərkən, hamiləliyin gətirdiyi fiziki problemlər yaşanan zaman, bir tərəfdən də uşaqla bağlı ağlında yaranan bir çox suallarla da mübarizə etməyə çalışır. Bu vəziyyətdə ananın etməli olduğu tək şey hamiləlik vəziyyətini qəbul etməsi, bütün yaşanan duyğuların hamiləlik dövrünə xas olduğunu düşünməsidir. Həm də ana, uşağın öz bətnində yaşadığını hiss etməli və bu vəziyyətin keyfini çıxartmalıdır. İnsanlar bilmədikləri müvzudan daha çox narahat olur və tələsik qərarlar qəbul edirlər.  Bu səbəbdən hamiləlikdə əsas məsəslə kifəyət qədər məlumata sahib olmaqdır. Məlumatın düzgün alınması qədər, məlumatın verilməsi tərzi də düzgün olmalıdır.
Özünü itirməmək və daha az problem yaşamaq üçün ananın, mütləq özünü rahat hiss edə biləcəyi həkimlə məsləhətləşməsi ən yaxşı seçimlərdən biridir. Çünki, analığa namizəd olan xanım doqquz ay ərzində, fiziki dəyişikliyin gətirdiyi narahatlıqlarla yanaşı, həyəcan, qorxu, təlaş, qayğılar da keçirir. Həkimdən əlavə, daha çox məlumat ala biləcəyimiz kitablardan, internetdən və hamiləlik kurslarından da faydalana bilərsiniz. Belecə daha çox məlumatın verdiyi güc və biliklə daha az həyəcan yaşanacaq. Ana namizədi hamiləlikdə yaşadığı psixoloji problemlər xaricində, doğum müvzusunda da anlaşılmaz düşüncələrini bu şekildə aydınlığa çıxartmalıdır.
Fiziki olaraq yaşanılan hər cür rahatsızlıqlar və problemlər ananı hamiləlikdən soyutmamalı, doğulacaq uşağın rahatlığını və bu problemlərin qısa vaxtdan sonra bitəcəyini düşünməlidir. Uşağa yaxşı bir ana olub-olamamaq qayğısı, yaxşı  gələcək vermək qorxusu, sağlam doğum keçirməklə yanaşı ananın ağlını daimməşğul edən suallardandır. Ona görə də bu düşüncələrin yuxuları qaçırdacaq qədər büyüdülməsi yersizdir. Çünki, doğumdan sonra uşağı qucağına alan ananın düşüncələri tamamən dəyişəcək, ona toxunmağın verdiyi həyəcanla bu narahatlıq silinəcəkdir.
Ana namizədinin yoldaşı və ailəsi ilə olan münasibəti də bu dövrdə çox büyük rol oynayır. Qısası, yeni ana qorxularını, qayğılarını, problemlərini xüsusən yoldaşı ilə paylaşmalıdır. Ana və ata, valideyin olmaq məsuliyyətini birlikdə üzərlərinə almalıdırlar. Yoldaşın bu dəstəyi ilə ana daha rahat olur və özünə güvən hissi yaranır. Ananın sağlam psixoloji vəziyyəti, uşağı da düzgün istiqamətə yönləndirir. Yoldaşın dəstəyinin yanında ailə və dost dəstəyi də önəmlidir. Bəzi problemləri yoldaş yerinə, bir ananın ya da hamiləlik mövzusunda təcrübəsi olan bir rəfiqənin köməyi ilə həll etmək daha asan ola bilər.
Sağlam uşaq yetişdirmək hamiləlik dövründən başlayan bir duyğudur. Ana namizədi öz duyğularını düzgün tanıdıqca, uşağına daha sağlam  ana modeli yaradacaqdır. Əgər duyğularını tanımaqdan qaçar, və ya dəstək almazsa, gərginlik və stress dolu  dövr yaşaması və bunun da uşağa təsiri qaçılmaz faktdır. Ana biraz daha sakitləşmək üçün, sadə bir idman ya da bir xobbi ilə məşğul ola bilər. Bunlara: üzgüçülük, gəzinti, rəsm çəkmək, muncuq düzmək, tikiş tikmək, yeni yemək hazırlamaq və.s işlərlər mə.ğul ola bilər.
Qısası, ana namizədləri özlərini daha yaxşı hiss etmələri üçün əl-ayaq baxımı, saç düzümlərində dəyişiklik, bir neçə geyim və aksesuar alış-verişi, fərqli rəngdə makyaj etməklə özlərini düzgün istiqamətdə yönləndirə bilərlər. Bu mövzuda diqqət edilməli olan məsələ, edilən qulluğun təmiz və sağlam olmasıdır. Bunların xaricində: düzgün yatmaq, düzgün qidalanmaq, arada ilıq duş almaq və massaj etmək kimi şeylər də hamiləlik dövrünü rahat keçirmək vacib məsələlərdəndir.

 

Hamiləlik psixologiyası nədən olur və hamilə bir qadına necə yanaşılmalıdır? Ana olan da, olmayan da bilir ki, hamiləlik müddətində analığa namizəd olmaq ruhən bir çox şeyləri dəyişdirir ki, buna hamiləlik psixologiyası deyilir.
Hamiləlik hər qadının hayatında bir dönüş nöqtəsidir. Hamilə olduğunu öyrənən hər qadın yeni bir dövrə girir. Bu dövrdə yaşanan fiziki dəyişikliklərlə yanaşı bir də psixoloji dəyişikliklər yaranır. Bütün duyğuları eyni anda yaşayan ana namizədi, özünə dəstək axtarır. Bu dövrdə bütün duyğuların bir arada yaşanması son dərəcə normaldır. Çünki, ana həm hamiləliyi, həm də özünü kəşf etməyə başlayır. Özünü fərqli və dəyişkən bir bədəndə gözləyərkən, hamiləliyin gətirdiyi fiziki problemlər yaşanan zaman, bir tərəfdən də uşaqla bağlı ağlında yaranan bir çox suallarla da mübarizə etməyə çalışır. Bu vəziyyətdə ananın etməli olduğu tək şey hamiləlik vəziyyətini qəbul etməsi, bütün yaşanan duyğuların hamiləlik dövrünə xas olduğunu düşünməsidir. Həm də ana, uşağın öz bətnində yaşadığını hiss etməli və bu vəziyyətin keyfini çıxartmalıdır. İnsanlar bilmədikləri müvzudan daha çox narahat olur və tələsik qərarlar qəbul edirlər.  Bu səbəbdən hamiləlikdə əsas məsəslə kifəyət qədər məlumata sahib olmaqdır. Məlumatın düzgün alınması qədər, məlumatın verilməsi tərzi də düzgün olmalıdır.
Özünü itirməmək və daha az problem yaşamaq üçün ananın, mütləq özünü rahat hiss edə biləcəyi həkimlə məsləhətləşməsi ən yaxşı seçimlərdən biridir. Çünki, analığa namizəd olan xanım doqquz ay ərzində, fiziki dəyişikliyin gətirdiyi narahatlıqlarla yanaşı, həyəcan, qorxu, təlaş, qayğılar da keçirir. Həkimdən əlavə, daha çox məlumat ala biləcəyimiz kitablardan, internetdən və hamiləlik kurslarından da faydalana bilərsiniz. Belecə daha çox məlumatın verdiyi güc və biliklə daha az həyəcan yaşanacaq. Ana namizədi hamiləlikdə yaşadığı psixoloji problemlər xaricində, doğum müvzusunda da anlaşılmaz düşüncələrini bu şekildə aydınlığa çıxartmalıdır.
Fiziki olaraq yaşanılan hər cür rahatsızlıqlar və problemlər ananı hamiləlikdən soyutmamalı, doğulacaq uşağın rahatlığını və bu problemlərin qısa vaxtdan sonra bitəcəyini düşünməlidir. Uşağa yaxşı bir ana olub-olamamaq qayğısı, yaxşı  gələcək vermək qorxusu, sağlam doğum keçirməklə yanaşı ananın ağlını daimməşğul edən suallardandır. Ona görə də bu düşüncələrin yuxuları qaçırdacaq qədər büyüdülməsi yersizdir. Çünki, doğumdan sonra uşağı qucağına alan ananın düşüncələri tamamən dəyişəcək, ona toxunmağın verdiyi həyəcanla bu narahatlıq silinəcəkdir.
Ana namizədinin yoldaşı və ailəsi ilə olan münasibəti də bu dövrdə çox büyük rol oynayır. Qısası, yeni ana qorxularını, qayğılarını, problemlərini xüsusən yoldaşı ilə paylaşmalıdır. Ana və ata, valideyin olmaq məsuliyyətini birlikdə üzərlərinə almalıdırlar. Yoldaşın bu dəstəyi ilə ana daha rahat olur və özünə güvən hissi yaranır. Ananın sağlam psixoloji vəziyyəti, uşağı da düzgün istiqamətə yönləndirir. Yoldaşın dəstəyinin yanında ailə və dost dəstəyi də önəmlidir. Bəzi problemləri yoldaş yerinə, bir ananın ya da hamiləlik mövzusunda təcrübəsi olan bir rəfiqənin köməyi ilə həll etmək daha asan ola bilər.
Sağlam uşaq yetişdirmək hamiləlik dövründən başlayan bir duyğudur. Ana namizədi öz duyğularını düzgün tanıdıqca, uşağına daha sağlam  ana modeli yaradacaqdır. Əgər duyğularını tanımaqdan qaçar, və ya dəstək almazsa, gərginlik və stress dolu  dövr yaşaması və bunun da uşağa təsiri qaçılmaz faktdır. Ana biraz daha sakitləşmək üçün, sadə bir idman ya da bir xobbi ilə məşğul ola bilər. Bunlara: üzgüçülük, gəzinti, rəsm çəkmək, muncuq düzmək, tikiş tikmək, yeni yemək hazırlamaq və.s işlərlər mə.ğul ola bilər.
Qısası, ana namizədləri özlərini daha yaxşı hiss etmələri üçün əl-ayaq baxımı, saç düzümlərində dəyişiklik, bir neçə geyim və aksesuar alış-verişi, fərqli rəngdə makyaj etməklə özlərini düzgün istiqamətdə yönləndirə bilərlər. Bu mövzuda diqqət edilməli olan məsələ, edilən qulluğun təmiz və sağlam olmasıdır. Bunların xaricində: düzgün yatmaq, düzgün qidalanmaq, arada ilıq duş almaq və massaj etmək kimi şeylər də hamiləlik dövrünü rahat keçirmək vacib məsələlərdəndir.

qadinlar.biz

 

 

 

Go Back

Qadınlar niyə bir-birlərini qısqanırlar?

24-12-2016
 
Qadın qadının həm ən yaxın dostu, həm də rəqibidir. Qadınların bir-birinə qarşı içdən içə kin bəsləməklə səbəbi hələ də müəmmənalıdır. Sosial əlaqələrimizdə qadınlardan çox kişiləri daha etibarlı tapırıq. Dövlət dairəsində, imtahanlarda həmişə "ümid edirəm qarşıma kişi çıxar" deyə dua edirik. Qadınlarla qarşı-qarşıya gəlməyi eynilə bir boks matçı kimi qəbul edirik...
Qadınlarla yaxşı dolanmaq lazımdır 
Qadın təbiəti əslində bir-birinə güvənməyə meyllidir. Çünki qadını həyata gətirən, baxıb böyüdən də bir qadın. Zaman içində nə olursa olur və qadınlar arası rəqabət başlayır. Buna görə həmcinslərimizlə araya məsafə qoymaq məcburiyyətində qalırıq. Halbuki qadınların həm fiziki həm də ruhi sağlamlıq baxımından bir-birlərinə ehtiyacı var. Mütəxəssislərə görə, həmcinsləri tərəfindən qəbul edilib, təsdiqlənən qadınların stresləri azalır. Sağlam və etibarlı ictimai əlaqələr quran qadınların beyin funksiyaları daha inkişaf etmiş olur və yaddaş itkisi azalır.
Dostluq, ən yaxşı dərmandır 
Qadınların bir-birinə qarşı səbəbsiz kompleksləri zamanla təsəllini kişilərdə axtarışa itələyir. Biz qadınlar, sözsüz olaraq öz aramızda bir dil istifadə edirik. Kişilərə bizlər kimi detalçı və planlı hərəkət etmədikləri üçün bizi anlamaları bir az çətin olsa da kişilərlə qadınlardan daha yaxşı razılaşırıq. Qadınlar bir-birləri ilə ya çox yaxşı razılaşır ya da bir-birinə düşmən kəsilir. Bunun bir ortası yoxdur. Qadınların bir-birlərinə verdikləri zərərin ölçüsünü ifadə etmək lazım olsa; eşq ağrısı belə qadınlara daha az ağrı çəkdirir deyə bilərik...
 
woman.joy.az
 

Go Back

Qadın pula çatanda

14-11-2016

 

İndiki cəmiyyətimizdə əsrlər boyu mövcud olan vəziyyətdən tamamilə fərqli bir konsepsiya formalaşıb. Qadınlar bir çox sahələrdə çalışır, yaxşı pul qazanırlar. Bəzi ailələrdə ailə büdcəsinin əsasını qadınların gəliri təşkil edir. Belə vəziyyət əksər kişilərdə bir sıra psixoloji xarakterli problemlərin yaranmasına səbəb olur. Onu da qeyd edək ki, qadınlar da heç də ürək açan vəziyyətdə olmur. Çünki onun öhdəsində olan ev işlərinin üstünə digər məsuliyyətli iş gəlir. Maraqlı bir tendesiya müşahidə olunur. Qadın nisbətən çox qazandıqca, həyat yoldaşı yüksək maaşlı iş axtarışında əvvəlki həvəsi göstərmir. Bütün bunlarda təbii ki, ailə münasibətlərinə heç də yaxşı təsir etmir. Qadının qazancı üstünlük təşkil edən ailələrdə kişilərin əksəriyyətində özünüqiymətləndirmə səviyyəsi enir. Eyni zamanda kişilər bu vəziyyəti psixoloji cəhətdən qəbul edə bilmirlər. Və bu da kişilərin davranış tərzinə müəyyən təsir göstərir. Onlar belə situasiyada özlərini narahat hiss edirlər. Müxtəlif komplekslər yaranır. Və bu da ailədə normal münasibətlərə mənfi təsir göstərir. Qadın da ikili vəziyyətə düşür. Çünki ailə başçısı rolu qadına xas deyil, lakin yaranmış səbəblər üzündən onun üzərinə düşür. 35 yaş və daha yuxarı yaşda olan qadınlar artıq buna köklənirlər. Amma bir qədər gənc yaşda olan qadınlar bu yükü üzərilərinə götürsələr də uzun müddətli olmur. Ailə stereotiplərinin dəyişməsi cütlüyün intim münasibətlərinə də təsir göstərir. Kişi özünü sıxılmış hiss edərək cinsi əlaqələrdən də çəkinir. Qadında isə həyat yoldaşı ilə münasibətdə psixoloji çətinliklər yaranır. Əgər qadın ailədə bütün maliyyə məsələlərinə rəhbərlik edirsə, onda o özünü sevgili yox ailənin anası hiss edir. Çox yaxşı olardı ki, ərlərindən daha çox qazanan qadınlar, heç bir şəraitdə öz üstünlüklərini üzə vurmasınlar (Kişiyə minnət qoymaq, bunu hər gün vurğulamaq). Belə davranış təbii ki, mənfi reaksiya doğuracaq və ailədə problemi dərinləşdirəcək.

Həyat yoldaşınızın sizin üçün nə qədər önəmli olduğunu vurğulayın.Onun köməyinə, dəstəyinə hər zaman ehtiyac olduğunu bildirin. Qazancınızı ümumi ailə gəliri kimi yığın. Ailə üçün ev üçün nə isə əldə etmək qərarı verəndə mütləq məsləhətləşmək lazımdır. Ailədə münasibətləri daha etibarlı etmək üçün maaşınızın məbləğini gizlətmək lazım deyil. Yoldaşınızı günahlandırmayın, təziq göstəməyin. Bu yalnız mübahisələrə gətirib çıxaracaq. Amma həyat yoldaşınız bütün bunlara baxmayaraq yenə kobud diqqətsiz olursa – artıq düşünmək zamanı gəlir….. Hər halda qadın özü qərar verir.Bəzi işləyən yaxşı qazanan qadınları belə yaranmış vəziyyət qane edir.

Amma unutmayaq ailə müqəddəsdir.Evlilik zənciri elə ağırdır ki, onun yükünü ikilikdə daşımaq lazım gəlir. Ancaq qarşılıqlı məhəbbət və qarşılıqlı hörmət ailə həyatındakı anlaşılmazlıqları aradan qaldıra bilər.

Aygün Ağabalayeva

Psixologiya və Konsultasiya Mərkəzinin psixoloqu

pcc.az

Go Back

Gənc qız psixologiyasına ailə dəstəyi

09-11-2016

Hər bir fərd var olmaq və özünü ifadə etmək istəyər. Özünü ifadə edə bilməyən fərdlərdə özünə qapanma halları baş verir. Gənc qızın təhsilində edilə biləcək ən böyük səhv duyğularının gizlədilməsi və ailə tərəfindən heç sayılmasıdır. Etdiyi səhvlərə görə ailə tərəfindən alçaldılması ünsiyyət kanallarını bağlanmasına və mənfi mühitə yönəlməsinin sürətlənməsinə səbəb olacaq. Gənc qızların mütəxəssislərlə söhbətlərinin çoxunda valideynləri ilə ünsiyyət qura bilmədiyi üçün yanlış yola düşdükləri müşahidə edilir. Bu yaş dövründə sevgilisi olmaq fərqlilik və üstünlük kimi qəbul olunur. Bir gənc qıza bunun səbəbini soruşduqda bunu "Məni ailəm heç bir zaman anlamayıb, məni anlayan tək insan odur" kimi ifadə edə bilər. Belə olan halda valideynlər gənc qızı mühakimə etmədən, şəxsiyyətinə hörmət edərək danışmalıdır.

Sevgi gənc qızlar üçün vacib duyğudur. Bu dövrdə gənc yeniyetmələr ətrafındakılar tərəfindən sevilmək və qiymətli olduğunu görmək istəyirlər. Atalar "Qəlb insanın sarayıdır" ifadəsini deyərkən, həmin sarayın qapısının açarının sevgi olduğunu vurğulamışlar. Gənc qızın ürəyinin ailə tərəfindən qazanılması onun müsbət şəxsiyyət kimi inkişaf etməsi istiqamətində böyük təsirə malikdir. Əks halda, bu, mənfi vərdişlərin yaranması ilə nəticələnə bilər. Yetkinlik çağındakı gənc qız sevdikləri üçün çox şeydən imtina edə biləcək səviyyədə güclü sevgi hissi daşıyır. Bu vəziyyətdən sui-istifadə etmək istəyən pis niyyətli şəxslər "Səninlə evlənəcəyəm, burdan qaçacağıq, ailən onsuz da səni anlamır, səni tək sevən və anlayan mənəm" kimi gözəl, lakin boş və yalançı vədlərlə gənc qızı səhv addım atmağa yönləndirə bilər. Bu vəziyyətdə ailəsi ilə yaxşı münasibətləri olan və valideynləri ilə sıx ünsiyyəti olan qızlar belə boş vədlərə aldanmırlar. Ancaq ailəsi tərəfindən təzyiq və təhqirlərə məruz qalan gənc qızlar bunun vəziyyətdən çıxış yolu olduğunu düşünərək səhv addım atırlar. Bu vəziyyətin  yaranmaması üçün ailələrə bir neçə üsuldan yararlanmağı məsləhət görürük:

- Onunla duyğularını açıq şəkildə ifadə edə biləcəyi güclü bir ünsiyyət qurun.

- Ona sevgi göstərmək mövzusunda xəsis davranmayın.

- Onunla gözəl zaman keçirin və söhbətlərınızı çoxaldın.

- Gələcəklə əlaqədar ideyaları və karyera hədəfləri mövzusunda onunla söhbət edin.

- Qeyri-adi olsa da fikirlərini dinlədikdən sonra mənfi və müsbət nəticələri haqqında məlumat verin.

- Sosial və idman fəaliyyətlərinə birlikdə qatılmaq aranızdakı əlaqələri gücləndirəcək.

- Hər fərdin özəl olduğunu və onun üçün özəl olan şeylərin sizin üçün də əhəmiyyətli olduğunu ona hiss etdirin.

Bu və bunun kimi məsləhətləri çoxalda bilərik. Bir gənc qız özünə qapanıb ağlayanda "Mən istəyirəm ki, mənim problemlərim və duyğularımla maraqlanasınız. Bu problemlərlə təkbaşıma mübarizə apara bilmirəm, köməyinizə ehtiyacım var" mesajını ​​səssiz bir şəkildə ailəsinə göndərir.

Mövlananın  "Sevgidən bulanıq, çöküntülü sular dumduru bir hala gələr. Sevgidən dərdlər şəfa tapar, sevgidən ölülər dirilər. Sevgidən padşahlar qul olar" sözünü xatırlamalı və sevginin ən təsirli dərman olduğunu unutmamalıyıq.

noteaz.com

Go Back

Mənfi hisslər hansı orqanlara ziyan vurur?

03-11-2016

Mənfi hisslər, idarə edə bilmədiyimiz duyğular sadəcə zehnimizi yormur, eyni zamanda daxili orqanlara da ziyan vurur. Türkiyəli professor doktor Birsel Kavaklı mənfi hisslərin orqanlara zərərlərindən danışıb. Əsəb və qaraciyər Həkimin sözlərinə görə, əsəb stress hormonlarının artmasına səbəb olur. Bu da öz növbəsində qaraciyərə təsir edir: “Əsəb xroniki xəstəliklərin əsas səbəblərindəndir. Qaraciyərə ən azı siqaret və spirtli içki qədər mənfi təsir edir. Əsəb keçirən insanın ürəyi bulanır, mədəsi və başı ağrıyır”. Kədər və ağciyərlər Birsel Kavaklının fikrincə, kədər hissi ən çox ağciyərlərə ziyan vurur. “Böyük bir itki ilə üzləşənlər sinədə ağrı hiss edirlər. Ona görə də, depressiyada olanlara və özünü çox kədərli, dərdli hiss edənlərə açıq havada yeriməyi məsləhət görürlər. Ağciyərlərə zərər dəyməməsi üçün açıq havaya çıxın və bir neçə dəfə dərindən nəfəs alın. Bu həm daxili orqanlara, həm də psixologiyanıza yaxşı təsir edəcək”. Həkim qeyd edib ki, dərd və kədər immunitet sisteminə də mənfi təsir edir. Qorxu və böyrəklər Daxili orqanlara pis təsir edən duyğulardan biri də qorxudur. Qorxmaq böyrəklərin büzüşməsinə səbəb olaraq onun fəaliyyətini zəiflədir. Zehni yorğunluq və dalaq Zehni yorğunluğun dalağı sıradan çıxartması bir az qəribə səslənsə və inandırıcı görünməsə də araşdırmalarla təsdiq edilən faktdır. Həddən artıq düşüncəli olmaq, çox fikirləşmək də dalaq üçün ən böyük təhlükədir. Nifrət və ürək Həkim mənfi duyğuların ürəyə də təsir etdiyini vurğulayıb. O qeyd edib ki, ürəyə ən çox ziyan vuran hiss nifrətdir. “Nifrət hissi ürəyin ritmini pozur. Ürək daha sürətlə döyünür. Bu isə həmin orqanın yorulması ilə nəticələnir”. Birsel Kavaklı mənfi hisslərin təsirindən qorunmağın tək yolunun müsbət düşüncələr və pozitiv enerji olduğunu qeyd edib. “Nifrət etmək əvəzinə sevin, gələcəyə ümidlə baxın. Bu həm mənəvi, həm də fiziki baxımdan sizə çox yaxşı təsir edəcək”.

Fb. psixologiya

Go Back

Sevgi, qadın və kişi psixologiyası

21-09-2016

 

Əslində sevgi yalnızca baş-başa qalmaq istəyi deyil. Birlikdə olmaq istəyidir. Hər şeyi paylaşmaq istəyidir. Əgər cütlük ikilikdə darıxırsa deməli ilişgidə problem var. Sevgililərin ən böyük səhvi danışmamaqdır. Kimisə anlamaq üçün onunla danışmaq lazımdır. Susaraq anlaşmaq fikri yanlışdır. Və yalnız o zaman keçərlidir ki, susmaq lazımdır. İnsanlar çox vaxt tərsinə edirlər. Danışmaq lazım olanda susurlar. Ortada anlaşılmazlıq varsa onu danışaraq, açıqca hər şeyi söyləyərək çözmək olar. Örtülü bazar dostluğu pozar.

 

 
Cütlüyün ilişgisi əsgərlik arxadaşlarından, iş yoldaşlarından seçilmirsə münasibət dostluğa çevrilir. Sevgililər yalnız dost ola bilməz. Ola bilsəydi anlayışların adları başqa – başqa olmazdı. Birinə dost, birinə sevgili deməzdik. Bütün ilişgilərdə dostluq olmalıdır fikrinin motivi başqadır. Çünki bunun əksini də demək olar. Bütün ilişgilərdə sevgililik olmalıdır. Dostunu sevməlisən. Absurd səslənir. Dostu sevmirsənsə necə dost ola bilərsən. Sevgiliylə dost olmaq doğaldır. Dost deyilsənsə necə sevgilisən?!
 
Öyrəncə. Birgəlikdə öyrəncə amili də var. İnsanlar uzunmüddətli birgəlikdə bir-birinə öyrəşir. Bu da sonradan ilişginin sevgi olub olmamasını ayırd etməkdə zorluq yaradır. Bu gerçəkdir. İlişgilərdə 3 şeyi bir-birindən ayırd eləmək çətindir. Öyrəncə, ehtiras, sevgi. Əslində hər üçündə sevgi var. Yəni hər üçü də sevgidir. Dediyimiz kimi sevgisiz ilişki olmur. Sadəcə "yalnız bumu birləşdirir” məsələsi sual və problem doğura bilər. 
İnasanları yalnız bir şey birləşdirməli deyil. Birgəlik üçün bu çox azdır. Hər şey də birləşdirə bilməz. Bu da çox çoxdur. Çox şey birləşdirirsə bu gözəldir. Türk alimi prof. Mehmet Z.Sungurun dediyi kimi ailə "mən” –i unutmadan "biz” ola bilməkdir. Əgər ailə- birgəlik yalnız "biz” üzərində qurulubsa insanlar cinslərini unudur, ilişki sevgililik donundan çıxır. Şəxs, xarakter, dəyərlər dəyişir. Buddanın fikrincə pis alışqanlıqlar insanın dəyərlərini, dəyərlər xarakterini, xarakter münasibətlərini korlaya bilər. Birgəlikdə özünü unutmaq, məni unutmaq pis alışqanlıqdır. 
 

Ehtiras. Kişilərimiz arasında aparılan sorğuda qadının seksuallığı demək olar ki, səslənmir. Və ya çox az vurğulanır.

 

"Qadınlarda dəyər verdiyiniz nədir" sualının cavabı təxminən belə sıralanır.

 

 

.ağıl
.əxlaq
.şirindillik-pozitivlik 
4. sadiqlik
5. alicənablıq
6.gözəllik-çəkicilik
Bizim ortamda qadın partnyor kimi seçilmir. Kişilər evlilikdən öncə qadının seksual dəyərlərini bilmədikləri üçün "qadın necə olmalıdır” sualına qadınlıq üstünlüklərindən baxaraq deyil, adamlıq üstünlüklərindən baxaraq cavab verirlər. Avropa və Rusiyada kişiləri qadının qadınlığı daha çox maraqlandırır. Bu, ilişgilərin möhkəmliyi üçün önəmli sayılır. Onların fikrincə qadın zərif, mehriban, seksual və zəif olmalıdır. Ağıl xüsusi olaraq vurğulanmır. Çünki bu dəyərləri olan qadın avropa kişisi üçün artıq ağıllıdır. Digər tərəfdən onlar qadınları ağıllı hesab edirlər.
 

Qadınlara psixoloqların bir neçə məsləhəti.  

 

 
1. narkoman və alkoqoliklərdən uzaq olun. (nəinki ailə qurmaq, telefon nömrənizi belə verməyin)
2. xəsis kişilərdən qaçın
3. öz keçmiş ilişgilərindən sizə həvəslə danışan kişiləri seçməyin
4. yaxınları- dostu, valideynləri və s. ilə kobud davranan kişiləri uzaq tutun.
 
Psixoloqların fikrincə narkomanların və alkoqoliklərin eşləri gec ya tez özlərinə oxşayırlar. Belə adamlar maqnit kimi onları öz pis vərdişlərinə çəkir, ortamın ağır aurası partnyorun bütün enerjisini sorub çıxarır. Nəticədə adam gücsüzləşir. Və tabe olur. Gec olmadan canınızı qurtarın. Ona görə dünyada kişi narkomanlar və alkoqoliklər qadınlardan qat-qat çoxdur. 
Yaradıcı adamların içində içkiyə narkotikə qurşananlar daha çox olur. Bunun yeganə səbəbi yaradıcı adamların daxilən zəif olmasındadır.

 

Qadınlar özünə güvənən kişiləri sevirlər. Çox maraqlıdır ki, məşhur seriallar gedərkən statistik göstəricilərə görə qadınlar filmin müsbət kişi obrazını daha çox sevir, nəinki yaraşıqlı cavanı. Deməli əslində qadınlar üçün kişinin gözəlliyi o qədər də önəmli deyil. Onlar boş yerə "kişi meymundan bir az yaraşıqlı olmalıdır” demirlər.
 
Gözəl bir qadının yanında çirkin bir kişi görsək düşünərik: –Fərasətlidir. Bəli! Qadınlar fərasətli kişiləri sevir. Bir önəmli məsələdə qadınlar heç dəyişməzlər. Kişiyə güvənmək. İstər maço olsun, istərarıq. Güvən yarada bilməyən erkəyi qadınlar sevmir. 
Bizim cəmiyyətdə hər şey bir az fərqlidir əslində. Burda qadın kişini öz kurallarına və zövqünə uyğun seçmir. Vaxt çatır və o, sadəcə ailə qurmaq xətrinə ailə qurur. Sonrası artıq şans məsələsidir. Kişilərdə də durum eynidir. Onlar da qadını seçib, götür qoy – edib evlənmirlər. Evlənmək xətrinə evlənirlər. Bizim ailələrdə kişi xəyanətinə sakit münasibətin əsas səbəbi də budur. Ortada əsas faktor yoxdur. Sevgi! Sevdiyin adamın xəyanəti ağır gəlir.
 
Sevgisiz ailə iş yerinə çevrilir. Sevgililik olmur. Sevgililik olmayan halda seks sadəcə bir görəvdir. Seks qadın kişi arasında olduqca önəmli və ciddi bağdır. Ər- arvad bir yataqda görəv başındadırsa ailə sevgidən başqa hər səbəb üzündən qurulub demək. Belə ailələrdə kişilərin kənar macəralarına qadınlar susurlar, göz yumurlar. Çünki ər anlayışı onlar üçün sevdiyi kişi-sevgili anlayışından tam fərqli bir şeydir. Ər öncə uşaqların atasıdır. Ana- atanın kürəkənidir. Bacı –qardaşın yeznəsidir. Ailə başçısıdır. Bütün bunlar ərin başqa qadının sevgilisi olmasına əsas yaradır. Çünki ər sevgili də olmaq istəyir. 

 

Arvadlarını mətbəx kombaynı, qabyuyan maşın, uşaqların anası hesab edən kişilərin qadınları da sevgili olmaq ehtiyacı duyur. Sadəcə dünyanın bütün ölkələrində qadının xəyanəti daha yolverilməz sayıldığı üçün ərinin sevgilisi olmayan qadın çox vaxt özünə kənarda sevgili axtarmır. Və bu onun özünə diqqətsiz münasibəti ilə nəticələnir. Baxımsızlaşır, qadın olduğunu unudur və tədricən tamamilə formadan çıxıb mexaniki arvada çevrilir. Çox vaxt da belə qadınların sinir sistemi sıradan çıxır; aqressivləşirlər.

 

Avropa ailəsində xəyanət dəhşətli qarşılanır. Çünki ailə sevgi üzərində qurulur. Ailə qurana qədər onlar bir-birinin keçmiş ilişgilərini axtarıb aramırlar. Burunlarını sevgililərinin keçmişinə soxmurlar. Onlar üçün önəmli olan ailənin gələcəyidir. "Mənə qədər” o qədər də önəmli deyil. "Məndən sonra” isə çox önəmlidir. Bizim kişi evlənməmişdən qadının özünü deyil, bütün nəsil nəcabətini sorğulayacaq. Onun kimliyindən çox,öncələr kiminlə görüşdüyünü, kimi sevdiyini sorğulayacaq. Qızın ailəsi oğlanın genetik kodunu axtaracaq. Ulu babasının həyatını araşdıracaq. Evlilikdən sonra isə kişinin xəyanəti və çeşid-çeşid qadınlar barədə susulacaq.

 

Kişi ilə qadının anlaşmamasının əsas səbəbi onların bir-biri ilə səmimi olmaqdan qorxmasıdır.Məsələn kişi bəyəndiyi qadını tutaq ki, restorana dəvət edir. Qadın tez razılıq verməyə utanır, yüngülxasiyət görünməkdən qorxur. Kişi isə düşünür: Yəqin məndən xoşlanmır. Əslində belə deyil. Qadınlara səmimi olmaları üçün şərait yaradın. Axı siz lidersiz.
 
Bir gənc qadın masa bəzəyib, süstlənib ərinin işdən gəlməsini gözləyir. Ona sürpriz etmək istəyir. Kişinin də həmin gün tərslikdən işi uzanır. Qadın gecə yarısına kimi gözləyib əsəbləşir və masanı dağıdıb yatır. Qadınlarınıza gec gələcəyiniz zaman xəbər edin. Arabir onlara zəng vurub hal –əhval tutun. Və bunu kontrol üçün deyil, ilgi üçün edin. Qadınların ən böyük çatışmazlığı küsməkdir. Küsməkdənsə kişini arayıb "sevgilim, bu gün evə erkən gəl” demək olar. Durumu öyrənmək olar. Yox, qadın belə deyil. Kişinin onu kosmosdan duymasını istəyir. Qadınların yüzillik davası kişinin onu intuitiv anlamasını istəməsidir. Onlar bircə şeyi unudurlar. Kişilərdə intuisiya çox da inkişaf etməyib. Onlar ağıllarını işlədən, praqmatik varlıqlardır. İntuisiya qadının istedadıdır. Və kişinin səni göydə anlamasını istəmək absurddur. Ona fikrini dolayısı yolla deyil, birbaşa deməlisən. Bu hər şeyi qolaylaşdırar.
 
İnternetdə kişilərin qanunlarını haqda oxumuşdum. Özləri tərtib ediblər. Bir bəndində belə yazılıb.Necə ki, siz bizim kafedə saatlarla pivə içib, maç seyr etməyimizi anlamırsız, eləcə də biz sizin xeyli çanta almanızı anlamırıq.
Kişilər çox nadir hallarda öz qadınlarında sevmədiklərini üzə vururlar. Ancaq qadın kişisinin çatışmayan cəhətini gündə yüz dəfə təkrar etməkdən bezməz. Əgər kişi qüsurunuzu üzünüzə vurmursa bu qüsursuz olmanız anlamına gəlmir. 

 

Statistik göstəricilərə görə qadınlar pulu olmayan kişiyə üstünlük vermirlər. Ən xırda səbəbə görə. Qadın üçün kişi məqsədyönlü, güclü, uğur qazanmağa meyilli bir varlıqdır. Bu cür kişininsə mütləq qazancı olur. Əgər kişinin qazancı yoxdursa deməli işgüzar deyil,məqsədyönlü deyil. Deməli zəifdir, tənbəldir. Qadınların zəif və tənbəl kişilərdən zəhlələri gedir. Onlar güclü, işgüzar kişiyə çox şeyi bağışlayırlar. Yanlış anlaşılmasın. Pulu olduğu üçün deyil, pul qazana bildiyi üçün. 

 

Məşhur "kişilərə ağıllı qadın lazım deyil"  fikri də yanlış qarşılanır. Kişilər ağıllarını gözə soxan qadınları sevmirlər. Kişi naturaca liderdir. Bu təbiətin ona verdiyi üstünlükdür. İlk qəbilələrdə mağarada oturan qadın olub, ova gedən kişi. Qadının fiziki gücü ona ova getməyə imkan verməyib sadəcə. Bu liderliyi kişidən almaq lazım deyil. 
Liderliyi əlindən alınan kişi özünü aşağılanmış hiss edir. Ona ironiya ilə baxacaqsan, üzündə sarkazm olacaq, dodaqaltı güləcəksən və tamam. Kişi özünü pis hiss edəcək. Özünü yaxşı hiss etdiyi yerə gedəcək. Özünüzü kişidən ağıllı göstərməyə çalışmayın. Bunu bacaran qadın elə ağıllı qadındır. 

 

Kişinin əlindən qadını qorumaq instinktini, əgər bu instink onda təbiətən varsa, almaq günahdır. Bu onun ən həssas yeridir. Kişilər qadınlarını qorumaqdan sadəcə ləzzət alırlar. Əgər o sizə elementar "açıq –saçıq geyinmə, tək başına ora- bura getmə” deyirsə, bu qətiyyən onun sizə güvənmədiyi anlamına gəlmir. Bu onun sizə cavabdeh olma instinktinin formalarından biridir. Kişilər hətta qadının namusunu da öz boyunlarına götürməyə hazırdılar. Götürürlər də. Qadın onlar üçün dəyərdir. Qadınlarla kişilərin dəyər anlayışı fərqlidir. Kişilər öz dəyərlərinə daha məsuliyyətli yanaşırlar. Onların kurallarını kimsə poza bilməz. Bu üzdən sadəcə imkan verin sizi qorusun. O zatən başqa bir şey istəmir…

 

"Kişilərə qadından çox şey lazım deyil, qadınlarsa hər şey vermək istəyirlər."

Go Back

Sürətli arıqladıqda bədəndə nələr baş verir? - ZƏRƏRLƏRİ

07-06-2016

Səhər-səhər kibrit qutusu ölçüsündə pendir, kilometrlərlə qaçış, günorta yağsız salat, saatlarla idman, axşam heç bir şey yemədən yenidən qaçış... 

Bu cür proqram çox qısa zamanda sizi arıqlada bilər. Bəs sonra? Nəzərə alın ki, arıqlayan zaman ruh və bədən sağlamlığına diqqət etmək lazımdır. Ailə.lent.az qidalanma və pəhriz məsləhətlərini təqdim edir. 

Sağlam arıqlamağın sirri maddələr mübadiləsini sürətləndirən balanslı qidalanma və bunu dəstəkləyən idman proqramı olmalıdır. Əks təqdirdə bədən mənfi təsirlərə məruz qalır, hətta sağlamlıq əldən gedir. 

Sürətli arıqladıqda bədəndə nələr baş verir? 

Şüursuzca edilən aşağı kalorili qeyri-sağlam arıqlama pəhrizi baş ağrısı, diqqət pozğunluğu, yorğunluq, ürək ritmində zəiflik, təzyiqin düşməsi, menstruasiya nizamsızlığı, qəbzlik, qansızlıq, dəridə quruluq, saç tökülməsi kimi bir çox problemlərə səbəb ola bilər. 

Arıqlama və çəkiyə nəzarət ancaq balanslı qidalanma proqramı ilə aparılmalıdır. Qısa zamanda arıqladan qarışımlar sidikqovucu, laksatif (bağırsaq boşaldıcı) xüsusiyyətlərə malikdir.

Bunun nəticəsində çəki aşağı kalori göstərməsinə baxmayaraq, itirilən yağ deyil, su olur. Pəhriz saxlayan insan bədənindəki su ilə birlikdə mineralları da itirir. Misal üçün, itirilən natrium/kalium tarazlığın pozulmasına, ürək əzələlərinin mənfi təsirlənməsinə səbəb olur. Aşağı kalori qəbulunun nəticəsində bədən müqavimətdən düşür, əzələ itkisinə uğrayır, yüksək protein pəhriz ketoz kimi böyrək funksiyalarına zərər verir, ani şəkər və təzyiq düşməsi kimi problemlərin yaranması ölümlə nəticələnəcək riskə yol açır. İnsanların kor-koranə qulaqdan alınan məlumatları və ya dostlarının saxladıqları pəhrizi özlərinə tətbiq etmək nəticəsində dəfələrlə kilo alıb-vermək maddələr mübadiləsini zəiflədir. Bu isə atılan kiloların artıqlaması ilə geri qaytarılmasına səbəb olur. 

Sürətli arıqlama fiziki baxımdan mənfi nəticələr yaradar. Üzdə çöküntü, bədəndə sallanma bunlara misaldır. Gənclərin arıqlamağı vərdiş halına gətirmələri isə qidalanma pozğunluğu yaradaraq, ciddi psixoloji (anoreksiya nevroza və ya bulumiya) problemlərə yol aça bilər. Bundan başqa, həddən çox kilolu insanların yetərincə karbohidrat, protein, yağ, vitamin və minerallardan məhrum olması, aşağı kolorili qidalanması, ağır məşqlər etməsi sağlamlıq baxımından ciddi risklər yaradır. Xüsusən ailəsində ürəklə bağlı problemləri olan insanların bu cür risklərdən uzaq olması məsləhətdir. 

Tez və asan arıqlamağın bir yolu yoxdur. Ancaq hər fərdin özünə uyğun qidalanma proqramı və professional bir köməklə çəkinin qaydaya salınması mümkündür. Bunun üçün də xüsusən çəkinin artmasına səbəb olan səhhətlə bağlı problemi aradan qaldırmaq lazımdır. Bu məqamlar diqqətdə saxlanılmadan bəzi müvəqqəti uğurlar əldə edilsə belə, təsirli və qalıcı nəticələr əldə edilmir. Arıqlamaq müəyyən bir prosesdir, bu proses vaxt, əzm, iradə, səbr, nizam-intizam, dayanıqlılıq tələb edir. Artıq çəkisi olanlar xüsusən bunları nəzərə almalıdırlar. 

Mənbə:Aile.Lent.az 

Go Back

"Təhlükəli" qadınların 10 möhtəşəm özəlliyi

02-06-2016

Cəmiyyətdə “təhlükəli qadın” adlandırılan xüsusi qadınlar var. Bəs onların belə adlandırılmasının səbəbi nədir? Təhlükəli olmalarının arxasında hansı səbəblər yatır? Gəlin, bu mükəmməl qadınların ən vacib 10 xüsusiyyətini birlikdə nəzərdən keçirək.

1. Ürəkləri istədiyi kimi geyinirlər

Onların qarderobları müxtəliflik üzərində qurulub. Hiss etdikləri kimi geyinməyi sevirlər və ətrafdakıların fikirlərindən zərrə qədər də narahat olmurlar. Özlərinə olan inamları ətraflarını da sanki sehrə salır və başqalarında xor görüləcək hər şey bu qadınlar üçün adi hal kimi görülür. Çünki onların fikirlərinə və seçimlərinə qarşı çıxmaq hər adamın bacaracağı iş deyil.

2. Hər şeyi böyük həyəcan və ehtirasla edirlər

Hər şeyi böyük həvəs və həyəcanla edirlər. Kişilər bu cür qadınların yanında özlərini rahat deyil, canlı hiss edirlər. Münasibətdə olduqları kişiyə macəra və həyəcan dolu sevgi bəxş edirlər. Əgər rahatlıq axtarırsınızsa, bu qadınlardan uzaq durun. Çünki, yəqin ki münasibətiniz alınmaz və bu qadınlar sizi daha tez tərk edərlər.

3. Xilas gözləyən balaca qızcığaz olmaq onlara uyğun deyil

Kişilər qəhrəman olmağı sevirlər. Bunu yaxşı bilən qadınlar da özlərini xilas olmağa ehtiyacı olan qızcığaz roluna salmağı sevirlər. Lakin, bizim danışdığımız qadın tipi bunu etməyi heç ağlına da gətirməz. O, buna alçalmaq kimi baxır və özü güclü olmağı sevir. Onunla olmağı seçən kişi də bunu bilərək münasibətə başladığı üçün güclü şəxsiyyətə malik bir insan olur. Belə qadınlar heç kimin iradəsiylə hərəkət etmir və seçimlərinə 100 faizlik hörmət tələb edirlər. Onları kiminsə yönləndirməsi mümkün deyil.

4. Diqqət çəkirlər

Qadın nə qədər gözəl olursa olsun, özünə inamı yoxdursa, heç vaxt diqqət çəkməyəcək. Lakin özünə inamı yüksək olan qadınlar hər yerə işıq kimi yayılırlar. Onların gəzişi, davranışları və səslərindəki inam qıvılcımları hər kəsin diqqətini çəkir. Bu qadınlar ilk görüşdən insanda çox böyük təəssürat yaratmağı bacarırlar.

5. Hər şeyi konkret və açıq deməyi bacarırlar

Özlərini ifadə etməklə bağlı problemləri yoxdur və simalarını heç vaxt gizlətmirlər. Onları olduqları kimi qəbul etmədiyiniz halda, həyatlarına daxil ola bilməzsiniz. Bir çox insan yalanı sevmədiyini desə də, qarşılarına açıq sözlü insanlar çıxdıqda qaçmağı üstün tuturlar.

6. Mübarizdirlər

Keçmiş onlar üçün ancaq bir şeyə görə dəyərlidir – bu gün olduqları insanı formalaşdırdığı üçün. Yaşadıqları bütün çətinliklərə baxmayaraq, heç vaxt mübarizə etməkdən əl çəkmirlər. Həyatdakı bir çox şeyin dəyərini bilməyi öyrəniblər. Onları incidən insanlardan da çox şey öyrənməyi bacarıblar və nə qədər yıxılsalar da, mütləq qalxmaq üçün özlərində güc tapırlar.

7. Sevgiləri də güclüdür

Bu qadınlar qarşılarındakı insanı olduğu kimi qəbul edib, sevməyi bacarırlar. Onlar kimisə dəyişdirməyə çalışmır, sevdikləri insanla qarşılıqlı və böyük sevgi yaşayırlar. Özləri qədər sevgiləri də güclüdür.

8. Eqoizmə deyil, fədakarlığa inanırlar

Onlar eqoist deyillər, sevdikləri insanlar üçün planlarını dəyişdirmək gücü tapacaq qədər cəsarətlidirlər. Fədakarlıq etmək onlar üçün alçalmaq deyil. Əgər bir şeyin doğruluğuna ürəkdən inansalar, həmin şey üçün hər şeydən keçməyə hazırdırlar.

9. Sizə bir çox şey öyrədə bilərlər

Əgər eqonuz şişkindirsə və qadının sizə nəsə öyrətməsini qəbul etməyi özünüzə sığışdırmırsınızsa, bu qadınlar sizlik deyil. Hətta siz onlarla bir yerdə olmaq istəsəniz də, bir addımlıqlarına da yaxınlaşa bilməzsiniz. Bu qadınlar özünə inamı olan və hər şeyə açıq olan güclü kişilərin yanında olurlar. Siz onlardan həyata dair mütləq nəsə öyrənə bilirsiniz.

10. Hissləri güclüdür

Nə qədər güclü olsalar da, onlar öz hisslərinə təslim olmağı da bacarırlar. Təhlükəli qadınlar təbii olan heç nəyi ayıb hesab etmirlər. İncidikdə ağlamağı da bacarır, lakin daha sonra mütləq qəti qərarlar qəbul edirlər.

qadin.net

Go Back

XANIMLARIN ƏZİYYƏT ÇƏKDİYİ PSİXOLOJİ SİNDROMLAR

22-11-2015

Psixologiyada, məşhur əsərlərdən götürülmüş, əsas qadın qəhrəmanlara aid olan sindromlar.

Hamımız klassiklərin əsərlərini oxumuşuq. Qadınların daha çox üstünlük verdiyi janr, əlbətdəki, romantizm – sevgidir.  Lakin bu əsəri oxuyandan sonra bəzi qadınlar özləri onların həyatını yaşamaq eşqinə düşürlər. Kiminsə həyatını yaşamaq heçdə insana asan başa gəlmir; əksinə, ideal kişi axtarışında olan qadın ona qovuşa bilmədikcə, özünə qapanır, depressiyaya uğrayır.

Psixologiyada bir neçə sindrom varki, onları sizin nəzərinizə çatdırmaq istəyirik.

Anna Karenina sindromu.

Klinik portret: “Məni heç kəs sevmir. İsterik davranış – mən dünyanın mərkəziyəm. Hamı məni sevməlidi, ama niyə belə olmur?! Birdən məndən daha yaxşısını tapar. Mən hiss edirəm, o, mənə xəyanət edir.”

 

Əslində belə qadınlar pataloji qısqanclıqdan əziyyət çəkirlər. Özlərini çıxılmaz vəziyyətə salırlar. Çünki, realda onu atmaq istəyən olmayıb. Nəticədə özündə irrasional düşüncə formalaşdırır.

 

Elizabet Bennet sindromu.

Klinik portret: “Bu sindromdan əziyyət çəkən qadınlar öz intellektini nümayiş eləməyə can atırlar. Hamını ağlına görə qiymətləndirən, dəyər verən bir qadın obrazıdır. Kimi ki, Elizabet sevmir, vay onların halına! İntellektual söhbətlər, atmacalar sizin peşinizi buraxmayacaq.

Skarlett Oxara sindromu.

Klinik porter: Bu qadın üçün həyatda yüngül yol mövcud deyil. Çətinlikləri sevən, problemləri həll edən bir güclü, dəmir ledi. O, problem olmayanda özünü xoşbəxt hiss edə bilməyən bir qadındır. Şəxsi həyatı sakit olsa, o bədbəxt olar. O ehtiras burulğanına düşmək fikirindədir. O kişi ürəklərinin ovçusudur. Onu əldə etmək üçün ona laqeyid olun.

Rebekka Şarp sindromu.

Klinik porter: “Mən kimdən əksiyəm?!” Onun fikrincə, onda bütün qadına lazım olan xüsusiyyətlər vardır. Lakin bəxti gətirməyib ki, kasıb ailədə dünyaya gəlib. Ən böyük arzusu – yüksək vəzifəli insanlar sırasında olmaqdır. Bunun üçün bütün gücünü səfərbər edən Miss Şarpln qarşısında dayanmaq olmaz. Ambisioz olan bu qız, hamını yox etməyə hazırdır.

Nastasya Filipovna sindromu.

Klinik portret: “Kimi bu gün acılayım?! Kimi əsəbləşdirim?! Kim məni özümdən çıxartsın ki, mən ağlayım?!”Onun fikrincə, qadın isterik və nevrotik olmalıdırki, ona fikir versinlər. O ehtiras axtarır, qanı qaynayır, pul xərcləməyi sevir.

Fantaziyası möhkəm olan bu qadınlar özlərindən başqa heçkəsi sevmirlər.

Bu şəxsiyyət növlərinin formalaşması patoloji şəxsiyyət pozuntusuna gətirə bilər. Klinik simptomatikaya fikir verək:

  • İsterik elementlərin mövcudluğu
  • Emosional labillik, davamsızlıq
  • Bədbinlik
  • Konfliklərə meyllilik
  • Aqressivlik
  • Ideallaşma
  • Yüksək qiymətli fikirlərin olması

Belə qadınlara mütləq şəkildə öz həyat tərzlərini dəyişmək, daxili aləmlərini inkişaf etdirmək, dəyərləri yenidən qiymətləndirmə və psixoterapiya lazımdır.

Hazırladılar: Psixologiya və Konsultasiya Mərkəzinin psixoloqu – Reyhan Mirzağayeva və Klinik Psixoloq- Aydan Xasməmmədzadə.

pcc.az

Go Back

Ailələrin kabusu - VAGİNİZİM

05-10-2015

Günümüzün artmaqda olan psixoloji problemləri arasında vaginizmin xüsusi yeri vardır.  Çox zaman bununla üzləşməyə, bu cür problemimizin olduğunu qəbullanmağa utanırıq. Nəticədə mənəvi gərginlik yaşayaraq depressiv vəziyyətlərin qurbanı oluruq.

Tibbi nöqteyi-nəzərdən problemi araşdırdıqda vaginizm-mm, bulbospongiosus, levator ani, adductores femoris  qarnın ön divarı əzələlərinin qıcolma şəklində yığılmaları nəticəsində cinsi həyat mümkün olmayan nevrogen xəstəlik olduğunu görərik. Cinsi həyat pozulmalarına həmçinin onun inkişaf çatışmazlığı, ağrı, cinsi soyuqluq forması və yaxud təmin edilmə, pozğunluqlar aiddir.

Araşdırmalar göstərir ki,  xəstəliyin çox az hissəsi ginekoloji  səbəblə bağlı olduğu təqdirdə, əksərən əsasında psixoloji amillər dayanır. Toy gecəsi daha çox özünü göstərən bu problemdən sonra artıq xəstələrdə cinsi həyata marağın azalması, qorxu halları artmağa başlayır. Hətta əvvəllər normal cinsi həyatı olan insanlarda belə müyyən psixoloji travmalardan, cərrahi əməliyyatlardan sonra vaginizm əlamətləri yarana bilir.

Vaginizmin simptomları hansılardır?

Ən geniş yayılmış əlamətləri-taxikardiya, tərləmə, geriyə çəkilmə, cinsi əlaqə zamanı yanma, ağrı və bunun nəticəsində cinsi istəksizlik, cinsəl fobiyadır. Bu cür fobiyalar nəticəsində ailədən uzaqlaşma, özünə qapanma, ailədaxili mübahisələr artır.

Vaginizmin müalicəsi varmı?

Vaginizm çarəsi olmayan bir problem deyil. Çox əminliklə qeyd etmək istəyirəm ki, sadəcə bir neçə psixoloji seansla siz bu problemdən çox asanlıqla azad ola bilərsiz. Praktik təcrübəmiz göstərir ki, bu halla üzləşən bir neçə passientimiz sadəcə inanib, cəasrət edib bizə müraciət etməklə heç bir dərman vasitələrindən istifadə etmədən  xoşbəxt bir şəkildə ailə həyatlarına davam etmişlər. Bu problemin sizin həyatınıza mane olmasına izin verməyin.

Gülər Məmmədova

Psixologiya və Konsultasiya Mərkəzinin psixoloqu, Azərbaycan Dövlət Pedoqoji Universitetinin psixologiya kafedrasının müəlliməsi

pcc.az

Go Back

Qadın əsla unutmaz

03-10-2015

Bir qadın əsla unutmaz... Əgər aldadıldığı halda münasibəti davam etdirirsə, bu unutuğu üçün deyil, bağışladığı üçündür, ya da qorxu və narahatlığa görədir. Qorxu və narahatlıqla davam etdirilən münasibət əsla gerçək bir münasibət ola bilməz. Sadəcə rəsmi bir evlilik olaraq davam edər. Əslində təməl sualımız evli qalmaq, ya da boşanmaq deyil, hər iki tərəf üçün də mənalı, sağlam, gözəl bir münasibəti davam etdirməkdir. Günümüzdə bir çox evliklik sadəcə evlilikdir. Nə bir həyat dostu, nə yoldaşdırlar.

Daxildən baxdığınızda ya sonlanmış, ya da əslində heç başlamamış münasibətlər, amma davam edən evliliklər görərsiniz. Bu evliliklər qorxu və ya qayğılarla davam etdirilən rəsmi evliliklərdir. Eyni evin içində yeyib-içib, televizor izləyib, aradabir cinsi münasibətdə olan evliliklərdir. Qayğılar və qorxular bütövlükdə bunlardır: uşaqlarla əlaqəli qayğılar, ekonomik qayğılar, yalnızlıq qorxuları, "bundan sonra kimlə evlənərəm" qayğıları, "aman, dul qadın olacağam" qorxuları, "aman, ailələri üzməyək, el-aləm nə deyər" və s. Bir çox qayğı və qorxular insanları sağlıqsız, ya da bitmiş münasibətlərdə saxlayar. Aldadılan qadın ilk mərhələdə emosional bir şok, travma yaşayar. Nə düşünəcəyini, nə edəcəyini bilməz. Bir tərəfi yoldaşına nifrət edərkən digər yarısı ondan ayrıla bilməz.

Ziddiyətli, tutarsız və nəzarətsiz davranmağa başlayar. Yoldaşının yaşadıqları ilə əlaqəli hər detalı bilmək, öyrənmək istəyər. Neçə dəfə bir yerdə oldular, necə oldular, harada oldular və b. Nə qədər və necə aldadıldığını bilmək istəyər. Yoldaşının gözündə peşmanlığı görmək istəyər, yoldaşının üzüldüyünü görmək istəyər, canını incitmək istəyər. Çünki öz ruhu çox ağrı çəkir. Axşam boşanmağı düşünər, sabah olunca evliliyini davam etdirməyi qərara alar. Gəl-getlər gedərək artır. Bu travma ilə, bu gerçəklə necə yaşayacağını bilməz. Artıq münasibətin sehri və saflığı pozulmuşdur. Heç bir şey əvvəlki kimi olmaz, amma necə davam edəcəyimizi bilmərik. Son sözüm kişilərədir: önəmli olan yoldaşınızın qorxu və qayğıları ilə ya da məcburiyyətlərilə sizinlə birlikdə olması deyil. Həyatı, həqiqətən, sizinlə paylaşmaq istədiyi üçün sizinlə həyata davam etməsidir. Güvənini bir dəfə itirdinizmi, bir daha yerinə qaytarmaq çox çətindir. Hətta çox vaxt imkansızdır. Bu səbəbdən də yoldaşınızı aldatmayın. Unutmayın, qadınlar əsla unutmaz!

Müəllif: Psx.Dnş. Tunç Tataker

Tərcümə: Aidə Mahmudova

qadin.net

Go Back

Xəyanətlə qarşı-qarşıyasınızsa.... Tələsməyin

29-09-2015
 
Xəyanət-odlu silahdan açılan bir güllədir. Fərq ondadır ki, açılan güllə canlını öldürər, amma qarşılaşdığımız xəyanət-illərlə içimizdə yaşayıb bizi dəlik-deşik edər, qəlb yandırar, əzab verər, amma öldürməz. Xəyanətlə qarşılaşmısınızsa, amma onu sizə yaşadanı sevirsiniz və ayrılmaq istəmirsinizsə, aşağıdakılara diqqət edin.

1. Hər şeydən əvvəl, çalışın təmkininizi pozmayasınız. Hirs və qəzəbinizin şüurunuza üstün gəlməyinə yol verməyin. Acığınızı tökməkdən utanmayın, lakin yaxşı olar ki, bunu təklikdə, yaxud psixoloqun iştirakı ilə edəsiniz. Balışı döyəcləyin, təsəvvür edin ki, o sizin vəfasız yoldaşınız və ya sevgilinizdir. Onu ən tünd  təhqirlərə qərq edin. Bu zaman sakitləşərsiniz və hər ikiniz üçün çətin olan söhbətə başlamaq üçün hazır olarsınız.

2. Çalışın ki, imkan daxilində sakit, açıq danışıq zamanı, ümumiyyətlə xəyanətin olub-olmadığını aydınlaşdırasınız. Bəlkə bu sizin təxəyyülünüz, şübhənizin bəhrəsidir? Əgər həqiqətən xəyanət baş veribsə, ''daha məni sevmir'' kimi fikirdən uzaq olun. Bunu düşünmək çox təhlükəli və böyük şüursuzluqdur.

 Əvvəla, kişinin başqa qadınla bir dəfə yaxınlığı heç də tam xəyanət demək deyil. Ola bilsin ki, yoldaşınız yaxud sevgiliniz gənc və qəşəng qıza meyl göstərsin, amma qəlbini sizə bağlasın. Bəlkə də onu bu cür hərəkətə, intim ideyaları sövq edib. Bəlkə də şəxsi münasibətinizdə onu qane etməyən rəqibinizin ''intim bacarığı''dır. Axı bir çox xanım var ki, özünün sərt xasiyyəti ilə sevgidə çox soyuq olur. Belələri sevişməni arxa plana atıb, bunun ''ət tökən'' bir iş olduğunu deyirlər. Hələ bu təsəvvürün həyatınızı kasıblaşdırıb, ailə münasibətlərinin pisləşdiyini, həyat yoldaşınızın soyumasına necə təsir etdiyini qeyd etmirəm...

3.  Xəyanət gördünüzsə dərhal əlaqələri kəsməyi tələb etməyin. Bunu heç bir kişi özünə sığışdırmaz. Əlbəttə, sizin mənəvi cəhətdən onu ittiham etmək hüququnuz var, amma dönüb bir özünüzə də baxın. Ola bilsin ki, burada siz günahkarsınız. Həyatınızın intim tərəfinə etinasız və soyuqqanlıqla yanaşmanız bu cür halın baş verməsinə gətirib çıxarıb. İndi sizin qarşınızda yoldaşınızın ürəyini fəth etmək kimi vəzifə durur. Çalışın ona əvvəlki sevgili, ehtiraslı günləri yaşadasınız. Axı yaşadıqlarınız izsiz-tozsuz bir anda yox olub gedə bilməz. Xoş hisslərinizi mənfi emosiyalara qarşı qoyun. Bu böyük zəhmət, təmkin və dözüm tələb edir. Amma inanın buna dəyər. Əgər həqiqətən itirmək istəmirsinizsə...

4. Ən təsiredici taktika-onun gözlədiyinin əksinə hərəkət etməkdir. O, dava-dalaş, nifrət dolu baxış gözlədiyi halda, siz qayğıkeş olun.

Go Back

Qadınların evlilikdən qorxmasının səbəbi

11-06-2015

Bağlanmaq qorxusu münasibətdə qadın və kişini narahat edən əsas məsələlərdəndir. Bunu uzun münasibət, yaxud da evlənmək qorxusu da adlandıra bilərik. Psixoloq Larissa Varol bağlanmaq qorxusunun səbələrini aşağıdakı kimi sıralayıb:

1.Tərəflərin azadlıqlarını itirəcəklərindən qorxmaları.
2.Tək güllə bahar olmaz prinsipi. Başqa dillə desək, yalnız bir nəfərlə münasibətdə olmaqdan, cinsi həyatın monotonlaşmasından qorxmaq.
3.Böyük bir yükün altına girməkdən çəkinmək.

Psixoloqun sözlərinə görə, insan həm qarşısındakının onun azadlığını məhdudlaşdıracağını düşündüyü, həm də münasibət bitdiyi zaman bu vəziyyətin onu incidəcəyini fikirləşdiyi üçün sevməkdən qorxur.

Qadın niyə bağlanmaqdan qorxur?

Qadınlar arasında aparılan sorğu nəticəsində belə məlum olub ki, onların evlənməkdən qorxmalarının əsas səbəbi boşanmaq və atasız uşaq böyütməkdir. Bu da qadınların neqativ fikirlərə daha geniş yer ayırması ilə bağlıdır. Psixoloqların sözlərinə görə, qadınlar hər bir işə başlamazdan öncə onun pozitiv tərəflərindən, nəticələrindən daha çox neqativ sonluqları barədə düşünürlər.

Bağlanmaq qorxusunun öhdəsindən necə gəlməli?

Psixoloqun sözlərinə görə, bağlanmaq qorxusundan qurtulmaq üçün hər şeydən əvvəl insan empatiya qurmağı bacarmalıdır. "Hər xırda məsələni böyütməzdən əvvəl özünüzü qarşınızdakı şəxsin yerinə qoyub, məsələni onun tərəfindən düşünün. Bu zaman münasibətinizin daha səmimi və uzunömürlü olmasına şərait yaradacaqsınız. Ən əsası isə qarşınızdakı şəxsə inanın. Onun hər sözünə şübhə ilə yanaşmayın. Əks təqdirdə əsaslı səbəb olmasa belə, sizin içinizdəki şübhələr tez zamanda bu münasibətə son qoyacaq.

 

carci.az

Go Back

Qadın ailədə hər şeyi sezir

13-05-2015

Sədaqətsizlik ailədə xərçəng xəstəliyi kimidir. Bədəndə hüceyrələrarası münasibətlərin pozulması ilə xərçəng xəstəliyi əmələ gəldiyi kimi, ailədə də sədaqətsizlik göründümü, demək münasibətlərdə eyni xəstəlik yaranıb. 

Bədəndəki xərçəng xəstəliyi özünü ağrılarla büruzə verdiyi kimi, ailə münasibətlərində də analoji hal ər-arvad tərəfindən o andaca hiss edilir. Xüsusilə də, qadınlar bu məsələdə daha həssasdırlar. Hətta o qədər həssasdırlar ki, bəzən əsassız yerə şübhələnir, qısqanır, ailədə qanqaraçılığı çıxarır. Əgər həqiqətən də ailədə sədaqətsizlik varsa və qadın bunu hiss edirsə, onun necə davranacağı çox önəmli məsələdir. 

Ya hər şeyi öyrənib evdə dava-şava çıxaracaq, ya da bildiyini belə büruzə vermədən erkən aşkarlanmış xəstəlik kimi o vəziyyəti aradan qaldırmağa, tədbirlə, təmkinlə işi həll etməyə çalışacaq. İlk növbədə, oturub düşünməlidir. Müəyyən etməlidir ki, bu vəziyyətin yaranmasında özünün nə qədər təqsiri var. Əgər varsa, o qüsurları aradan qaldırmaq üçün fəaliyyətə başlamalıdır. Yox, əgər özündə ərinə qarşı bir qüsur görə bilməsə, yenə vəziyyəti doğuran amilləri müəyyən edərək ailəsinin bütövlüyü, bölünməməsi üçün mübarizəyə girişməlidir. Həm də bildirmədən, hiss etdirmədən. 

Düşünməlidir ki, görəsən əri niyə xoşbəxtliyi öz ailəsində deyil, başqa yerdə axtarır. Təcrübə göstərir ki, bu düşüncələrlə məsələyə müdaxilə edən xanımlar əksər hallarda öz istəklərinə nail ola, öz ərlərini yanlış yoldan döndərə bilirlər. Özünüz təsəvvür edin, əgər bir insan bir işi gizlədirsə, demək o işin yaxşı iş olmadığını bilir. Bunu bilir, üstəlik də, ailəsindən vaz keçə bilmir. Əgər vaz keçsəydi, heç hay-küy çıxarmadan boşanar və istədiyinin yanına gedərdi. Onu ailəsinə bağlayan ən mühüm amil övladlarıdır. Həqiqətən də, övlad sevgisi hər duyğuya fəda ediləcək bir nemət deyil. Xanım da məhz bu faktorun verdiyi gücü, üstünlüyü işə salaraq ailə bütövlüyünü qorumalıdır. İlk növbədə isə öz əskiklərini düzəltməklə işə başlamalıdır. 

Bu bir gerçəkdir ki, kişini öz ailəsindən soyudan, gizli-gizli ünvanlara yönəldən ən birinci amil həyat yoldaşının diqqətsizliyi, laqeydliyidir. Demək olar ki, ailəsinə xəyanət edən kişilərin əksəriyyəti bu qəbahəti sevgi, diqqət, səmimiyyət görmədikləri ilə izah etməyə çalışır. Əlbəttə, xəyanətə, sədaqətsizliyə heç cür bəraət qazandırmaq olmaz, amma onu da unutmayaq ki, hər kəs yüksək düşüncəli, əxlaqlı, haramlardan, günahlardan qorxub çəkinəcək qədər iman sahibi deyil və evdəki diqqətsizlik belə birisinə xəyanətin qoynuna atılmaq üçün güclü və arzuedilən bir təkan olur. Ona görə də qadın hər şeydən daha çox öz ailəsinə diqqət ayırmalı, ailə səadətini işinə, karyerasına qurban verməməlidir. 

Qadın hər şeydən öncə bir kişinin xanımı və anadır. Övladlarının xoşbəxtliyi üçün əlindən gələn hər şeyi etmək qadının analıq borcudur. Vəzifəsi, maaşı nə olurolsun, istər ata, istərsə da ana övladların xoşbəxtliyi üçün təkbaşına lazım olan hər şeyi təmin edə bilməz. Onlar bir-birini tamamlayan iki yarım kimi ailənin başında tamamlanıb bir olmalı, bütöv olmalıdırlar.
 
Bu gün böyük şirkətləri, holdinqləri idarə etmək üçün ali təhsil alırlar. Ailəni idarə etmək, həm də ədalətlə idarə etmək şirkəti idarə etməkdən daha çətindir və mənə belə gəlir ki, gənclərə ailəni, ailə səadətini öyrədən fakültələrin açılmasına da böyük ehtiyac var. Əvvəllər uşaqlar böyük ailələrdə böyüyürdülər, babadan, nənədən ədəb-ərkan öyrənirdilər. Səbir etməyi, fədakarlığı, başqasının qayğısına qalmağı, qarşılıqlı ehtiramı görüb-götürürdülər, ailədə bir baba universiteti, nənə universiteti keçirdilər. Ona görə də boşanmalar, incikliklər, demək olar ki, yox dərəcəsində idi. İndi isə nənələri, babaları bir tərəfə atdıq, azad olmaq istədik və dedik ki, bizə kimsənin öyüd-nəsihəti lazım deyil. Mənzərə də göz qabağında; bu “azadlığın” nə qədər ayrılıqlara, göz yaşlarına səbəb olduğu hər kəsə məlumdur.
 
Sədaqətsizlik mövzusuna qayıdaq. Tutaq ki, qadın ərinin sədaqətsizliyini hiss elədi və heç nə düşünmədən dava salmağa başladı. Beləcə, evdə hər şeyin dadı qaçır, tərəflər bir-birini ittiham etməkdən yorulmurlar. Köhnə yorğan içi tökülür, kin, qəzəb gözlərini elə yumur ki, daha heç nəyi görmək istəmirlər. Kişi arvadının bu qədər boz, davakar üzünü görəndə illərlə bu həyatı necə yaşadığına təəccüblənir və ondan qaçıb qurtarmaqdan başqa bir şey fikirləşmir. Buyur, bu da sənə sürpriz sonluq, qaş qayıran yerdə vurub gözü də çıxardın. 

Ona görə də bu cür məsələlərdə hər zaman təmkin, tədbir ön planda olmalı, qadın özünü düşünməsə belə, övladlarının sabahını düşünməli və ailəsini dağıtmamalıdır. Yazımızın əvvəlində demişdik ki, qadın ailədə hər şeyi sezir. Amma yaxşı olar ki, iş işdən keçməmiş o öz qusurlarını və ərinin zövqünü öyrənib elə davransın ki, sonradan peşmançılıq olmasın.
 
zaman.az

Go Back

Qadın şüurunun 5 səviyyəsi

19-04-2015

1-ci səviyyə: Bədən

Hər bir qadını ilk onun xarici görünüşü narahat edir. Hər zaman düşünür ki, görəsən necə görünürəm, yaşlı yoxsa cavan? Geyimim necədir? Çəkim artıqdır, yoxsa normal? Ətrafdıkı qadınlardan pis, yoxşa yaxşı görünürəm?

Bu fkirlərlə yaşayan qadın hər şeydən və hər kəsdən qaçmağa çalışır. Ona elə gəlir ki, xoşbəxttlik xarici görünüşdə, ideal bədən fiqurası və geyim tərzindədir. Gözəlliyini qorumaq üçün kifayət qədər pul, zaman və güc sərf edən bu xanımlar bir də baxırlar ki, sevgilisi və ya həyat yoldaşı artıq başqa qadına üstünlük verib. Rəfiqəsi ondan uzaqlaşıb. Çünki həmin insanlara münasibət, sevgi və sədaqət lazımdır. 

Bu hadisələrdən xəyal qırıqlığı yaşayan bu tip xanımlar varlı və gözəl xanımlara həsəd aparırlar. Heç kim mübahisə etmir ki, zahiri görünüş hər bir qadın üçün vacibdir. Lakin onu xarici görünüşündən başqa heç nə maraqlandırmırsa, bir gün xoşbəxtlik kimi həllolunmaz məsələ ilə qarşılaşacaq. 

2-ci səviyyə: Həyat enerjisi

Bu səviyyədə qadın başa düşür ki, gözəl və cavan qalmaq üçün getdiyi gözəllik salonlarından və maqazinlərdən daha vacib bir amil də var, bu onun sağlamlığıdır. Və o mütamadi olaraq idmanla məşğul olmağa başlayır. Sağlamlıqla yanaşı bu ona həm də sevinc də bəxş edir. Onlar başa düşürlər ki, sağlamlıq və gözəllik üçün siqaret çəkmək ziyandır. Gözləri gözəl və parıltılı göstərən heç də bahalı tuşlar deyil, sağlamlıqdır. Bu qadın xoşbəxtliyini təmin edilməsində sağlam həyat tərzi axtarmalı olacaq, fitnes və yoqa ilə məşğul olacaq. 

3-cü səviyyə: İntelektual inkişaf

Bu səviyyədə qadınlar kitablara üz tutur və hər gün yeni-yeni məlumatlar alır, intelektual səviyyələrini artırmağa başlayırlar. Onlar bir daha anlayırlar ki, gözəlliyin və sağlamlığın sirrini özlərində tapmalıdırlar. 

4-cü səviyyə: Müdriklik və həyat qüvvəsi

Hər bir qadın yaradılışdan ağıllıdır, xeyirxah və mərhəmətlidir. Ancaq hər qadın bu keyfiyyətləri özündə qoruyub saxlaya bilirmi? Bu səviyyədə olan qadınlar daha təcrübəli olur, dinləməyi bacarır, qarşısındakı insanlara hörmətlə yanaşır. O, həyatının hər anından həzz almağa çalışır. Çünki anlayır ki, boş fikirlərə ayıracaq zamanı yoxdur. O, başa düşür ki, həyatımız bir məktəbdir. Biz hər an nə isə yeni öyrənir, lazım gəldikdə öyrəndiklərimizi öyrətməyə başlayırıq. Və xoşbəxtlik hər bir insanın daxilindədir. Sadəcə onu üzə çıxarmağın yollarını bilmək lazımdır.

5-ci səviyyə: Səadət

Bu səviyyədə olan xanımlar müqəddəs hesab olunurlar. Bu qadınlar dünyaya diğər insanlara xidmət və kömək etmək üçün gəlirlər.

qadin.net

Go Back

Atılmış qız sindromu

24-03-2015

"Sən mənə daha lazım deyilsən!”

Onun səsinə, iyinə, nəfəsinə, sığalına elə öyrəşmişdin. Düşünürdün ki, onun üçün çox vacibsən və heç vaxt ayrılmayacaqsız. Amma bir gün səbəbini demədən belə, səni atdı. Bu halla qızların çoxu rastlaşır. Onlar atılmış qız sindromunu yaşayırlar. Bəziləri ürəyini, bəziləri isə özünü öldürür.

Oğlan qızı niyə atır?

Psixiatr Elşən Mustafayev Milli.Az-a bildirib ki, bütün insanlar ayrılanda səbəb axtarır. “Yaxşı olar ki, oğlan qızı atanda səbəbini ona aydınlaşdırsın. Əks halda qız ayrılığı çox pis keçirir. Sevən insan ömür boyu nigaran qalır və içində rahatlıq tapa bilmir”, – deyə psixiatr hissləri ilə bölüşür: “Bəzən filmlərdə oğlanın xəstə olduğu üçün qızdan ayrıldığını və bunun səbəbini ona demədiyini görürük. Həyatda da belə şeylər olur. Oğlan, sadəcə, qıza ayrılıqlarının əsl səbəbini deyə bilmir. Düzdür, cəsarətsizliyə görə də səbəbi deməyənlər olur. Elə də olur ki, oğlan, sadəcə, qıza önəm vermir. Tanışlığı əyləncə xarakteri daşıyır. Bunun üçün də özünə əziyyət vermir”.

Ayrılıq kim üçün daha çətindir?

Mustafayevin sözlərinə görə, qadın var ki, ayrılığı, doğurdan da, pis keçirir: “Depressiyaya düşür, dəlilik dərəcəsinə çatır. Özünə intihar edənlər də olur. Qadın da var ki, onun üçün bu, adi gəlir. Əgər ailəli qadının ailə daxilində həyatı yaxşı keçməyibsə, onun üçün həyat yoldaşından ayrılmaq azadlığa çıxmaq kimi bir şeydir. Əgər o, sərbəstliyə öyrəşibsə, bu, onun üçün çətin olmayacaq”.

Ümumiyyətlə, normal ailədə böyüyən ədəbli, əxlaqlı qız hansısa münasibət qurduqdan sonra ayrılanda dərd çəkir. Ona görə ki, oğlanla görüşəndə, artıq müəyyən arzularla, xəyallarla yaşayır. Təsəvvür edin, arzuları puç olanda insan özünü necə hiss edər? Sevdiyi insan bir müddət onunla sevgi macərası yaşayandan sonra “Sən mənə daha lazım deyilsən?” deyir. Və ya başqa bəhanə ilə onunla ayrılırsa, qız buna çox çətinliklə dözür. Günlərlə ağlaya, özünə qapana bilər. Elə qızlar olur ki, atıldıqdan sonra heç bir oğlana inana bilmirlər. Gələcəkdə kimləsə münasibət yaşayanda problemlər yaşayırlar. Həqiqi sevgiyə belə inamsız yanaşır, nə vaxtsa yenə atıla biləcəyindən qorxurlar.

Sevgilindən bir xəbər gözləyəndə…

Əgər səbəbsiz ayrılıblarsa, qız mütləq səbəbi araşdırmalıdır. Bütün cəhdlərə baxmayaraq, səbəb deyilmirsə, deməli, qarşı tərəf münasibəti bu şəkildə qurtarmağa çalışır. Bununla barışmaq və hər şeyi sıfırdan başlamaq lazımdır. Psixiatr qeyd edib ki, bəzən tərəflər küsür və barışmaq üçün birinci addım atmağa cəhd etmirlər. Onlar bir-birini gözləyirlər. Bu cür cütlüklərin gələcəyinin xoşbəxt olmasına ümid var.

Acı təcrübə

Mütəxəssisin dediyinə görə, bir sevgini unutmaq üçün başqa sevgi axtarmaq çox vaxt şəxsin yanlış hərəkətlər etməsinə gətirib çıxarır: “Atılandan sonra psixoloji travma alan qız qisas almaq və ya sadəcə, unutmaq üçün şəxsi həyatında səhvlərə yol verir. Bəzi hallarda üzüntüdən xilas olmaq üçün başqasıyla münasibət quran qız ondan dəstək gördüyü üçün onunla ailə həyatı qurmağa razılaşır. Sonradan isə seçiminin düzgün olmadığından sıxılır. Bu dəfə artıq qız ya özü oğlanı atır, ya da həyatı ilə barışır”.

Psixiatr məsləhət görür ki, atıldığını unutmaq üçün problemi gözündə kiçiltmək, onu adiləşdirmək lazımdır: “Atılmış qız yaşadığı ayrılığa təcrübə kimi baxmalıdır. Yeni ciddi münasibət də qura bilər. Ola bilsin ki, bu dəfə daha güclü sevsin və ona sonsuz kədər yaşadan insanı, nəhayət ki, unutsun. Sevdiyi işi, təhsili, səyahətə çıxmağı da ona unutmağa kömək edə bilər”.

Necə sığortalanmaq olar?

Bir xanım bir kişi ilə münasibətə başlayanda qarşıdakı insanın kim olduğunu, onun ailəsinin, dostlarının necə adam olduğunu araşdırmalıdır. Eləcə də, oğlanın münasibətə ciddi yanaşmasını qıza göstərdiyi hörmətə, diqqətə, dəvət etdiyi yerlərə görə bilmək olar. Düzdür, insanlar fərqlidir. Oğlan var ki, çayxanaya dəvət etdiyi qızla evlənir, oğlan da var ki, atır. Ona görə, dəqiq demək çətindir. Yaxşı olar ki, qadın kişini tam, heç olmasa 50 faiz tanıyana qədər yaxına buraxmasın. Ümumiyyətlə, atılmış qızların buraxdığı ən böyük səhv oğlanı tez yaxınına baraxmasıdır.

Bəzi əlamətlərinə görə də, oğlanın qıza ciddi yanaşmadığını başa düşmək olar. Ciddi fikri olan oğlan bayramlarda xanımına diqqət göstərir, tez-tez zəng edir, ona qayğı göstərir və s. Amma elə iş adamları olur ki, onların fikri ciddi olsa da, vaxt qıtlığına görə az zəng vurur və görüşür.

Əgər artıq münasibət qurmusuz və sonda atılmış qız sindromunun qurbanı olmaq istəmirsizsə, elə edin ki, oğlan sizdən bezməsin. 2 dəqiqədən bir zəng vurmaq, qısqanmaq oğlanı bezdirə bilər. Qızların oğlanlara qarşı sərt qadağalar qoyması da düzgün deyil. Məsələn, elə cütlüklər var ki, qız oğlana Facebook-a girməyə qadağa qoyur, başqa qızlarla ünsiyyət qurmağa icazə vermir. Yaxşı olar ki, xanım bir qədər laqeyd münasibət göstərsin. Belə ki, qadağalar kişini daha da maraqlandırır.

milli.az

Go Back

Bunu bacaran qadınlar var-dövləti və sevgini evə çağırırlar

22-03-2015

Kim var-dövlətli olmaq istəmir ki?! Bəs, biz qadınlar var-dövləti, sevgini, xoşbəxtliyi dırnaqları düzgün rəngləməklə həyatımıza necə cəlb edə bilərik?

Xanımlar yaxşı bilirlər ki, hazırda iki rəngli manikür çox dəbdədir. Amma yəqin ki, bununla həm də həyatınızı yaxşılığa doğru dəyişə biləcəyinizi çoxlarınız bilmirdiniz. Bəli, bu, belədir! Amma bir şərtlə ki, dırnaqlarınızı fen-şunun prinsiplərinə uyğun rəngləməlisiniz, daha doğrusu rəngləri seçərkən aşağıda diqqətinizə təqdim etdiyimiz məqamları nəzərə alasınız.

Burada ilk növbədə, öz Zodiak bürcünüzün ünsürünə yaxud doğum ilinizin əsas elementinə uyğun rəngləri düzgün seçmək lazımdır. Ən sadə üsul doğum ilinin son rəqəminə yönəlməkdir. "0" və "1" metal, "2" və "3" su, "4", "5" ağac, "6" və "7" od, "8" və "9" torpaq ünsürünü ehtiva edir.

Metal manikür üçün qızılı, gümüşü, bürünc, poladı rənglərinin müxtəlif çalarları, boğuq qəhvəyi və qum rəngləri münasibdir. Qum kimi parlaq, zərli dənəciklər, metallaşdırılmış elementlərlə dırnaq bəzəmək yaxşı olardı.

Su ünsürlü manikür üçün şəffaf və soyuq rənglər - yasəmən, göy, mavi, zümrüd, həmçinin süd, sədəf çalarları, ombre manikür texnikası və ya mavi-göy qamması münasibdir.

Ağac manikürü üçün otların və yarpaqları təbii çalarları idealdır. Bundan başqa, bu mövsüm çox dəbdə olan qəhvəyinin, xakinin, yaşılın, yaşımtıl göyün, qrafit, qara və tünd-qəhvəyi rənglərlə dırnaqlarınızı boyaya bilərsiniz. Təbiət motivləri, bitki ornamentləri, kəpənəklər dırnaq dizaynı üçün əladır.

Od manikürü üçün fen-şu sistemində qırmızının bütün çalarları - tünd qırmızı, narıncı, zoğalı, qıpqırmızı, mərcan və sarı rənglər idealdır. Strazlar və müxtəlif xırda elementlər də neyl-art üçün daha münasibdir.

Fen şuda torpaq ünsürü manikür üçün açıq və tünd qəhvəyinin, şaftalı və krem rənginin, qırmızı-qonur, kərpic, isti çəhrayı, solğun narıncı rənglərin təbii çalarlarını seçmək münasib olardı. Dırnaq boyasının teksturası parlaq və ya donuq çalarla ola bilər.

Gül-çiçək məsələsini dəqiqləşdirdiniz? Onda fen-şu manikürünə başlayın! Sadəcə, öz qammanıza riayət edin. 

Lakin unutmayın ki, fen-şu maniküründə hansı rənglərin hansı barmaqdakı dırnağa vurulmasının da əhəmiyyəti var. Çünki fen-şu fəlsəfəsinə əsasən, hər bir barmaq bizim xarakterimizin və həyatımızın müəyyən sahəsinə cavabdehdir. Fen-şu mütəxəssisləri sağ əldəki barmaqları vurğulamağı məsləhət görürlər. Çünki məhz sağ əl müsbət enerjini çəkir və onu çoxaldır. Sol əldəki bəzi barmaqları isə əksinə, bizim güclü tərəflərimizi zəiflədə bilər.

Sağ əlin baş barmağı Marsın himayəsindədir, bu barmaq sağlamlığa, yaxşı əhval-ruhiyyəyə və əqli qabiliyyətin yüksək səviyyədə qalmasına cavab verir. Yupiterin himayəsində olan şəhadət barmağı özünə inamı gücləndirməyə kömək edir. Saturn planetinin himayə etdiyi orta barmaq özünü realizə etməyə, biznesdə və karyerada uğur qazanmağa, yaradıcı insanların tanınmasına yardım edir, var-dövlət cəlb edir. Günəşin himayəsi altında olan adsız barmaq müsbət emosiyalar və şəxsi həyatda uğuru təmin edir.

Təsadüfi deyil ki, fen-şu maniküründə çox vaxt sağ əldəki iki barmaq - orta və adsız barmaq xüsusi vurğulanır.

Və nəhayət, Merkurinin himayədarlıq etdiyi sağ əlin çeçələ barmağı ailədə harmoniya və qəlb rahatlığına cavabdehdir. Ona görə də evdə problemlər müşahidə etdikdə sağ əlin çeçələ barmağını düzgün rəng çaları ilə boyayın. Vəziyyət yaxşılığa doğru dəyişməlidir!

publika.az

Go Back

Qadınlar üçün psixoloji məsləhətlər

10-03-2015

Öz güclü və zəif cəhətlərinizi etiraf edin və buna uyğun olaraq məqsədlərinizi dəqiqiləşdirin.

Nəyin sizin üçün qiymətli olduğunu, nəyə inandığınızı, öz həyatınızı necə görmək istədiyinizi qətiləşdirin. İrəliləyiş olanda bundan yararlanmaq üçün planlarınızı analiz edin və onları bu günün nöqteyi-nəzərdən qiymətləndirin.

Hər bir şeyin kökünə varın. Keçmişinizi təhlil edərək sizi bu vəziyyətə gətirib çıxaran halları araşdırın. Sizi əzab çəkməyə məcbur edən və ya kömək göstərə biləcəyi halda etməyən adamları anlamağa və bağışlamağa çalışın. Keçmiş səhvlərinizi, yanlışlıqlarınızı, günahlarınızı özünüzə bağışlayın. Əzablı xatirələrinizdən faydalı nəsə əldə edəndən sonra onları birdəfəlik yaddaşınızdan silin və bir daha onlara qayıtmayın. Pis keçmiş yaddaşınızda siz onu xatırlayana qədər yaşayır. Yaxşısı budur ki, yaddaşınızı baş vermiş ən kiçik uğurlarla bağlı xatirələr üçün boşaldın.

Günahkarlıq hissi və xəcalət sizə uğur qazanmağa mane olur. Onların badına getməyin.

Davranışınızın səbəblərini şəxsiyyətinizdə deyil, hazırki situasiyanın fiziki, sosial, iqtisadi və siyasi aspektlərində axtarın.

Unutmayın ki, hər bir hadisəni müxtəlif cür qiymətləndirmək olar. Reallıq hər bir kəsin ayrı-ayrılıqda gördüyü deyil. Reallıq şeylərin müəyyən adlarla çağırılması haqda insanların öz aralarında razılaşmasının nəticəsindən başqa bir şey deyil. Belə yanaşma sizə imkan verir ki, insanlara daha səbirlə yanaşısınız və alçaldıcı görünən hallara ürəyiaçıqlıqla tab gətirəsiniz. 

Heç vaxt özünüz haqqında pis danışmayın. Ələlxüsus özünüzə «səfeh», «eybəcər», «bacarıqsız», «bəxtigətirməyən», «yönsüz» və s. kimi mənfi keyfiyyətləri özünüzə aid etməyin.

Sizin hərəkətləriniz konstruktiv tənqidə məruz qalarsa, müxtəlif cür qiymətləndirilə bilər. Rifahınız üçün bundan istifadə edin və başqalarının sizin şəxsiyyətinizi tənqid etməyə imkan verməyin.

Unutmayın ki, bəzən məğlubiyyət uğurdur. Bu məğlubiyyət sizi məcbur edəcək ki, göstərdiyiniz səylərə dəyməyən yanlış məqsədlərdən nəticə çıxarasınız və sonrakı daha böyük uğursuzluqlardan yaxa qurtarmış olasınız.

Natamamlığınızı hiss etməyə məcbur edən adamlar, məşğuliyyətlər və şəraitlərlə barışmayın. Əgər onları və ya özünüzü dəyişdirə biləcək qədər özünüzə inam hiss etmirsinizsə, onda sadəcə olaraq bütün bunlardan üz çevirin.

Özünüzü boşaltmağa, ürəyinizin səsini dinləməyə, təklikdə olanda ruhunuza yaxın olan işlə məşğul olmağa imkan tapın. Belə olsa özünüzü daha yaxşı anlaya bilərsiniz.

Ünsiyyətdə olun. Bir-birinə bənzəməyən, özünəməxsusluğu ilə seçilən adamlarla, bacı və qardaşınızla ünsiyyətdə olarkən enerji mübadiləsindən zövq almağa çalışın. Təsəvvür edin ki, onlar da qorxu, inamsızlıq hissi yaşaya bilərlər və onlara yardım etməyə çalışın. Onlardan nə istədiyinizi və onlara nə verə biləcəyinizi dəqiqləşdirin. Sonra isə bu cür mübadiləyə hazır olduğunuzu onlara da anlatmağa çalışın.

«Mən»inizi həddən ziyadə qorumayın, çünki o, siz düşündüyünüzdən də möhkəm və plastikdir. O, «əyilir», amma «sınmır». «Mən»inizin qısamüddətli emosional zərbə alması daha yaxşıdır, nəinki fəaliyyətsizlikdə və izolyasiyada olması.

Özünüz üçün bir neçə uzaq və ciddi məqsədlər seçin ki, onlara gedən yolda kiçik və aralıq məqsədlərdən keçərsiniz. Aralıq məqsədlərə nail olmaq üçün hansı məqsədlərdən istifadənin daha zəruri olmasını ölçüb-biçin. Hər bir uğurunuzu diqqət mərkəzində saxlayın, özünüzü ruhlandırmağa və tərifləməyi unutmayın. Qeyri-təvazökar olmaqdan qorxmayın, çünki sizi heç kim eşitmir.

Siz passiv obyekt deyilsiz ki, bütün xoşagəlməzliklər üstünüzə tökülsün, ot deyilsiniz ki, həyəcanla tapdalanmağınızı gözləyəsiniz. Siz kamillik piramidasının zirvəsiniz, valideynlərinizin ümidlərinin təcəssümüsünüz, Allahın yaratdığı mükəmməl varlıqsınız. Siz təkrarolunmaz şəxsiyyət, həyatınızın aktiv yaradıcısınız. Əgər siz özünüzə inamlısınızsa, onda maneə sizin üçün çağırışa çevrilir, çağırış isə sizi fəaliyyətə təhrik edir. Bu zaman utancaqlıq geri çəkiləcək, ona görə ki, «necə yaşamaq lazımdır fikri» ilə narahatlıq keçirmək əvəzinə siz həyatın qaynarlığına baş vuracaqsınız.

qadin.az

Go Back