Düşüncə Jurnalı

header photo

Nəticə göstərilir : "Konfranslar"

"PSİXOLOGİYA ZİRVƏ" KONFRANSI

Müasir Azərbaycan Psixoloqları İctimai Birliyi və Psixologiya Elmi-Tədqiqat İnstitutu sizi Azərbaycanda ilk dəfə keçiriləcək olan "PSİXOLOGİYA ZİRVƏ" KONFRANSI-na dəvət edir.

Konfransda hər biri öz sahəsində peşəkar olan, yerli və xarici  mütəxəssislər sizin görüşünüzə gələcək. Siz həmin mütəxəssislərin təqdimatında psixologiyanın müxtəlif bölmələri üzrə məruzələri dinləyəcək, həmçinin workshoplarda iştirak edəcəksiniz. "PSİXOLOGİYA ZİRVƏ" KONFRANSI 25-26 İyul 2019-cu il tarixlərində, saat 09:00 - 19:00-da  baş tutacaq. 
2 günün sonunda konfransda iştirak edən hər kəsə 3 ədəd BEYNƏLXALQ SERTİFİKAT təqdim ediləcək. "PSİXOLOGİYA ZİRVƏ" Konfrasında iştirak etmək üçün öncədən qeydiyyat mütləqdir.

Erkən Qeydiyyat: 1 May -  15 İyun
Son Qeydiyyat: 15 İyun - 15  İyul "PSİXOLOGİYA ZİRVƏ" Konfransında iştirak ÖDƏNİŞLİDİR.

Erkən Qeydiyyat ödənişi: 80 Azn, tələbələrə ( tələbə biletini təqdim etmək mütləqdir) xüsusi güzəştlə 50 Azn.

Son Qeydiyyat ödənişi: 100 Azn, tələbələrə ( tələbə biletini təqdim 
etmək mütləqdir) 70 Azn.

Qeydiyyat və informasiya üçün əlaqə nömrəsi: 070 268 27 08 ( what's app da aktivdir).

Go Back

SAĞLAMLIQ PSİXOLOGİYASI KONFRANSI

07.04.2019-cu il tarixində Psixologiya Elmi-Tədqiqat İnstitutunda Ümumdünya Sağlamlıq Gününə həsr olunmuş SAĞLAMLIQ PSİXOLOGİYASI KONFRANSI keçirildi.

Qeyd edək ki, 1948-ci ildə birinci Ümumdünya Səhiyyə Assambleyası Ümumdünya Səhiyyə Təşkilatının yaradılmasını qeyd etmək üçün Ümumdünya Sağlamlıq Gününün təsis edilməsi təşəbbüsü ilə çıxış etdi.  1950-ci ildən başlayaraq hər il 7 Aprel tarixində Ümumdünya Sağlamlıq Günü qeyd edilir. 
Azərbaycan Respublikasının Dövlət Himni səsləndirildikdən sonra tədbir açıq elan edildi. 
Öncə açılış nitqi və "Gözəl düşünən sağlam olar" mövzusunun təqdimatı üçün söz Psixologiya Elmi-Tədqiqat İnstitutunun rəhbəri Elnur Rüstəmova verildi. O, öz təqdimatında "Sağlam ruhda sağlam bədən olar" fikrindən çıxış edərək insanın ruhi sağlamlığını təmin edən əsas məqamlardan danışdı və sağlamlığın insanın düşüncələrilə bağlı olduğunu önə çəkdi. 

Növbəti çıxış üçün söz həkim-dietoloq, ESPEN-in yeganə Azərbaycanlı üzvü Tutu Zeynalovaya verildi. Spiker "Sağlam qidalanma və həyat tərzi" mövzusunda təqdimat edərək öz çıxışında hər kəsi sağlam qida rasionlarından istifadə etməyə və bol su içməyə səslədi. "Sağlam həyat sağlam qidalanmadan başlayır" -deyə əlavə etdi.
Daha sonra çıxış üçün söz Azərbaycan Respublikası Səhiyyə Nazirliyi, Psixi Sağlamlıq Mərkəzinin psixoloq-psixoterapevti, Azərbaycanda aykido psixoterapiyası ilə məşğul olan yeganə mütəxəssis, "Əli və Nino" filminin baş prodüsseri, hal-hazırda çəkilən "Satılmış ruhlar" psixoloji serialının baş prodüsseri və psixoloq rolunun ifaçısı Rövşən Nəzərova verildi. O, "Sağlam düşüncə - yaşam harmoniyası" mövzusunda təqdimat edərək hər şeyin sağlam düşüncədən başladığını qeyd etdi. 
Çay fasiləsi üçün ayrılan vaxt bitdikdən sonra konfrans öz işinə davam etdi.


Neyro-psixoloq, Boğaziçi Universiteti Klinik Psixologiya bölümü üzrə uzman, Türk-Amerika Neyropsixiatriya Dərnəyinin üzvü, Zirvə Psixologiya Mərkəzinin həmtəsisçisi və müdiri, Neyropsixologiya Bakı Mərkəzinin sədri Nuranə Kazımovaya söz verildi. O, sağlamlıq anlayışına neyro-psixoloji aspektdən yanaşaraq,  öz çıxışında daha çox yuxunun insan sağlamlığı üçün vacibliyindən danışdı.
Növbəti çıxış üçün söz Azərbaycan Respublikası Təhsil İnstitutunun "Psixologiya və Yaş fiziologiyası" şöbəsinin böyük elmi işçisi və dissertantı, psixoloq, musiqişünas Bahar Bəylərova-Ələkbərovaya verildi. "Sağlam musiqi - sağlam psixo-fiziologiya" mövzunda çıxış edən Bahar xanım  musiqinin hələ ana bətnində olarkən insan psixologiyasına təsirindən, düzgün musiqi seçiminin insan sağlamlığı üçün önəmindən bəhs etdi. 
Son olaraq Psixologiya Elmi-Tədqiqat İnstitutu nəzdində fəaliyyət göstərən Təhsildə Psixoloji Xidmətə Dəstək Mərkəzinin direktoru Elxan Bəylərov " İnsan ruhu qədər sağlam, gənc və safdır" mövzusunda təqdimat edərək milli-mənəvi dəyərlərimizin ruh sağlamlığımıza təsirindən danışdı. 
Çıxışlar bitdikdən sonra məruzəçilərə Psixologiya Elmi-Tədqiqat İnstitutu adından Təşəkkürnamə təqdim edildi. 
Bununla da SAĞLAMLIQ PSİXOLOGİYASI KONFRANSININ birinci hissəsi başa çatdı. 
Yarım saatlıq fasilədən sonra konfransın ikinci hissəsində Orxan İskəndərlinin təqdimatında Yoqa Master-klassı baş tutdu. 

Psixologiya Elmi-Tədqiqat İnstitutu olaraq bu gün bizimlə olan dəyərli spikerlərimizə və tədbir iştirakçılarımıza təşəkkürümüzü bildirir, uğurlar arzu edirik.

Go Back

"SAĞLAMLIQ PSİXOLOGİYASI" KONFRANSI. 07.04.2019

Psixologiya Elmi-Tədqiqat İnstitutu nəzdində fəaliyyət göstərən Təhsildə Psixoloji Xidmətə Dəstək Mərkəzi sizi 07.04.2019-cu il tarixində baş tutacaq "SAĞLAMLIQ PSİXOLOGİYASI" KONFRANSI-na dəvət edir. 

 7 Aprel "Beynəlxalq Sağlamlıq Günü"-nə həsr olunmuş konfrans 2 hissəli təşkil olunmuşdur. 
 Birinci hissədə hər biri öz sahəsi üzrə peşəkar olan 7 mütəxəssis sizin görüşünüzə gələcək.

 1. Elnur Rüstəmov - Psixologiya Elmi-Tədqiqat İnstitutunun rəhbəri, psixoloq.
 Mövzu: "Gözəl düşünən sağlam olar".

 2. Tutu Zeynalova - həkim-dietoloq.
 Mövzu: "Sağlam qidalanma və həyat tərzi".

 3. Rövşən Nəzərov - psixoloq, psixoterapevt.
 Mövzu: "Sağlam düşüncə - harmonik həyat".

 4. Gülnarə Xəlilova - 
 Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru, modelyer-dizayner. 
 Mövzu: "Geyimimiz ruhumuzun təzahürüdür".

 5. Nuranə Kazımova - neyro-psixoloq. 
 Mövzu: "Bioritmlər və sağlamlıq. Neyro-psixoloji aspekt".

 6. Bahar Bəylərova-Ələkbərova - ARTİ-nin Psixologiya və Yaş fiziologiyası şöbəsinin böyük elmi işçisi və dissertantı, musiqişünas, psixoloq. 
 Mövzu: Sağlam musiqi - sağlam psixo-fiziologiya".

 7. Elxan Bəylərov - Psixologiya elmləri doktoru, Psixologiya Elmi-Tədqiqat İnstitutu nəzdində fəaliyyət göstərən Təhsildə Psixoloji Xidmətə Dəstək Mərkəzinin direktoru.
 Mövzu: "İnsan ruhu qədər sağlam və gəncdir".
 "SAĞLAMLIQ PSİXOLOGİYASI" KONFRANSI-nın birinci hissəsi Psixologiya Elmi-Tədqiqat İnstitutunda baş tutacaq. 

 Qeydiyyat: 10:00-11:00 
 Konfrans: 11:00-15:00 

 Konfransın davamı, yəni ikinci hissə, saat 17:00-19:00-da Dənizkənarı Bulvarda davam edəcək. Burada sağlamlıq yürüyüşü və Orxan İskəndərlinin rəhbərliyilə yoqa master-   klassı baş tutacaq. ( Yoqa master-klassında iştirak etmək istəyənlərdən özləri ilə yoqa xalçası gətirmələri xahiş olunur). 

 Konfransda iştirak ÖDƏNİŞSİZDİR! 

 ÖNCƏDƏN QEYDİYYAT MÜTLƏQDİR!

 Qeydiyyat üçün əlaqə nömrəsi: 070 268 27 08 ( what's app da aktivdir).

Go Back

“Psixologiya və İnsan Resurslarının İdarə Edilməsi” forumu. 16.03.2019

16 mart 2019-cu il tarixində Psixologiya Elmi-tədqiqat İnstitutunda “Psixologiya və İnsan Resurslarının İdarə Edilməsi” forumu keçirildi. Mövzu üzrə yeni yanaşmalar və perspektivləri təqdim edən forum institutun nəzdində fəaliyyət göstərən Biznes Psixologiyası şöbəsinin təşəbbüsü ilə baş tutdu.

Azərbaycan Respulikasının Dövlət Himni səsləndikdən sonra açıq elan olunan forumda ilk olaraq Psixologiya Elmi-Tədqiqat İnstitutunun rəhbəri Elnur Rüstəmov “Psixologiya Elmi Tədqiqat İnstitutunun strukturları, insan resurslarının idarə olunmasında psixologiyanın potensialı və perspektivləri” mövzusunda çıxış etdi.  O, öz çıxışında İnstitutun strukturlarından, fəaliyyət planından, həyata keçirilən layihələrdən, qarşıda duran hədəflərdən, eyni zamanda Azərbaycan Respublikasının 7 dekabr 2018-ci il tarixli “Psixoloji yardım haqqında” qanunu və Azərbaycan Respublikası Prezidentinin 21 yanvar 2019-cu il tarixli fərmanını əsas tutaraq psixoloji xidmətin təşkilinə verilən tələblərə toxundu. Azərbaycan Respublikası Prezidenti İlham Əliyevin “Təhsil haqqında”  qanunda dəyişikliklər edilməsi barədə 12 iyun 2018-ci il tarixli qanunun tətbiqi haqqında imzaladığı fərman haqqında məlumat verdi. “Təhsil haqqında” Azərbaycan Respublikası qanununun 14.20-ci maddəsini forum iştirakçılarının nəzərinə çatdırdı. Elnur Rüstəmov sonda insan resurslarının idarə edilməsində psixoloji diaqnostika, psixoloji konsultasiyanın rolundan və korporativ psixoloji dəstəkdən danışaraq lazımı təlimatları qeyd etdi. 


Daha sonra Psixologiya Elmi-Tədqiqat İnstitutu nəzdində fəaliyyət göstərən “Biznes Pisologiyası” şöbəsinin müdiri, psixoterapevt Kənan Rəhimova söz verildi. K.Rəhimov "Kompetensiyalar modelinin tətbiqi" mövzusunda çıxış etdi. 


Daha sonra forum növbəti spikerlərin çıxışı ilə davam etdirildi. Hər bir spikerin təqdimatında aşağıda qeyd olunan ardıcllıq və mövzular üzrə müzakirə təşkil olundu:
Psixologiya Elmi-Tədqiqat İnstitutu nəzdində fəaliyyət göstərən Psixoloji Xidmət və Reabilitasiya Mərkəzinin psixoloqu, ADPU-nun Ümumi Psixologiya kafedrasının müəllimi, doktoranı Gülər Məmmədova "Motivasiya, korporativ dəyərlərin formalaşdırılması" mövzusunda təqdimat həyata keçirdi.


Psixologiya Elmi-Tədqiqat İnstitutu nəzdində fəaliyyət göstərən Psixoloji Xidmət və Reabilitasiya Mərkəzinin psixoloqu Reyhan Mirzağayeva "Şəxsi inkişaf - insanın karyera inkişafının psixoloji əsası" mövzusu üzrə çıxış etdi.


Psixologiya Elmi-Tədqiqat İnstitutu nəzdində fəaliyyət göstərən Psixoloji Xidmət və Reabilitasiya Mərkəzinin direktoru, psixoloq Nərmin Quliyeva "Psixodiaqnostika və psixoloji proqnoz" mövzusunda çıxış etdi.


Psixologiya Elmi-Tədqiqat İnstitutu nəzdində fəaliyyət göstərən Psixoloji Xidmət və Reabilitasiya Mərkəzinin psixoloqu, Nəzəri və Eksperimental Psixologiya şöbəsinin elmi katibi Səbinə Ələkbərova "İradə, məqsəd, uğur - idarəetmənin əsas amilləri" mövzusunda çıxış etdi.

Daha sonra Psixologiya Elmi-Tədqiqat İnstitutu nəzdində fəaliyyət göstərən Nəzəri və Eksperimental Psixologiya şöbəsinin müdiri, ADPU-nun Ümumi Psixologiya kafedrasının baş müəllimi, psixologiya üzrə fəlsəfə doktoru, NLP təlimçisi Məhərrəm Əliyev "İnsan Resurslarında NLP-nin imkanları" mövzusu üzrə çıxış edərək forum iştirakçıları ilə qarşılıqlı müzakirə əsasında təlim təşkil etdi.


Psixologiya Elmi-Tədqiqat İnstitutu nəzdində fəaliyyət göstərən Psixoloji Xidmət və Reabilitasiya Mərkəzinin psixoloqu, "Gənc Tədqiqatçılar" komandasının rəhbəri Fuad Əsədov isə "İnsan təfəkkürünün potensialı, mnemotexnikalar" mövzusu üzrə çıxış etdi.
Forumun sonuna doğru psixoterapevt Kənan Rəhimov təkrar çıxış edərək “Praktiki Stress Menecment, Reinkarnasiya” mövzusunda birbaşa praktik əsaslı təlim təşkil etdi. 
İnteraktiv keçən forumun sonunda institutun rəhbəri Elnur Rüstəmov qapanış nitqi edərək spikerlərə və əməyi keçən hər kəsə təşəkkürünü bildirdi, bütün iştirakçılara uğurlar arzuladı.
Forum spikerlər tərəfindən iştirakçılara sertifikatların təqdim edilməsi ilə yekunlaşdı.

Go Back

Tələbə Psixoloqların I Ümumrespublika Konfransı. 23.12.2018

23 dekabr 2018-ci il tarixində Psixologiya Elmi-Tədqiqat İnstitutunda Azərbaycanda ilk dəfə olaraq keçirilən “Tələbə Psixoloqların I Ümumrespublika Konfransı” baş tutdu.

İnstitutun sədri, psixoloq Elnur Rüstəmovun açılış nitqindən sonra  konfransın rəsmi hissəsinə keçid alındı. Əvvəlcə fəxri qonaqlar - hazırda Azərbaycan Respublikası Təhsil İnstitutunda "Psixologiya və Yaş Fiziologiyası" şöbəsinin müdiri, psixologiya elmləri doktoru Elxan Bəylərov və psixologiya elmləri üzrə fəlsəfə doktoru Müşviq Mustafayev konfransla bağlı fikirlərini səsləndirdilər. Ardınca təlimlərə başlanıldı. 

Aşağıdakı ardıcıllıqla 5 nəfər spikerin təqdimatında təlimlər keçirildi:

  • Xəzər Universiteti Psixologiya Departamentinin koordinatoru, Xəzər Psixoloji Xidmət Mərkəzinin direktoru, psixoloq Mələk Kərimova - "Düşüncələr bizimlə necə oynayır?" 
  • Respublikanın Baş Narkoloqu, psixiatr, tibb elmləri üzrə fəlsəfə doktoru, dosent Araz Manuçöhri - "Asılılığın insan psixologiyasına təsiri"
  • "Gənc Psixoloqlar " İctimai Birliyinin sədri Orxan Oruc – “"Stressiz həyat mümkündürmü?" 
  • Narınc Psixologiya Mərkəzinin rəhbəri, klinik psixoloq Narınc Rüstəmova "NLP-də xarakter tipləri" – workshop
  • Psixoloji Xidmət və Reabilitasiya Mərkəzinin psixoloqu, Azərbaycan Dövlət Pedaqoji Universitetinin “Ümumi Psixologiya” kafedrasının müəllimi  Gülər Məmmədova – “Özgüvən və motivasiya” (workshop)

Maraqlı müzakirələr ,təlimlərlə, həmçinin canlı musiqi fasiləsiylə  yadda qalan konfransın sonunda hər bir iştirakçıya 2 sertifikat təqdim olundu. Konfrans ən xoş təəssüratlarla yaddaşımıza yazıldı. Başda Psixologiya Elmi-Tədqiqat İnstitutunun sədri, psixoloq Elnur Rüstəmov olmaqla, həyata keçirilən bu böyük konfransın təşkilində əməyi olan hər kəsə təşəkkür edirik. Qatılan bütün iştirakçılara isə uğurlar! 

 

 

 

Go Back

Bakıda ailə və uşaq psixologiyasına dair beynəlxalq konfrans keçirilir

 

AMEA Gənc Alim və Mütəxəssislər Şurası və Narınc Uşaq Psixologiya Mərkəzinin təşkilatçılığı ilə Azərbaycanda ilk dəfə olaraq "I Beynəlxalq Ailə və Uşaq Psixologiyası konfransı” keçirilir. Konfransdan öncə AMEA Mərkəzi Elmi Kitabxanasında rəsmi açılış mərasimi baş tutdu.
200-ə yaxın iştirakçının, o cümlədən tanınmış yerli və xarici mütəxəssislərin qatıldığı konfransı giriş nitqi ilə AMEA Gənc Alim və Mütəxəssislər Şurasının sədri, dosent Famin Salmanov açdı. O bildirdi ki, konfrans son zamanlar ölkəmizdə və dünyada aktual olan ailə və uşaq psixologiyası sahəsindəki problemlərin müxtəlif aspetdən müzakirəsini daha iri miqyasda təmini cəhətdən önəmlidir: "AMEA-nın Fəlsəfə İnstitutu və digər təşkilatlarda bu cür məsələlərin müzakirəsi, ailə və uşaq psixologiyasına dair tədqiqatlar dissiplinar və multidissiplinar yanaşma müstəvisində fundamental elmi problem kimi öyrənilməkdədir. Bu istiqamətdə tədqiqatların aparılmasında gənc tədqiqatçıların da rolu müstəsnadır. Bu gün ərsəyə gətirilən konfrasda yerli tədqiqatçılar üçün dünya təcrübəsinin öyrənilməsi, eyni zamanda aparılan araşdırmaların nüfuzlu mütəxəssislərlə birgə müzakirə olunması faydalı olacaq. Ümid edirəm ki, qarşılıqlı faydalı müzakirələr uşaq və ailə psixologiyasının aktual problemlərinin həllinə öz töhfəsini verəcək”.
Narınc Uşaq Psixologiya Mərkəzinin rəhbəri, klinik psixoloq Narınc Rüstəmova dedi ki, konfrans 1 İyun Uşaqların Beynəlxalq Müdafiəsi Gününə həsr olunub: "Eyni zamanda bizim mərkəzin 8 yaşı tamam olur. İki bayramı bir arada qeyd edirik. Layihədə əməyi olan, iştirak edən hər kəsə təşəkkürümü bildirirəm. Bu bir uşaq və ailə konfransıdır. Burada önəmli olan ailə üzvlərinin bir-birinə olan hörməti, dəstəyidir. Biz həmişə uşağı qabardırıq, amma uşaq sağlam mühitdə böyüməsə, necə sağlam gənc, vətəndaş olacaq? Ona görə uşaqları tərbiyə edərkən birinci özümüzdən başlamalı olduğumuzu düşündüm. Öz sahəsində peşəkar olan insanları dəvət etmişik, inanıram ki, hər kəs üçün faydalı olacaq”. 
Ailə, Qadın və Uşaq problemləri üzrə Dövlət Komitəsinin sədr müavini Sədaqət Qəhrəmanova isə qeyd etdi ki, konfrans ailə və uşaq psixologiyası sahəsində olan problemlərin həlli istiqamətində bir çağırışdır: "Çox məsuliyyətli, həyati əhəmiyyətli bir mövzu müzakirə olunacaq. Dünya bir ailədir, o ailənin üzvləri isə dövlətlərdir. Hər dövlətdə isə əhəmiyyətli olan ailələrdir. Hər bir ailədə nə baş verirsə, onun əks-sədası cəmiyyətdə, dünyada olur. Bu gün dünyada baş verən terrorlar, münaqişələr, zorakılıqların hamısı uğursuz ailələrdən, baxımsız uşaqlardan əmələ gələn proseslərdir. Bu gün bu konfransın keçirilməsi cəmiyyət üçün böyük bir çağırışdır. Əgər xoşbəxt yaşamaq, dünyamızın, insanlarımızın üzünün gülməsini istəyiriksə, ailə münasibətlərinin doğru-düzgün olması üçün hər bir kəs çalışmalıdır”.
Daha sonra AMEA Fəlsəfə İnstitutunun fəlsəfə, sosiologiya və sosial psixologiya  şöbəsinin rəhbəri Rəfiqə Əzimova, ilahiyatçı alim Hacı Surxay Məmmədli, Türkiyədən gələn qonaqlar psixoterapevt klinik refleksoloq Esat Başaran, psixoloq Tancu Ekinçi, Psixologiya və Konsultasiya Mərkəzinin rəhbəri, psixoloq Elnur Rüstəmov və digəriləri konfransla bağlı fikirlərinin bildirdilər.
Təbrik çıxışlarından sonra konfransın plenar iclasında nüfuzlu əcnəbi və yerli psixoterapevtlərin, klinik refleksoloqların və psixoloqların təqdimatında məruzələr dinlənildi.

Go Back

YAP Binəqədi rayon Təşkilatı Narınc Uşaq Psixologiya Mərkəzi üzrə ərazi ilk partiya təşkilatı təsis etdi-FOTOLAR

23 dekabr 2016-cı il tarixdə Yeni Azərbaycan Partiyası Binəqədi rayon Təşkilatının inzibati binasında rayon təşkilatının “Narınc Uşaq Psixologiya Mərkəzi” ərazi ilk partiya təşkilatı təsis edildi. Təsis yığıncağında YAP Binəqədi rayon Təşkilatının sədri Ramiz Göyüşov, təşkilatın əməkdaşları Kubra Əliyarlı, Zamin Süleymanov, Şəbnəm Məmmədova, Narınc Uşaq Psixologiya Mərkəzinin rəhbəri Narınc Rüstəmova, mərkəzdə çalışan YAP üzvləri iştirak etdilər.

Yığıncağı giriş nitqi ilə açan Ramiz Göyüşov yığıncaq iştirakçılarını salamladı. Onlara YAP-ın və rayon təşkilatının yaranma tarixindən geniş bəhs etdi. YAP-ın ulu öndər Heydər Əliyevin siyasi fəaliyyətinin, gərgin əməyinin, Azərbaycan xalqının böyük istək və arzusunun nəticəsi olaraq yaradıldığını diqqətə çatdırdı. Hazırda Cənubi Qafqazda ən böyük və mütəşəkkil siyasi partiya olaraq YAP-ın qazandığı uğurlardan və siyasi nüfuzundan bəhs etdi. Ramiz Göyüşov, həmçinin YAP-ın və rayon təşkilatının strukturu haqqında ətraflı məlumat verərək bu partiyada böyük ziyalı, dövlətinə və millətinə bağlı komandanın çalışdığını bildirdi. Sədr mərkəzin rəhbərinə və oradakı partiya üzvlərinə ərazi ilk partiya təşkilatının yaradılması təklifi ilə çıxış etdikləri üçün minnətdarlığını bildirdi. Əməkdaşlığın səmərəli qurulacağına əminliyini ifadə etdi və rayon təşkilatı tərəfindən mərkəzin bütün layihələrinə dəstək veriləcəyini söylədi.

Yığıncaqda ərazi ilk partiya təşkilatının təsis edilməsi məsələsi yekdilliklə qəbul edildikdən sonra sədr, sədr müavini. ƏİPT-nın Qadınlar Şurasının və Gənclər Birliyinin sədri vəzifələrinə seçkilər keçirildi. Narınc Rüstəmova yığıncaq iştirakçılarının yekdil qərarı ilə ƏİPT-nın sədri, Fəridə Şərifova sədr müavini, Mətanət Camalova QŞ-nın, Aydan Talıbova GB-nin sədri seçildilər.

Yığıncaqda çıxış edən ƏİPT-nın sədri Narınc Rüstəmova rəhbərlik etdiyi mərkəz haqqında ətraflı məlumat verdi. Burada çalışan kollektivin savadlı psixoloq, pedaqoqlar olduğunu bildirdi. Əsasən gənclərdən ibarət olan kollektiv üzvlərinin böyük fəxrlə YAP sıralarında təmsil olunduğunu və onların təşəbbüsü əsasında mərkəz üzrə ƏİPT-nın yaradılması təklifinin dəstklənməsini mühüm hadisə adlandırdı. Ona göstərilən etimada görə şəxsən rayon təşkilatının sədri Ramiz Göyüşova və yığıncaq iştirakçılarına təşəkkürünü bildirdi. Bu etimadı ən yüksək səviyyədə doğruldacağını və yeni-yeni təşəbbüslərlə, layihələrlə çıxış edəcəklərini diqqətə çatdırdı.

Yığıncaqda çıxış edən digər YAP üzvləri də onların təşəbbüslərinə dəstək verildiyi üçün YAP Binəqədi rayon Təşkilatına təşəkkür etdilər.

Yığıncaqda, həmçinin YAP sıralarına yeni üzv qəbul edilən şəxslərə partiya üzvlük vəsiqələri təqdim edildi. Sonda rayon təşkilatına Narınc Uşaq Psixologiya Mərkəzinin fəaliyyətindən bəhs edən materiallar və mərkəzin təlim-metodiki vəsaitləri hədiyyə edildi.

 

bineqediyap.org.az
 

Go Back

Narınc Uşaq Psixologiya Mərkəzinin əməkdaşı ölkəmizi beynəlxalq konfransda təmsil etmişdir- FOTOLAR

Narınc Uşaq Psixologiya Mərkəzinin Xalqlar Dostluğu ofisinin icraçı direktoru Təranə Kazımlı Türkiyədə Üsküdar Universitetində 28-30 aprel tarixi aralığında keçirilən “ I Avrasya pozitiv psikoloji kongresi”ndə ölkəmizi təmsil etmişdir. Konfransın keçirilməsində əsas məqsəd Pozitiv Psixologiya ilə bağlı bütün elmi araşdırılmaların paylaşılması və bu sahədə çalışan dünya mütəxəssislərinin bir araya gəlməsi idi.  Konfransın proqramında dünyanın müxtəif ölkələrindən gəlmiş mütəxəssislərin təqdimatında Pozitiv Psixologiya ilə bağlı müxtəlif mövzulu seminarlar,  qrup çalışmaları, bildirişlər və posterlərin tanıtımı yer almışdır.  

3 gün davam edən konfransda Narınc Uşaq Psixologiya Mərkəzini icraçı direktoru Təranə Kazımlı həm ölkəmizi,həm də Narınc Uşaq Psixologiya Mərkəzini layiqincə təmsil etmişdir!!!

                  

 

 

Go Back

Azərbaycan Gənc Psixoloqlarının I ümumrespublika forumu keçirilib- FOTOLAR

“ASAN Könüllüləri” Gənclər təşkilatı, “Gənc Psixoloqlar” İctimai Birliyi və Binəqədi Rayon İcra Hakimiyyəti tərəfindən birgə təşkil olunan forum “Psixi sağlamlıq istiqamətində həyata keçirilən tədbirlərin dövlətin inkişafında rolu” və “Psixologiya elminin tətbiqi sferalarının inkişafı və təkmilləşdirilməsi istiqamətində görülən işlərin təhlili  mövzuları üzrə iki paneldən ibarət olub.

Tədbiri giriş sözləri ilə açan “Gənc Psixoloqlar” İctimai Birliyinin sədri Orxan Oruc-zadə forumun keçirilmə məqsədi barədə iştirakçılara məlumat verib.

Forumun birinci panelində Binəqədi Rayon İcra Hakimiyyəti başçısının müavini Vüsar İsmayılov, Milli Məclisin  Səhiyyə komitəsinin sədr müavini  Musa Quliyev , Milli Məclisin Gənclər və idman komitəsinin sədri Fuad Muradov, Gənclər Fondunun İcraçı Direktoru Fərhad Hacıyev və “ASAN Könüllüləri” Təşkilatının sədri Fərid Sadıxlı çıxış edərək, tədbirin əhəmiyyətindən və bu gün ölkəmizdə psixi sağlamlığın möhkəmləndirilməsi istiqamətində aparılan işlərdən danışıb, forum iştirakçıları tərəfindən verilən suallar cavablandırıblar.

İkinci paneldə isə Psixoterapevt Nisə Abdullayeva, Bakı Dövlət Universitetinin müəllimi, klinik psixoloq Səyyarə Yusubova, “Gənc Psixoloqlar” İctimai Birliyinin nümayəndələri Aidə Səlim, Aytac Abbasbəyli, “İstək” liseyinin psixoloqu Sevda Cəlilzadə müxtəlif psixoloji mövzuda çıxışlar ediblər.

Tədbirin qonaqlarından olan Psixologiya və Konsultasiya Mərkəzinin direktoru Elnur Rüstəmov çıxış edərək, forum iştirakçılarına uğurlar arzulayıb.

Tədbirin sonunda  “Gənc Psixoloqlar” İctimai Birliyi və “ASAN” Könüllüləri Gənclər Təşkilatı arasında psixi sağlamlıq istiqamətində bir tədbirlərin həyata keçirilməsini və gənc mütəxəssislərin formalaşdırılmasını nəzərdə tutan əməkdaşlıq memorandum imzalanıb.

gpb.az

         

        

      

    

Go Back

Bakıda möhtəşəm "Mavi işıqla işıqlandır və Autizmi tanı" adlı tədbir keçirildi - 02.04.2016

02.04.2016 tarixində “Narınc Uşaq Psixologiya Mərkəzi“(NUPM) və “Autizm Defektoloji və Psixoloji Yardım Mərkəzi”(ADPYM) İctimai Birliyi tərəfindən 2 Aprel Dünya Autizm məlumatlandırma günü ilə əlaqədar olaraq Bakı Olimpiya stadionunda “Mavi İşıqla İşıqlandır və Autizmi tanı” adlı tədbir keçirildi.

XXI əsrin qlobal problemi hesab edilən autizm  ölkəmizdə də ən aktual bir mövzudur.Aparılmış tədqiqatlara görə dünya əhalisinin 1 faizi yəni 70 milyon əhali autizmin qurbanıdır. Qeyri-rəsmi stastistikamıza əsasən ölkəmizdə  təxmini 4000 yaxın uşaq autizm sindromundan əziyyət çəkir.Getdikcə bu say artmaq üzrədir. Yaranma səbəbi elmə 100% məlum olmayan autizm sindromu ilə mübarizə günün tələbidir.Keçirilən tədbir zamanı ölkəmizdə məşhur və görkəmli binalardan hesab edilən Bakı Olimpiya Stadionu mavi işıqla işıqlandırılaraq Biz də autizmin fərqindəyik mesajı verildi!

 Tədbirdə aidiyyatı dövlət və qeyri-dövlət təşkilatları nümayəndələri, mütəlif səfirlik təmsilçiləri və türk mütəxəssisləri, KİV-nin nümayəndələri , görkəmli xalq şairi, aktyor və ilahiyyatçılar ,eyni zamanda autizm sindromlu uşaqlar,valideynlər və digər qonaqlar iştirak etdilər.

Tədbirin gedişatı zamanı gələn rəsmi məlumatlara əsaslanaraq şəhid olan hərbi qulluqçularımızın da ruhu dərin təəssüf hissi ilə yad edildi və bütün qonaqların iştirakı ilə şəhidlərimizin ruhu 1 dəqiqəlik sükutla yad edildi!

Tədbir rəsmi və qeyri rəsmi hissədən ibarət oldu. Rəsmi hissədə ilk öncə söz tədbirin təşklati qurumlarının rəhbərlərinə verildi. Psixologiya və Konsultasiya Mərkəzinin rəhbəri, psixoloq Elnur Rüstəmov, Narınc Uşaq Psixologiya Mərkəzinin rəhbəri,psixoloq Narınc Rüstəmova və Autizm Defektoloji və Psixoloji Yardım Mərkəzi İctimai Birliyinin sədri Çiçək Qəzənfərqızı tədbirin ərsəyə gəlməsiylə bağlı çıxış edərək,qonaqları salamladılar.  Daha sonra iştrak edən digər qonaqlar Fəlsəfə elmləri üzrə fəlsəfə doktoru,AMEA-nın fəlsəfə,sosiologiya və sosial psixologiya şöbəsinin müdiri Rəfiqə Əzimova, Azərbaycan Respublikası Səhiyyə Nazirliyi nəzdində Psixi Sağlamlıq Mərkəzinin rəhbəri,tibb elmləri doktoru, professor Fuad İsmayılov, Ombudsmanın əlilliyi olan şəxslər üzrə aparatının müşaviri Müqalib Mahmudv, Fələstin,Sudan və Çexiya Səfirlərinin  xanımları, Əməkdar incəsənət xadimi, şair Baba Vəziroğlu, ilahiyyatçı-alim, “İçərişəhər” cümə məscidinin axundu Hacı Surxay Məmmədli və digərləri söz alaraq tədbir və günün mahiyyətini əks etdirən nitq ilə çıxış etdilər və Tədbir təşkilatçılarının bu cür ali təşəbbüsə görə təbrik etdilər və hər zaman bu kimi layihələrə dəstək olmağa hazır olduqlarını bildirdilər.

2 aprel günü Narınc Uşaq Psixologiya Mərkəzinin 7 illik yubileyi də qeyd edildi. Narınc Uşaq Psixologiya Mərkəzinin rəhbəri, psixoloq Narınc Rüstəmova qeyd etdi ki, “Bu gün onun üçün hər iki cəhətdən də əlamətdər bir gündür. Mərkəzinin yaranma tarixinin məhz 2 aprel Beynəlxalq Autizm Marifləndirmə günü ilə üst-üstə düşməsi heç də təsadüfi deyildir! İllərdir prinsipimizə sadiq qalaraq hər zaman balalarımıza əlimizdən gələn bütün köməkliyi göstərmişik və bunun nəticəsi olaraq valideynlər tərəfindən qazandığımız təşəəkür, boyük etimad və sevgi hissi bizim ən böyük uğurumuzdur!”

Tədbirin qeyri-rəsmi hissəsində kiçik qonaqlar əyləncəli müsiqilər, şoular, cizgi film personajları, şən klounlarla gözəl vaxt keçirdilər və uşaqlara müxtəlif hədiyyələr təqdim olundu.

      

Go Back

Qızlar Universitetinin tələbələri NARINC UŞAQ PSİXOLOGİYA MƏRKƏZİNDƏ təcrübə keçirlər

Qızlar Universitetin Psixologiya fakultəsinin tələbələri NARINC UŞAQ PSİXOLOGİYA MƏRKƏZİNDƏ  təcrübə proqramı ilə iştirak edirlər. 2 növbədə olmaqala 33 tələbə hər gün müxtəlif psixoloji konsultasiyalarda, mütəxəssislərin müxtəlif psixoloji mövzularda verdikləri seminarlarda iştirak edirlər. Eyni zamanda hər gün öyrəndikləri yeniliklər və bilgilərlə bağlı mütəxəssislərlə birlikdə müzakirələr ararır, lazımi suallarına cavab alırlar.

Təcrübənin gedişatı ilə əlaqədar tələbələr arasında anonim sorğu keçirdik. Sorğunun nəticələrindən bir neçəsini sizlərə təqdim edirik.

- Mərkəz həqiqətən çox yüksək səviyyədədir. Həm səliqə-səhman, şərait həm də ,müəllimlər sözün əsl mənasinda superdir. Bu praktikada indiyəcən bildiyim nəzəriyyələrin sadəcə kağız üzərində olduğunu gördüm. Praktiki tərəf çox daha maraqlıdır. Bugünku seminarı isə çox bəyəndim.

-Əvvəlcə mərkəzin rəhbərliyinə - Elnur bəyə və Narınc xanıma bizə bu şəraiti yaratdıqları üçün minnətdarıq! Mərkəzdə işləyən mütəxəssilər həm praktik,həm nəzəri cəhətdən çox şey öyrətdilər. Xüsusilə Fəridə Həsənova öz gözəl aurası ilə xoş abu-hava yaradır. Bilmədiyimiz mövzular haqqında geniş məlumat verir. Psixoloqlar,pedoqoqlar bizim hər bir sualımızı cavablandırır. Valideynlər də çox razıdırlar. Bugün də seminardan çox razı qaldım. Aygül xanım və Fəridə xanım bizə suallar verdilər və uşaqlarnan maraqlı qrup terapiyası təşkil etdilər.

- Bu mərkəzə gəldikdən sonra deyə bilərəm ki, mən keçən il praktika nə olduğunu bilməmişəm. Rahat və səliqəli otaqları və xüsusilə də burdakı mütəxəssislər tam ürəyimcədir. Çox təssüflənirəm ki, müddət 2 həftədir. Yadımda qalan bir çox psixoloq, loqoped xanımlar var ki, onların konsultasiyaları çox xoşuma gəldi. Ümumilikdə çox razıyam. Yaxşı ki, bu mərkəzlə, bu insanlarla tanış oldum. 

- Mərkəz çox rahatdır, praktikamızın səmərəli keçməyi üçün hər cür şərait yaradılıb. Kondisioner də var hətta! (gülümsəyir) Praktikamız super keçir. Maksimum dərəcədə hər şeyi öyrətməyə çalışırlar. Biliklərimi xeyli artırmışam. Fəridə xanım və Aygül xanıma da dərin minnətdarlığımı bildirirəm, çünki kurslar səviyyəsində seminarlar təşkil edirlər.

- Mərkəz digər uşaq psixologiya mərkəzləri ilə müqayisədə çox irəlidədir. Burada daha çox pasient var və daha tez alınan nəticələr gördüm. Təcrübəni burada keçdiyimiz üçün çox şanslıyıq. Bizə daha çox səmərəli şərait yaradırlar. Bugünkü treninq çox məhsuldar oldu!

- Mərkəz savadlı mütəxəssisləri, gülərüz kollektivi ilə diqqətimi çəkdi. Hələki konsultasiyasında olduğum Sevinc xanıma, Aygül xanıma, Əminə xanıma və Günay xanıma mənə bu 1 həftə ərzində verdikləri biliklər üçün təşəkkür edirəm.  Seminar məni çox qane etdi. Bizim üçün əziyyət çəkən bütün insanlara minnətdaram. Bu mərkəzdə işləmək ən böyük arzumdur, İnşallah olar! 

 

Go Back

"CREATİVE AUTHOR" müsabiqəsinin yekun mükafatlandırma mərasimi baş tutdu

09.04.2015 tarixində Xəzər Universitetində Psixologiya və Konsultasiya Mərkəzi, DÜŞÜNCƏ Psixologiya Jurnalı və Xəzər Universitetinin birgə layihəsi olan "CREATİVE AUTHOR" müsabiqəsinin yekun mükafatlandırma mərasimi baş tutdu.

Tədbir Mələk Kərimovanın açılış nitqi və Xəzər Universitetinin Psixologiya fakultəsinin III kurs tələbəsi Nərmin Quliyevanın ingilis dilindən tərcümə etdiyi , müəllifi Viktor Franklın olduğu “İnsanın məna axtarışı” kitabının təqdimetmə mərasimi ilə başladı. Daha sonra söz AMEA-nın elmi işçisi, Psixologiya və Konsultasiya Mərkəzinin rəhbəri, psixoloq Elnur Rüstəmova verildi. Elnur Rüstəmov günümüzdə psixologiyanın inkişaf vəziyyəti, bu cür müsabiqələrin psixologiyanın inkişafında önəmindən danışdı. Eyni zamanda Nərmin Quliyevanın tərcümə etdiyi kitab haqqında öz fikirlərini bildirərək, gəncləri bu kimi işlərdə daha da aktiv olmağa səslədi.

Daha sonra Xəzər universiteti HR departameninin rəhbəri, psixologiya fakultəsinin kafedra müdiri, psixoloq Ülkər İsayeva söz alaraq iştirakçılarımız təbrik etdi. 

Tədbirdə müsabiqənin əsasını təşkil edən  “Depressiya və Suisid” mövzusunda hüquqi aspektdən yanaşması üçün hüquqşünas  Akif Əlizadə, fəlsəfi askpektən yanaşma üçün fəlsəfə kafedra müdiri Mail Yaquba söz verildi.

Qeyd edək ki, müsabiqə çərçivəsində 100-ə yaxın məqalə qəbulu olmuşdu  və yekun mükafatlandırma mərasimində onlardan 35 –i peşəkar münsiflər heyyəti tərəfindən seçilərək təltif olundu.

Birinci yerin qalibi “Birinci və sonuncu ad günüm” yazısıyla müsabiqəyə qatılan Samir İmanov oldu. İkinci və üçüncü yerləri isə Xəzər universiteti,psixologiya fakultəsi III kurs tələbəsi Aydan İbrahimova və Bakı Türk Anadolu liseyinin 11-ci sinif şagirdi Bəyimxanım Bəhməni  paylaşdı.

Tədbir Xəzər universitetinin təsisçisi və rektoru, professor Tamerlan İsaxanın qapanış nitqi ilə başa çatdı.

 

    

 

Go Back

Qlobal Psixi Sağlamlıq və İnkişaf Xəstəlikləri mövzusunda Beynəlxalq simpozium

Müasir dünyada psixi sağlamlıq və onun qorunması ciddi əhəmiyyət kəsb edir. Bu səpgidə Azərbaycan Tibb Universiteti bir çox dünya universitetləri ilə elmi və praktiki əməkdaşlıq edir. Bu əməkdaşlığın nəticəsi olaraq Mart ayında Azərbaycan Tibb Universitetinin Tədris Terapevtik Korpusunda Harvard Universiteti Boston Uşaq Xəstəxanasının İnkişaf xəstəlikləri departamenti ilə Azərbaycan Tibb Universitetinin Psixiatriya Kafedrasının bərabər təşkil etdiyi elmi simpozium keçirildi.

Bu simpoziumda Narınc Uşaq Psixologiya Mərkəzi rəhbəri Narınc xanım Rüstəmova, Psixologiya və Konsultasiya Mərkəzi rəhbəri Elnur Rüstəmov, icraçı direktor Təranə Kazımova da iştirak etdilər və inkişaf xəstəlikləri ilə yanaşı, digər psixi və nevroloji pozuntular, inkişaf xəstəliklərinin genetik aspektləri, müdaxilə və müalicə metodikaları ilə əlaqəli ətraflı təqdimat və fikir mübadiləsi apardılar. Bu fikir mübadilələrində Azərbaycanlı mütəxəssislərlə yanaşı ABŞ, Türkiyə, Qazaxıstan və digər ölkələrin aparıcı ekspertləri iştirak etdilər.

Simpoziumda psixiatr, nevroloq, pediatr, psixoloq-defektoloq,  inkişaf pozuntuları və bir çox psixi xəstələrlə iş aparan mütəxəssislər iştirak etdilər...

 

      

 

 

      

 

        

 

Go Back

"Qlobal çağırışlar epoxasında psixologiya və psixoterapiya" konfransı

Psixologiya və Konsultasiya Mərkəzinin rəhbəri, psixoloq Elnur Rüstəmov, Narınc Uşaq Psixologiya Mərkəzinin rəhbəri, psixoloq Narınc Rüstəmova və "Düşüncə" Psixologiya Jurnalının baş redaktoru, psixoloq Vüsalə Ələkbərova Sankt-Peterburqda keçirilən "Qlobal çağırışlar epoxasında psixologiya və psixoterapiya" konfransında iştirak ederek Azərbaycanı orada təmsil edirlər.

     

       

 

 

Go Back

"Uşaq Psixologiyası" kitabının təqdimat mərasimi baş tutdu!

 

19.10.2014 tarixində Azərbaycanın ən böyük kitab marketi olan KITABEVIM.AZ –da daha bir kitab təqdimatı baş tutdu. Bu dəfə səbəkar kitabımız “Uşaq Psixologiyası”, qəhrəmanımız isə Narınc Uşaq Psixologiya mərkəzinin rəhbəri, uşaq psixoloqu Narınc xanım Rüstəmova oldu.

Kitabla və müəlliflə tanış olmaq , kitab haqqında təəssüratlarını bölüşmək istəyən hər kəs  KITABEVIM.AZ marketində toplanmışdı. Azərbaycan psixoloji ədəbiyyatında bir yenilik sayılacaq olan kitaba təlabat və  maraq, təqdimata gələn insanların üzlərində və sözlərində öz əksini tapmışdı. Tədbirdə “Psixologiya və Konsultasiya Mərkəzi”nin rəhbəri, psixoloq Elnur Rüstəmov, AMEA-nın Ədəbiyyat İnstitutunun direktor müavini f.e.ü.f.d. Şəmil Sadiq,  “Düşüncə jurnalı”nın baş redaktoru Vüsalə Ələkbərova, kitabın yazılmasına xüsusi rəy verən şəxslərdən – Azərbaycan Tibb Universitenin Psixiatriya kafedrasının  dossenti Araz Manuçehri Laleli, və psixologiya üzrə fəlsəfə elmləri doktoru Rühəngiz Qarayeva, “ Narınc Uşaq Psixologiya Mərkəzi”nin Nizami filialının rəhbəri Təranə Kazımlı, ” Azərbaycan Diabet Liqası”nın rəhbəri Yeganə Sultanova, “Nitq İnkişaf Mərkəzi”nin rəhbəri Esmira Kazımova,  Yazıçı Cəlil Cavanşir, “Aida Uşaq Psixologiya Mərkəzi”nin rəhbəri Aida Nəbiyeva, “Ritm Danışma Mərkəzi”nin rəhbəri Şəlalə Quliyeva və mərkəzin baş psixoloqu Qarayeva Samirə, “Buta Uşaq İnkişaf Mərkəzi”nin rəhbəri Günay Ağamalıyeva, “Psixologiya və Konsultasiya Mərkəzi”nin klinik psixoloqu Orxan Fərəcli, yazıçı -kulturoloq Aydın Xan Əbilov, yazıçı-dramaturq Elnurə Ayxan, övladları ilə birgə valideynlər, gənclər, tələbələr  və media nümayəndələri iştirak edirdilər.

Tədbir psixoloq  Elnur Rüstəmovun açılış nitqi ilə başladı. Qonaqları, iştirakçıları salamlayan  Elnur Rüstəmov həm bir həmkar, həm də həyat yoldaşı kimi müəllifi təbrik etdi. Gələcək işlərində daha gözəl nailiyyətlər arzuladı və hər zaman dəstəyini əsirgəməyəcəyini vurğuladı. 

Daha sonra fəxri qonaqların hər biri ayrı-ayrılıqda söz alaraq, Narınc xanımı atdığı bu dəyərli addım münasibətilə təbrik etdilər. Narınc xanımın peşəkar psixoloq fəaliyyətindən bəhs edən qonaqlar, kitabın xüsusən validyenlərə uğurlu və əvəzsiz bir töhvə olduğunu  və  Azərbaycan psixoloji ədəbiyyatında özünəməxsus yer tutacagını vurğuladılar.

Sonda, Narınc xanım Rüstəmova illərdir peşəkar fəaliyyətinin bir bəhrəsi kimi , müəlliflik etdiyi kitabın təqdimat mərasimini təşkil edən, tədbirdə maraq göstərib iştirak edən, dəvətini qəbul edib gələn və kitabın ərsəyə gəlməsində əməyi keçən hər kəsə öz səmimi təşəkkürünü bildirdi. Nəzəri hissə bitdikdən sonra imza mərasimi başladı. Uzun bir növbə yaranmasına abxmayaraq, Müəllif hər bir kitabı xüsusi  diqqətlə imzalayaraq, iştirakçılar ilə xatirə foto çəkdirdi.

Biz də, Düşüncə jurnalı  kollektivi adından jurnalımızın ayrılmaz hissəsi, maarifləndirici və aktual mövzular xüsusunda məqalələri ilə “Uşaq Psixologiyası” rublikamızın əsasını təşkil edən Narınc xanım Rüstəmovanı təbrik edir,əməkdaşlığımıın daimi olmasını diləyirik!!!

 

Go Back

Orxan Fərəcli 14-18 sentyabr 2014-cü il tarixində, İspaniyanın Madrid şəhərində keçiriləcək "XVI Ümumdünya Psixiatriya Qurultayı"nda!!!

Psixologiya və Konsultasiya Mərkəzinin klinik psixoloqu Dr. Orxan Fərəcli 14-18 sentyabr 2014-cü il tarixində, İspaniyanın Madrid şəhərində keçiriləcək "XVI Ümumdünya Psixiatriya Qurultayı"nda Azərbaycanı təmsil edəcək.

 

Orxan Fərəcli haqqında məlumat:
Azərbaycan Beynəlxalq Universitetinin müalicə-profilaktika fakültəsinin məzunudur. 
2006 - 2010-cu illər Azərbaycan Respublikası Səhiyyə Nazirliyinin 1 saylı Respublika Psixiatriya Xəstəxanası tibb qardaşı;
2010 - 2011-ci illər Azərbaycan Respublikası Səhiyyə Nazirliyinin 1 saylı Respublika Psixiatriya Xəstəxanası İnternatura;
2011 - indiyədək Azərbaycan Respublikası Səhiyyə Nazirliyinin 1 saylı Respublika Psixiatriya Xəstəxanası həkim psixiatr;
2013 - indiyədək Xəzər Universitetində Klinik Psixologiya fənni üzrə tədris müəllimi;
2013-cü ildə Ankara Nümunə Təhsil və Araşdırma Xəstəxanasında 3 aylıq ixtisasartırma kursu keçib.
Azərbaycan Psixiatriya Assosiasiyasının üzvüdür. Bu sahədə keçirilən Respublika və beynəlxalq səviyyəli tədbirlərin iştirakçısıdır.
2009 - indiyədək Psixologiya və Konsultasiya Mərkəzində (PCC) Klinik psixologiya sahəsində təlimlər və fərdi konsultasiyalar aparır.


Go Back

Dünya Psixoloji Məsləhət və Rəhbərlik Konfransı

Bu yaxınlarda “Ulusal Psikolojik Danışma və Rəhbərlik Konqresi” və “Uluslararası Danışmanlık 
Konfransı” ilə birgə İstanbulda Boğaziçi Universitetində psixologiya ilə bağlı Dünya Psixoloji Məsləhət və Rəhbərlik Konfransı keçirilib. Konfransda 40-dan çox ölkənin məşhur psixoloqları, o cümlədən Psixologiya və Konsultasiya Mərkəzi (PCC) - nin rəhbəri, psixoloq Elnur Rüstəmov da çıxış edib.


- Elnur müəllim, Azərbaycanı təmsil etdiyiniz Türkiyədə keçirilən konfransın məqsədi barədə
oxucularımıza məlumat verə bilərsiz?


- Konfransın məqsədi bu gün dünyada psixologiya sahəsində baş verən yeniliklərin işıqlandırılması və psixologiya ilə bağlı araşdırmaların istiqamətinin müəyyənləşdirilməsi, psixoloqların daha çox nəyə diqqət etməsinin vacib olması haqqında müzakirələr idi. Konfransın iştirakçıları psixoloji problemlərin həllinə dair mövzularla da çıxış etdilər. Çıxışlar zamanı psixoloji xidmətin qurulmasından tutmuş, klinik problemli insanlarla işləmək, onları konsultasiyaya cəlb etmək qaydası, insanı tanımağın yolları ilə bağlı maraqlı fikirlər səsləndi. Bütün dünyada, o cümlədən Türkiyədə də geniş yayılan ünsiyyət psixologiyası ilə bağlı müzakirələr aparılıb. Eləcə də uşaq psixologiyası üzrə geniş tədqiqat işləri psixoloqlar tərəfindən diqqətə çatdırıldı.

- İştirakçılar çıxışlarında hansı problemlərə toxunurdular?


- Çıxışlarda bu gün dünyada baş verən proseslər, psixoloji mövzular əsas yer tuturdu. Zorakılıqla, etno - psixologiya ilə bağlı araşdırmalar da çox
təsirli idi.


- Konfransda neçə ölkənin təmsilçisi iştirak edib?


- 40-dan çox ölkənin təmsilçiləri var idi. Əksəriyyət tanınmış psixoloqlar idi. Biz tanınmış psixoloqlarla psixologiya ilə bağlı problemləri müzakirə etdik. Bir neçə psixoloji mərkəzlə və cəmiyyətlərlə əməkdaşlıq müqaviləsi bağladıq. Misal üçün, “Laləgül Psixoloji Reabilitasiya Mərkəzi” və “Uluslararası Danışmanlık Derneği” ilə müqavilə bağladıq. Bu beynəlxalq bir dərnəkdi. Bu da bizə gördüyümüz işləri tanıtmağa imkan verir. Onlarla gələcəkdə konkret işlər görəcəyik. Bu istiqamətdə konfrans çox faydalı oldu.

Onu da qeyd edim ki, konfransdakı müzakirələr nəticəsində Azərbaycanda psixologiya ilə bağlı mühüm işlərin görüldüyünü bir daha anladıq. Bunun sevincini konfransda bir də yaşadıq. Sadəcə bizdə psixologiya sahəsində çatışmayan cəhət eksperimental psixologiyada çətinliyin olmasıdır. Biz düşünürük ki, mərkəz olaraq, bundan sonra o məqama xüsusi diqqət göstərəcəyik. İnsanlar arasında sorğu keçirəcək, müəyyən psixoloji problemin yaranma səbəblərini araşdıracaq, çıxış yolunu axtaracağıq. Ümumiyyətlə, bu istiqamətdə tədqiqatların aparılması vacibdir. Çox yaxşı olardı ki, psixoloqların potensialları geniş təbəqəyəçatdırılsın. Belə ki, Azərbaycanda kifayət qədər potensialı olan psixoloqlar var. Ölkədə akademik səviyyədə tədqiqatlar aparılır və mütəxəssislərin əsərləri xaricdə çap olunur. Sadəcə bunun piyarı aparılmır. Bu haqda geniş kütlənin məlumatı yoxdur.

- Konfransdakı çıxışınız nə ilə bağlı
- Konfransda çıxış etdiyim mövzu etno - psixologiya ilə bağlı idi. Çıxışımda etnopsixologiyanın konkret fərdlərin psixoloji durumuna təsirinə toxundum. İştirakçılar tərəfindən də bu mövzu maraqla qarşılandı. Ona görə ki, Amerikada da bu problemi ağ dərilərlə, qara dərilər yaşayır. Avropada, Türkiyədə də bu tip problemlər mövcuddur.

 

Baş redaktorun müavini 

Aynurə Məmmədova

Baş redaktorun müaviniAynurə MƏMMƏDOVA

 

Go Back

17 nəticə göstərilir